[align=center]ترضى حد يفتش جوالــــك ...؟؟!!! وليييييش...!!
--------------------------------------------------------------------------------
السلام عليكم ورحمة الله وبركاته
ترضى(ن) أحد يفتش في جوالك ! وليــش ؟
... موضوع أعجبني للنقاش ...
الجوال ( مستودع الأسرار )!!
صار الجوال جزء لايتجزأ من حياتنا اليوميه مانطلع إلا بالجوال ومانقعد ولا نرقد إلا مع الجوال
غير عن أهميته المعروفه إنه جهاز إتصال
صار يحوي أشياء كثيره منها المسجات والوسائط النغمات والشعارات والصور ومقاطع الفيديو و و و ...!!
الجوال مثل السكرتير
اللي يذكرنا بالمواعيد والساعات المهمة
والتقويم اللي دايم مانحط فيه التواريخ المهمه :إمتحانات ، مستشفى ، إجازة ..:
والمنبه ( أهم شي المنبه )
اللي لي رن الصبح وقت الدوام .. نحط على غفوه(الموظفين والموظفات) وهالغفوه 10 دقايق
ومانقوم إلا إذا حد قال لنا :.. قومووووا دووووام متى بتروحوون الشوارع زحمـــه !!
الملاحظ إن فئه عمريه معينه من سن الـ 15 إلى 25 أو 30 سنه
يرفضون أي شخص يمد يده ويمسك جواله
ودايماََ مايقولون
( لحد يفتش في في جوالي ) !!
هالجمله البسيطه تحوي معاني كثيره ( ممكن تفسرونها )
ليش مانرضى أحد يفتش أو :يمسك: الجوال
هل هو الحرص عليه !!
ولا من زوود المحبه !!
ولا فيه شي خطير مانبي أحد يشوفه !!
هل لهالدرجه جوالك خطير ماتخلي حد يقرا مسجاتك
ويشوف قائمة الأسماء اللي بجوالك
ولا يسمع النغمات اللي منزلها ولا يشوف كم فيديو إستعراض
الأسئله كثيره والتساؤلات أكثر حول هذاالموضوع ...
أترك لكم المساحه....؟؟
بالنسبة لي انا مااحب احد يفتش بجوالي الا باذني واشياء معينه فقط يشوفهااا لانه من الخصوصيات....طبعا ماعندي شئ اخبيه بس مع تطور الجوالات قد يحوي جوالك اغنية واهلك احد منهم ملتزم..حرام ايش تبين فيهاا..والا يمسحهااا طبعا بيرتفع ضغطي..انالذلك ممنوع مسك جوالي حتى اشعار اخر...:23ar:
أختكــــــــــ //وداعا للحب
[/align]
مواقع النشر (المفضلة)