[frame="4 80"]قصيدة ( لا ضاق صدري رحت أقلـّـب عربسات ) ...





لاضاق صدري رحت أقلّب عربسات قمت أتفكر فـي عجايـب زمانـي
متنقـلٍ مابيـن ذيـك المحـطـات بإبهامي ألـفّ الأرض فـي ثوانـي
وماشدّ ني من بيـن كـل القنـوات اللـي بهـا ناظـرت شـيٍ دهانـي
قم يانديمي فـوق زيـن الموديـلات Vxr ت،،وّه صــادرٍ بالمـوانـي
النوع Toyota من أرقى الموديلات Japan صنع الأ فنـس الكيفرانـي
يصبر على قطع الوعور الصعيبـات يطوي صحاصيـح الخـلا مايعانـي
عليـه مطنـوخٍ يحفـظ الوصيـات عند اللـوازم ذيـب ماهـو هدانـي
شيّـك عليـه وجهّـزه للمهـمـات ثم فلّله مـن (شيشـة) المسلمانـي
وخذ النفود قطوع صوب القريـات وعَدْ الحدود لدار صـاف الثمانـي
متنحـرٍ دار الطـرب والوناسـات عشايرٍ من قوم)طونـي) و (هانـي)
الديرة اللي سَلم أهلها خـذ وهـات ماللحيـا بطبـوع ربعـه معـانـي
لاجيتهـم تلقـا الهنـا والمسـرّات والضيف له قيمـة وقـدر ومكانـي
يْقلطون (الترتـه) ومعـه (كيكـات) ومشروبهم .. مشروبهم شكل ثانـي
حياتهم هـزٍ .. ووزٍ .. ود بكـات ويـرددون الهابـط مْـن الأغانـي
دارٍ بها للزين وسمٍ وبصمـات بـهناعسـات الطـرف سيـد الغوانـي
لاشفت أنا هاك الغنـج والحركـات مسكت راسي ثم قلت آه ياااااااانـي
وأخص أنا بالقول باسكـال بالـذات هي شيء .. واللي غيرها شيْ ثاني
عليه عيونٍ تقطـع القلـب بسكـات همت .. ضعت و(جمدت) بمكانـي
تبلغـه شـوق وسـلام وتحـيـات وتحب جبهت عودهـا (مشعلانـي)




وهذا الردّ على القصيدة السابقة





لاضاق صدرك ياقليـل المـروات صل الصلاة ولا تجـي للاغانـي
استخدم ابهامك في طي الصفحات صفحة كتـاب الله بـاب الامانـي
اخير من شوفة وجية الخواجـات اللي غضب ربـي عليهـا يبانـي
لحمـة مخمـة فالبـلا والملـذات غرتك صبغة وجههـا البهلوانـي
ترسل نديبك فـي ردي المهمـات ا هل الردى فالدرب دايـم خوانـي
"والفكس" لاتطرية بالذات بالـذات ماهو بمركـوب النـذل والهدانـي
الفكس مركوب الرجال الثقـالات مقنى عربيـن النسـب والمجانـي
باسكال يامسكين راحت ولاجـات مالـك ومـال الساقطـة يافلانـي
وجة عليه من التشاكيـل صبغـات ابيض مع احمر والشعر برتقانـي
لاشافت الطرقـي تبديـة نظـرات وتميل مثـل الـداب والعقربانـي
بنت لها فالليل صولـة وجـولات تضحك على مثلك بطرف العيانـي
تضحك على لحيتك بنت لها اخوات ياكيف ترضـى يافتـى للهوانـي
تحب جبهة مشعلاني يـاذا الشـاة اثرك تـدور ريحـة الزعفرانـي
لاواللـة الا راس مافيـة نعـرات ا تحـب راس ابليـس يامودمانـي
ياونـتـي ونيتـهـا 10 ونــات الادمـي يانـاس طلـع جنـانـي
خلك بدار اهل الكرم والجمـالات دار حباهـا الله رفعـة وشـانـي
دار بها ستـر البنـات العفيفـات هـذي بـلادي ياطويـل الاذانـي
اشعب ركابك في جميع النحيـات امن وامان ويـش غيـر الامانـي
اخير مـن دار تحـب الريـالات باعوا الكرامـة ياللـة المستعانـي[/frame]