من العنوان يستوحي ( ياويل قلبك ياللغه العربية بس يارب تطلع كلمة يستوحي الاملاء صحيحه
والمعنى صحيح نفس اللي في بالي ) انا لي سوالف مع الترقيم ولف الاسواق
بس لا تظنون في اخوكم ظن السوء هي بس ثلاث ترقيمات
الاولى : وهي اول مره في حياتي ارقم بنت ....
( وياليتنا من حجنا سالمين ... كان الذنوب اللي علينا خفيفات )
كان يامكان في قريب الزمان وانا اتمشى بسيارتي في احد الحواري
( مايعرف العليا او مجمعات حده الحله وتخب عليه )
المهم شفت بقالة وقلت ياولد ورى ماتنزل وتشتري لك
شي تشربه المهم وقفت ونزلت للبقالة وتوهقت مدري وش اشتري
البيبسي وطقته : مايصلح يسبب لي الغازات
توهقت لحد ماطحت على عصير الجواهر المشكل
هههههههههههههه اموت عاد فيه
اتذكر ابوي جاب لنا كرتووون وخواني نايمين صحو ولا لقو فيه علبه
مالكم في الطويلة لم جيت اطلع الا داخله البقالة وحده ايه بنت
سبحان الخالق اللي خلقها بس اذكرو الله لو اوصف ما وصلت
لعشره بمائة من جمالها ماشاء الله
عاد انا مدري وش صار فيني احس اني تلخبطت
دخلت وانا عيوني من كثر الانتباه لها جلست عشرة ايام ما ارمش
جاني شد عضلي فيها
وطلعت ونتظرتها في سيارتي الدادسن (الوانيت)
وطلعت تمشي حبة حبة اكلك اكل البرشومي ( ياحووول وش دخل اغنية نادي الاتحاد )
المهم عرفت واين ساكنه وبعدها رجعت للبقالة ليش قول ليش
انا اقوووووول لكم ليش ( طولتها مع ليش صح ) علشان اسال ابو الشباب الهندي عنها
رحت وقلت كيف الحال بيساب ( بيساب يعني اخوي من كثر الهنوود اللي معي بالعمل عرفت اتكلم اردوو)
ابو هنود : الحمدلله كويس كتيييير
كرسي : انت كويس والا كويس ههههه:poi2:
ابو هنود : صديق مافيه قرقر كتير والا اقلب وجهك
كرسي: ياحوووول ياشينك مااحبك وراك تعصب
ماكنا حلوووين الحين :l2:
ابو هنود : انت ليش قرقر كتير مع نفر مافيه معلوم
كرسي: لا بيصير معلوم وصديق بعد
بعد الهواش قلت له صديق
هذا خرمه ( حرمة ) واجد يجي هنا
ابو هنود: ايو هذا خرمة كل عصر يجي هنا
كرسي: ماصدق كل عصر انت متاكد:209:
ابو هنود : اعوز بالله ايش فيه انت مافيه مصدق انا
كرسي: قلت ماتدري اني انا ماني مصدق نفسي ان هذه بنت
هذه ملاك ( ماتعود يشوووف بنات هههه)
قلت لابو هنود تبي شي قال لا شكر بس طس
رحت للبيت وقلبي ماهو معي واين تتوقعون ( في البقالة )
نمت وقلبي في البقالة بس وصيت ابو هنود قلت لحفه عن البرد
من بكره من الفجر وانا اللي يكرمك في دورة المياه وفاتح السخانة
علشان اسوي بخاااااار المهم اخيرا السخانه هداه الله وسخنت الماء
بعد شق الانفس واخذت حمام بخار قلت يمكن اصير ابيض والا افتح
لوني شوي ....هو لوني ابيض بس الشمس تغيره شوي ( وش عنده وائل كافوري)
وبعدها رحت للحلاق علشان يكمل الباقي يحلق الكشه اللي تقوول كشة
جني ...... جاء العصر ولا امداهم خلصو الصلاة الا انا محضر عند
البقالة ( جامع الظهر مع العصر )
جلست في السيارة لحد مافتح ابو هنود تصدقووون عرفت
انه جاي وهو في اخر الشارع صحيح ماشفته بس ريحته الله يغربله
تصلح اسلوب تعذيب في المباحث
سلمت عليه وفتحت انا وياه البقالة
وانتظر وانتظر اكلت بعشره ريال عنده ومافيه فايده
خسرت عشرة ريالات ( ياحووول لم كتبت الموضوع دورت
فلوس من فئة العشرة بشوف هي تكتب عشرة ريالات او ريال ولا حصلت )
تو الراتب مانزل ههههههههه ( يمدحون الصامولي وعلبة جبن كرافت )
وبعد ساعة الا ملاكي جاي يتمخطر يجر الخطوه بخطوه
فز قلب وصار فيني زي ماصار فيني امس بس مدري وش صار
صارت عيني بعينه وحسيت انها تضحك من ورى برقعها
فقلت في نفسي والله مالت لك البووونية ( بالهجة السودانية وش اسوي ربي بلاني بهنود وزوله بالعمل )
دخلت البقالة وراح جهت ثلاجة العصيرات واخذت عصير جواهر المشكل وفتحته لها وعطيتهيا
البنت ماتكلمت بس مامدت يدها قلت لها والله اذا ماتخذينه ترى اصبه عليك ( اقول الفقها يلعن ام الاسلوب) :baaa2:
اخذته المسكينه مجبووووره ومع العصير رقمي ولم اخذته قلت لها انتظرك لا تتاخرين بالاتصال
ابو هنود شافني وانا اعطيها العصير والرقم ولا قال شي اشو بس شكله مستانس مني لاني ممشي بقالته
طلعت من البقالة وركبت ام عزيز ( الوانيت ) وفحطت وانواع الخمسات على بالي بتخق ورحت متوجه للبيت ( ماعنده جوال ومتوهق لا تدق:sweatdrop
ولا تحصله ) رابطت اسبوع كامل وانا بالبيت ماطلعت ولا رحت العمل مرابط عند التليفووون :019:
وياويله اللي بيرد على التليفون وانا موجود.... وكل مادق التليفون دق قلبي معه
وكل ما انعم صوتي يطلع اللي يكلم واحد من الشيبان اللي يبي ابوي والا
من عجز الحاره اللي يبوون عجيزي (امي)
انقهرت وانكسر خاطري لانها ماتصلت وبصراحة
حسيت ان كياني الانساني تحطم ( مدري اسمعهم يقوولونها بس وش يقصدون ):15_f:
بعد اسبوع رجعت لابو هنود راعي البقالة وسالته عنها قلت له البنت
اللي دايما تجي هنا وش صار فيها
فطس من اضحك انسدح على الارض وهو يضحك
قال صديق انت نفر مسكين .... هو قال مسكين الا قوطي (علبة) الفووول
تمشي مليون وتبنط في جبهته قال صديق مافيه جنجان فيه انتزار وانا في كلام انت سالفة
قلت يالله قل لي السالفة والا ياعلبة العدس بتجيك مشوته وتكسر اسنانك
قال لي انت في اعطي بنت رقم بس بنت هذا كتيييير مسكين هو مافيه كلام
يعني طلعت طرمى ( الله يشفيها ولا يبلانا ) بصراحة انكسر خاطري على نفسي و
عليها علشان ربي بلاها انها ماتتكلم
وعلى نفسي اني حظي شين حتى بترقيم. :pcrying:
مواقع النشر (المفضلة)