اول شي السلام عليكم انت وياه << داخله وبيده عجرااا
لا صدق هاذي قصه لا اسمح بنقلها ابدا لأنها واقعيه وتمس حياة شخصية عظيمه من عظائم الزمن > انهجي لا يلفعونتس انتي واخوتس ..
على طاري اخوي ترا الموضوع اللي بنزله بأصابع اخوي الإثنتان وقصة واقعيه من حياته .. تناقرت
انا وياو .. حبناالك سجل بالمنتدى وخن نصير انا وياك ونترادد وكذا ونصير يعنني مجنون وسحوبه
طبعا ما يفهم وش اقول ولا يدري وش المنتدى اصلا فـ عيا مره وتلاعنا وكذا ولعله بالأخير وافق وقال
انتي نزليه وقولي القائد الأعظم .. هو اللي كاتب الموضوع وانتي نقلتيه قلت طيب طيب > حايمه
تسبدي منه
المراد( شيتا) القصه >> مشكله باب الحاره
نبدا (نسخ لصق ملاحظه الأخ القائد العظيم ) صح نسيت اقولكم قبل القراية .. اللي بيفتح اثمه على
الإملاء وتسون لي حركات وما الي ذلك فلا أحد يكمل الموضوع رجائا لأن القصه تتميز بالأخطاء
الإملائيه الفحله والأساليب الرنانه >> دخلت عرض ..
القصـــه تتكون من جزئين :: هاذا الجزء الأول >> تسمع بأساليب التحميس وجلب الإنتباه
المراد
:::
بسم الله الرحمن الرحيم
مقدمة:
لكل زمان شخصيه عظيمه ولكل وكت"وقت" قيصر وهترر وانا قيصر وهترر هذا الوكت
منذ ولادتي لاحظتي أماه " امي " بريقا في عيناي لا ليس كما تظنون ليس بريق البرائه وانما الطغيان
والجبروت والعنجهيه اللامحدوده فلم اكن طفلا عاديا لقد كنت احب السيطره واحب ان اتلاعب بالشخص
بمعنى اصح كنت امارس الشياسه
على كل من حولي
وكنت امارس على صعيد اخر مايسمى بالحبتث تث تث تث < لسان افعى
ولم يكن هذا كلامي انا وحدي بل إن كوفي عنان والزجرتيه الباقين قالو عني ذالك
كانت نقطة الظعف الوحيده التي كانت تقلقني كثيرا
هي بادية جريش لا استطيع كبح جماحي حينما يأتي طاريها.
The elmantry schol < الابتدائيه
يشاع أو يقال أو يتداول ان هذه المرحله من حياتي هي سبب في تقهقر اهدافي واختفاء معظم بريق عيناي
بديت مسيرتي التعليميه بمدرسه تجيب المرظ عشكريه سجن جزيره مهجوره عالم الاشباح مادري وش ينطبق عليه
اتوقع لو كان فيه القاظيه العبده الي شعره مفلفل كان تأمر وبدون تراجع سجن اهلي علشانهم سجلون بالمدرسه ذي
أول يوم
انا ليلة المدرسه نمت قرير العين ومن زود الراحه ماحلمت بشي ولا ادري الا الي جاين يقومن
أبوي: قم يالله أفطر عشان اوديك المدرسه
أنا: ؟؟؟؟؟؟؟؟؟؟؟ (طلعة غيمه فوق راسي مكتوب به اس كلام)
ابوي: يالله قم بس افطر لاتأخرنا
أنا: ((وراه قلب علي ذا امس شاري لي من البقاله اليوم بيحلتن للمجهول وش دعوا)) طيب قمت
أبوي: شف اغراظك القلم والدفاتر
في هذه الاثناء الوالي الاسطوري يتناول البريك فاست ولايعلم مامصيره
أمي: لاتظارب مع احد وذي فسحك ولابغيت شي رح للاستاذ
أنا: (وش معنى استاذ وش يبربسون ذولا خل ابشغل الرجل الحديدي بس)
شغلت الفديو ولا ادري الا الي جاي صاكه ابوي طبعا((احس اني حقدت عليه)) الزبده وصلني للمدرسه
ومع اخوي المهستر ووقف معي ابوي للطابور ويوم جا يقولون النشيد الوطني طالع نشيد مصر موب
سارعي للمجد والعلياء المهم ودخلني ابوي فصلي وقال ابجي بعد شوي انا طبعا ماجاز لي الوظع
قدامي مدرس مصري يقرق ومعه عصا مكسوره وبه لزيق وذو ساق خشبيه واعور العين ((وش دعوا))
والي حولي عين مصري طبعا انا جالس احسب الوكت شخص عظيم مثلي لازم يتابع الوكت((اشوا انك كنت تصيح))
المهم خمس دقايق عشر عشرين ساعه ماجاء ابوي
فقدت الامل ودريت انه موب جاي سحب علي النذل
قلت انا امي اكيد ماتدري ابوي سوا مؤامره مايبين
وشوي الا المصري جاي ذو الساق الخشبيه خلنا نسميه ابو عصا
ابو عصا: ليه مامعكشي كتاب
أنا: ارفع كتوفي يعني مادري
ابو عصا: تبع مع زميلك
أنا: سحبت عليه مافهمت وشي تبع
أبو عصا: مادري الا هو جاي ولاحطن بالعصا
طبعا انا ماصدقت ان جلدي الملكي ينال ظربه من من عصا اخر ماكنت اتوقع كيف اخترق الهاله حقتي وتجرأ يظربن
دمعت انا وقعدت اناظره يعني تراك ظربتن وستنال عقابك (((مير ابوي ساحب علي أي عقاب بس)))
جت الفسحه وانا اصيح الا اخوي المهستر جاي ياخذن معه عشان نفطر
فطورنا مدود كالعاده سندويشات جبن وعصير حرقان " الربيع "
انا واخوي جالسين برا ونناظر المصاريا اجسامهم عظيمه ولافيه مصري دايم يحارشنا يلعب معنا ايقاله
وحنا رقيقين مهنا من زود المهم رنت الفسحه ورجعن اخوي فصلي وانا بي صيحه يوم قعدت بالكرسي
ولا ابو عصا جاي مره ثالثه
انا اقول وراه بس يجي ذا طبعا كملت اليوم صحيح نصه صياح ونصه تلحيط لاكن لاظير
:::
عاد التكمله بالجزء الجاي هماه >> اتفلي بعيني ان احد رد على هيتس موضوع >>فارقي انتي واخوتس >> سمي :: صدق بمان الله
مواقع النشر (المفضلة)