[size=4]مدري لييييه تذكرت هالسالفه اللحين ..!!
ومدري بعد ليه تذكرته حسبي الله عليه ...
من كم سنه وعشان المصداقيه لما كانت أختكم في الله تدرس ثالث متوسط
وكان امتحانات آخر السنه وكان عندي امتحان علوم ..
وكنت سهرانه أذاكر وبروح مواصله للمدرسه وبعد ماصليت الفجر جات في نافوخي فكره
ألا وهي اني أطلع أراجع اللي حفظته بالحوش على بزوغ الصباح وزقزقة العصافير
وليتي فقدت التفكير ولا فكرت بهالفكره ..
كانت فكره منيله بستين نيله ..
المهم ياطوال اللحى <<< طيب ان كانت اللي تقرا بنت <<<يالله بلاش اللحى
ياطوال الرموش <<< كلنا عندنا رموش
طلعت وليتي ماطلعت وصرت أتمشى وأردد اللي حفظته وأرسم الرسمات في الهوى
وشوي ...!!
أشوفه جاي من بعيد ..؟؟؟؟
[[[ بطاقة تعريف :: اللي جاي من بعيد (( تيس ))
وهو حقيقي تيس وشرير بعد تخيلوا ...ولونه أسودويقرف وأنا ماكنت أطيقه وكرهته أكثر
بعد اللي سواه <<<< لاتستانسون مانطحني بس بغى
وكانت كل محاولاتي في طرده من بيتنا تبوء بالفشل ..
وأكيد بعض الأذكياء مثلي وشرواي <<< استريحي بس
بيتسائلون وش جاب هالتيس عندنا ..؟؟؟؟
هذا ياطوال الرموش في خميس من الخميسات كان الوالد حفظه الله ورعاه بيطلع اهو وربعه
للصمان واشترا تيسين هذا وواحد ثاني وشالهم وياه
بس صار واحد من ربعه هم جايب خروف واضطر ابوي يرجع بهذا وياه وربطه في الحوش
بس اوقات شغالتنا المصونه تشيل رباطه وتخليه يسرح ويمرح في الحوش <<< حوش أبوهimages9
لا وصارت بينها وبينه علاقة حب مايصبر ع فراقهاConfused33
ومايرضى ياكل الا منها ولما تدخل اهي جوا البيت وتسد الباب
كان يجلس ع السلم ويستناها لحد ماتطلع ..
وبيني وبينكم مره شفتها تقوله (( يالله روهي مكان انتي سورئه ))
والله ويطير ويسوي اللي قالته وأنا طارت عيوني images8
بس هذي شغالتنا تدرون جارتنا عندها دجاج وكانوا حاطيلهن
مكان عشان يبيضون فيه بس كان الدجاح يبيض مكان ثاني
وكنا عندهم مره وصعدت شغالتنا للدجاج وقالت (( انتي لاسوي بيز هنا
انتي هنا سوي بيز فاااهم ))
وربي من بعدها صاروا يبيضون في المكان اللي قالت عليه <<< يمه
نرجع لمحور حديثنا <<< ياهووووه وربي مثقفه
جاه مرض مدري زكام مدري سارس مدري انفلونزا التيوس :18ar:
وأخذه أبوي طبيب بيطري وصرفله الطبيب أبر وصار أبوي يحقنها له كل يوم
ولا بعد يشتريله أحسن الأكل <<< نسيت وش يسمون اللي ياكلونه
وشغالتنا كل يوم تسويله سبوحه ..؟؟!!
(( سبوحه :: مصطلح دخيل على مصطلحاتي <<< وياكثرها
ويعني .. يتسبح أو يتحمم أو يسبح أو ياخذ دش أو شور ))
بإختصار كان عايش أمير بس للأسف ماكان وش نعمه
تيس فقر
وكنت أسميه (( أبو عيون )) لأن نظراته مرعبه وفيها حقد وشر ع الجنس البشري
وبسببه صرت ماأطلع الحوش إلا لـ الضروره الملحه ]]]
والمهم وأنا أتمشى واذاكر واستمتع بصوت العصافير
الا واهو جاي ويخزني بعيونه وأنا مطنشه وشوي يوقف فوقفت أنا
مشى شوي مشيت شوي
زاد خطواته زدت خطواتي
وشوي يركض واهو جاي صوبي ولما شفته حاط الطبلون عرفت ان له نيه فيني سودا مثل وجهه
والله وأرمي الدفتر بالهوى وأشغل التيربو <<<< متأثره بالبلاي ستيشن
وأركض ويركض وراي
وأركض ويركض وراي ولما وصلت باب الفيلا لقيته وللاسف الأكثر من شديد مقفل
عشان مايدخل اهو جوا وقلت بخاطري والله ياجوجو شكلك بتروحين عظمim6
وتذكرت الحكمه <<<< صحيح رايقه وراها تيس وتقول حكم
اللي تقول [[ من طلب العلا ... لحقته التيوس ]]
وفيما أنا غارقه بالتفكير الا واتذكر انه وراي وانا ارجع افتح التيربو واركض
واحمد ربي اني وقتها لابسه جزمه لأنه الله ياخذه كان مسويها ومن سرعتي ماشفته ووطيته
وبغيت أسوي عقده بس ربي ستر وسحبت فرامل بس مامداني
ولقيت حالي بايسه الجدار
وبعد مابست الجدار وباسني استأنفت الجري وانا اقول بخاطري اللحين
وش بتسوين الى متى بتطوفين ع البيت وجا في بالي اصارخ بس هونت
تدرون كان صباح وانا بالحوش ماله داعي اصحي الجيران ويدرون ان تيس قليل ادب
لاحقني وتصير فضيحتي بجلاجل <<<< هذي منطقه عندنا صح ..؟؟؟
وبعدين محد يتزوجني واجلس اقطع بصل في بيتنا:frown:
عشان كذا فضلت اخرس خاااااالص
وتستمر الملاحقه وشوي تفتح الشغاله الباب وادخل وطحت ع الكنبه
وانا كشتي طايره وسعابيلي على وجهي <<<< ايه مشغل التيربو ماتبون سعابيلي تطير
وتيجي امي واقولها السالفه وانا اهجد كشتي واجمع سعابيلي واتفقد وجهي
وتموت علي من الضحك
قلت تضحكين ..؟؟؟
حسبي الله عليه طارت كل المعلومات مو فاكره أي شي من اللي
صارلي يومين ادرسه ..
بس هين الوعد في الطلعه <<<< مضيعه الاخت
اذا ماطردته وخليته لورعان الحاره تاكسي ماكون جوجو
ولما جيت من المدرسه رحت لابوي وقلتله من بيتنا يا أنا يا هو <<< والله اني شخصيه
واشوا ان المرض كان زايد عليه <<< هذا وهو مريض اجل لو طيب وش كان سوا
وكان خايف ابوي ينقلنا العدوى وشاله ومادري وين وداه وما يهمني اعرف
في ستين داهيه ~~ درب اللي يودي ومايجيب ~ روحه بلا رده
كرهني بالحيوانات كلها حتى العصافير صرت اخاف منها
الصيصان صايره اخاف منها ...!!!
عقدني حسبي الله عليه
وماقول غير الحمدالله اني وقتها كنت رأس حربه في منتخب الحاره للناشئين
والا كان عـــــلــــــوووووووم [/size]
مواقع النشر (المفضلة)