الي تبي تغيض اخوها هع هع هع هع
:1ar: :1ar: هذا االموضوع الغرض منه : الفرفشه وهو قابل للتطبيق في ظروف معينه لكن اذا كان يغلب على الظن أن تطبيقه يسبب عاهات مستديمه فالرجاء توخي الحذر
( تحذير حكومي :: المزح الثقيل مع الاخوان يضر بصحتك , ننصحك بالابتعاد عنه )
الطريقة الأولى ...
** عند التلفزيون **
ا) من المعلوم سلفا أن البرنامج المفضل لدى الشباب هو مباريات كرة القدم , لذلك فإنه فرصه مناسبه لتحقيق أكبر قدر من رفع الضغط دون عناء كبير .... اذا رايتيه في قمة الحماس يعني حتى لو انفجرت قنبله وراه ما التفت لها ... سوي نفسك سنعه ( ست البيت النشيطه ) وهاتي منظف الزجاج مع الفوطه .. وهات يا مسح.. املئي الشاشه منظف وامسحي بحركه دائريه على الشاشه وحاولي انك ما تخلينه يشوف زين ,,,
واذا قال لك ابعدي قولي : ماني فاظيه لك بامسح وانظف ..
ب). ثم هاتي المكنسه الكهربائيه في المكان الي هو موجود فيه وابدأي بالكنس وحاولي من لحظه للحظه تكنسين قدام التلفزيون واذاقال : ابعدي والا تراالكأس في وجهك ..قولي : معصي ( لا ) بيجون ضيوف
ج) والأحسن انك تجلسين وتسوين نفسك متابعه بعدين تصرخين فجأه وتقولين : يوووووو نسيت الكيك في الفرن وانقزي من مكانك ثم اركضي باتجاه المطبخ وحاولي انك اثناء الركض تفصلين سلك التلفزيون برجولك .
** عند النوم **
أ) إذا كان أخوك يشخر .. نكدي عليه نومه , وشلون ؟؟ ادخلي عليه كل اطفالكم وأطفال جيرانكم بعد وصكي عليهم الباب ... عاد تعرفونهم . . مايقصرون ماشاء الله عليهم ..
ب) أو : إذا كان مستغرق في النوم .. تعالي وبدون مقدمات وإرجفيه رجفه تخليه جالس ... وقولي له بكل برووود : نبي نطلع ..
ج) هناك صنوف أخرى رفع الضغط أثناء النوم وهي أخف ضررا على الطرفين ... منها :
- إطفاء المكيف في عز الحررر .
- فتح ستائر الغرفه حتى يدخل ضوء الشمس المعمي للعين ..
( ويفضل عمل الفقرتين السابقتين في وقت الظهر ..)
- لابأس من إضافه بعض من قطرات الماء في الأذن .
- الرمي والقذف بالوسائد ( فقط ) ؟؟
** اذا المزاج صفر**
اذا شفتيه ماله خلق ومو رايق ومقفله معه لا تخافين بالعكس هذي فرصتك تنتقمين منه يعني تحرشي فيه خلي دمك ثقيييييييييل بالمزح
بس انتبهي في هاللحظه راقبي حركات يده لان ممكن يوصلك أي شيء قدامه بوجهك ولازم تصيرين مجهزه مفتاح الغرفه.. ماتدرين السالفه يا غالب يا مغلوب
المهم.. اضحكي على شكله والا على جلسته والا على لبسه .. هو بيقول ترى ماني رايق روحي عني , انتي لا تسكتين قوليله واذا مارحت وش بيصير ؟؟
عاد هو بيقوم ويوريك وش بيصير ... انتي في هذا الوقت امسكي اول درجتين توصلك لغرفتك وطلي عليه من فوق وقوليله ههههههههههههاااااي اهم شيء رفعت ضغطك وقومتك من جلستك
***وقت الطق ***
إذا جاء يوم وبراسك شر وتبغين تتطاقين انتي وياه لازم تجهزين نفسك من كل ناحيه:
الشوشه لازم تلمينها وتسوين حفله براسك ذاك اليوم تحطين انواع الشباصات والمغاطات وانتبهي ولا خصله تنزل منك,
وياليت يكون ذاك اليوم حاطه براسك حناء علشان مايتجرأ ويلمس شعرك <==== ابن أمه يجيب مثل هالتفكير
مفتاح الغرفه جهزيه الاحتياط واجب
اذا بدأت المعركه حطي راسك براسه ولا تبينين له انك خايفه وحمري عويناتك فيه وقوليله وش براسك عاد هو هنا بيقولك هذا اللي براسي طراااااااااااخ ....
لا تستسلمين عطيه بوكككككككس على عيونه الثنتين علشان مايشوف الدرب وحطي رجلك
.
وعلى طووووووووول لغرفتك اللي مجهزة مفتاحها من قبل واقفلي عليك .. ويادار مادخلك شر بس نصيحه اقعدي يومين لايشوفك ولا تشوفينه لانه يبي ينتقم لكرامته وبيوريك النجوم في القايله ..
دمتم
:1ar: :1ar: :1ar: :1ar:
مواقع النشر (المفضلة)