بأسج النفس
السلام عليكم ورحمة الله وبركاته
اخواني الأعضاء
هذه قصيده جديده من قصائدي المتواضعة
أتمنى أن تحوز على رضاكم وإعجابكم
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
بأسج النفس في ديرةٍ مابها دوعي = وأكب الخلايق واسهر الليل بلحالي
وأخبّي عن جميع المخاليق موضوعي = أخاف الخبر يظهر ويدرون عذالي
وأنا ساترٍ نفسي وأداري عن ربوعي = ولا ودي أحدٍ يدري بشي يجرالي
جفاني حبيبي والوصل صار مقطوعي = وأنا ما اطيق البعد والصبر عزالي
فلا الشوف حاصلي ولا الصوت مسموعي = ولابه رساله منه تنشد عن أحوالي
ولاهوب لاقي في المخاليق من نوعي = يبيع العمر لجله ويرخص له الغالي
وانا يشهد الله ماتغيرت بطبوعي = هو اللي تغير وأخلف الوعد بوصالي
سقيته زلال الوصل صافي بينبوعي = وسقاني هماج البعد بألوان وأشكالي
عطيته خفوقٍ ساكنٍ داخل ظلوعي = ابيه ايتجمل به ووراه الأهوالي
الامن ذكرته هلت العين بدموعي = وقلبي من الأحزان يصلى على صالي
عليه آتوجد كل مامر الأسبوعي = وهو له ثلاث سنين غايب ولا جالي
كتبت القصيد أحسبه بيخف من لوعي = وأثاري القصيد يزود النار باشعالي
خياله وزوله داخل العين مطبوعي = وطيفه يمر بكل ليله على بالي
أحبه لو يقول العذول إني مصدوعي = وش اللي يخصه دام يرضيني هبالي
لشوف الحبيّب ياظمايه وياجوعي = سعد عيني لاشفته وهو جالس قبالي
متى ألتقي به وأظوي الليل بشموعي = واسهر معه وأبطل السهر بلحالي
ياليت الزمن والحظ يمشون في طوعي = لأقرب حبيبي وابعد وجيه عذالي[/poem]
وسلامتكم
اخوكم
حزين الحرف
عبد الرحمن سعد
رد مع اقتباس
الله عليك
مواقع النشر (المفضلة)