مواااقـف للمدرســــات .....

**~~عذااري الغناادير~~** · 15-05-2006, 02:56 AM

دخلت منتدى لقيت هالمااااضوع عن مواقف

للمدرسات اللي يدرسون في محو الاميه

والمواقف ع لسان اللي كتبتهم ..............

في نهايـــة الفصل الدراسي الأول وبعد ماخلصت شــارحة كل الدروس وأخذنا اسبوعــــــــين مراجعة , صار بكرة الامتحـــــــا ن النهائي قلت لهم هــــاةه يابنات من عندها أي سؤال أو شئ مافهمتوه أو شئ صعب؟؟؟؟
قامت وحدة تسأل : وش تتوقعون الســـــــؤال؟

قالت استاذة: نذاكر الترم الأول ولا الترم الثاني؟؟

كنت أشرح لهم درس في القواعد الفعل الماضي وتحويله الى مضارع والعكس
وجبت لهم أمثلة كثيييييييرة على كذا

ذهب -يذهب أكل - يأكل درس -يدرس

جــاء من بكرة (يقالك) براجع لهم الدرس
سألت وحدة قلت هــاتي الفعل المضارع من (دخــــل )؟

قــالت بسيـــــــــــــط دخــــل مضارعه خــــرج.

في مادة القراءة طلبت منهم استخراج الكلمات المنتهيــــة بهمــزة من القطعــة وجبت لهم مثال كلمـــة الأشيـــــــــــاء ,قلت جيبوا غير هالكلمــــة قلتها 3 مرات

قامــــوا يقرون ويتمعنون في القطعة ويتفحصــــون ســـــــاعة وانا انتظر الاجـــابات

قالت أول وحدة لقيت كلمــــة

قلت وش هي؟

قالت: الأشيــــاء.
قلت : ياأم محمد صح عليك بس طلعوا غيرها لاني انا قايلتها قبل.

مادريت الا الي جنبها تقول لقيت كلمه فيها همزة.

قلت يالله قوليهــــا بصــــــــوت عـــاااااالي عشان يسمعونك زميلاتك

قـــــــالت : الأشيـــــــــــــــاء

طبعا انا مسكت نفسي وقلت لها نفس الكلام الي قبل, قالت ماسمعتك يوم تقولينها.

قعدت شوي وتتكلم الدارســــه الثالثــة قالت كلمة الأشيــــــاء فيهـــا همزة ياأستاذة.

قلت مابقي الا وحدة بالفصل ماقالت هالكلمه رحت لها عند درجهـــا أشوف وش كاتبه في الدفتر من كلمات

قريت اول كلمه لقيتها ( الأشيـــــــــــــــــــــــــــــــاء)

انا عن نفسى كنت احفظ حريم كبار القران
واول مابديت التحفيظ .. قامت وحده كبيره (( الله يحسن خاتمتها )) وقالت : انا طالبتج ياحبيبتى لاتسقطينى
قلت : ياخاله تو الناس مابعد بدينا ,, قالت: لا انا دايما يسقطونى
وبالفعل حاول احفظها لكن الطبع يغلب التطبع
وسقطت

يوم السبت اللي راح عطيتهم درس قرأن سورة الغاشيــــــــة ولما خلصت شرح الايات وكتبت الكلمات

ومايستفاد على السبورة ووو المهم خلصنا الدرس وسمعــــــــوا بعض الامهات اللي حافظين السورة

وفيه وحدة ماحفظت وقلت لها الحصة الجايه اسمع لك.

ويوم الاثنيـــــن: عندنا حصة قرأن قلت طلعوا المصاحف بناخذ سورة الأعلى ,الحرمة هذي ماسمعت وش أقول مادريت الا وتفتح سورة الغاشية تبي تقراها.

قلت حفظتيها عشان اسمعها؟

قالت ومن يقول ان حنا ماخذينا؟

قلت والله ماخذينا ؟

قالت لاتلعبيــــــــــن علي.تحسبيني ماأعرف؟
قلت اسأليهم كلهم سمعوا وخلصوا حفظها.

قالت كلكم ماتدرون عن شئ وضايعة روسكم.

المهم ماأقتنعت الا يوم وريتها دفترها اللي كاتبه فيه الكلمات ومايستفاد

كان عندهم امتحان نهائي لمادة دينيـــــــةوانا اللي أراقب عليهم ,فيه سؤال فراغات والمطلوب تكمل الايه مو ناقص غير كلمة وحدة بس.

وحدة من الأمهات ماعرفتها وقعدت انا وياها ســــــــــاعة اقرب لها واشرح لها عشان تعرف الفراغ وشو.

طبعا الأيـــة كانت عن القصاص واقولها وش يسوون بالقاتل ؟ وش عقابه ؟المطلوب كلمة وحدة؟ شرحناها كثير وانتي كنتي تجاوبين عليها

بعد هالشـــــــرح كله قالت لي: انتي تعرفين الجواب؟؟

قلت : أكيـــــــــد.

قالت: وكل هالوقـــــت وساكته ماتعلميـــــني؟

انا احسبك مثلي ماتعرفين الجواب.اخص عليك ماهقيتها منك

قلت هذا امتحـــــــــــــــــان كل وحدة تجاوب لحالها

قامت وقربت عند إذني وقالت: علميني لحالي ولا ترفعين صوتك عشان مايسمعونا باقي الحريــــم.

في الأخير استسلمت وقلتلها الاجابة.

من ضمن المواقــــف: كان عندهم مراجعة لمادة التــــــاريخ على الدروس اللي خذوها , طبعا كلها ماتجي 5 أو 6 دروس , طلبت منهم يأشرون على التمارين اللي ماحليناها مع بعض وأنا متأكده ان احنا حالينها كلها بس ابغاهم يفتحون الكتاب ويتصفحونه.

جاء من بكرة , وقلت لهم يالله طلعوا كتب التاريخ عشان أشوف وش حددتوا عليه ؟ وش الدروس اللي ماحليناها مع بعض؟؟

قامت وحدة وقالت: تعالي شوفي كتابي ماحليتي معي دروس واااااااجد

واتصفح كتابها , طلع دروس كثيييييييييييرة ماحلتها .

تتوقعون ليــــــــش؟؟

صارت محددة كل دروس الترم الثاني ومصفطة الصفحات كلها

اختي تدرس مادة القراءة ومن عادتها انها تأتي بصندوق فيه اشكال اوفواكه اوخضروات تبدأ اسمها بالحرف المطلوب وفي احد الايام كان الدرس عن حرف الطاء تقول فاخرجت لهم حبة طماطم وقلت ما هذه فقلن جميعا وبالحرف الواحد

قوووووووووووووووووووووووطه

مع تحيات محبتكم

"مـــــــلاكـ بنت خـــــالـــد "