يا أميره .. لا يا شيخه .. لا يا حضرة سموه
يا سموة عـرش تفكيـر المعنـى وذاتـه
يا أصيله .. يا عظيمه.. يا سياده.. يا مروه
يا جلاله فكـر مفتونـك وحضـرة مناتـه
يا وجود الحب في وقـت انعدامـه وخلـوه
يا وفا عصر الوفا يا كامـلٍ فـي سماتـه
أبشري لك في عنا الضيقه بصدق الحمـوه
وأبشري لك ياغناتي باللي أرخص لك حياته
أبشري يا بنـت الاجـواد بربـاط الاخـوه
أبشري به في زمن نقض العهود.. وثباتـه
وابشري بي لا طرى لك صاحبٍ كنتي وهوه
كان لك عاشق وكنتي له هنـاه.. وشقاتـه
كنت اللي تاخذينه من عنـا وقتـه وسـوه
وصرتي اللي في حياته.. يا حياته.. يا حياته
جيتك من أقصاي شاعر زاد بك عزه وقـوه
جيت سابق شوقي اللي في خفوقي لك مباته
جيت ودي أرسمـك واقـع لانسـان تـوه
يعرف ان الشوق لو طـول يسبـب مماتـه
ويعرف انك نجمةٍ فـوق السحايـب ونـوه
تاصلين البعد لكـن فـي مـداره وبجهاتـه
والله أني من عرفتك وانت وسط القلب جوه
والله أني من عرفتك وأنت قلبي وانت ذاتـه
مواقع النشر (المفضلة)