مصخره ستار اكاديمي
السلامـ عليكمـ ورحمهـ اللــّــه وبركاتهـ ..
يمكن يكون الموضوع جريئ شوي لكن نقلته من القهر على هالبرنامج
.
.
كالعاده .. فضفضة لـ أحلى اعضاء : )
ياجماعه سؤال واحد بس .. وأعتبره أهم سؤال بموضوعي ..
ستار اكاديمي .. شنو فايدته لنا ؟ شنو نستفيد منّا ؟
أنا إلي أشوفة .. الناس تدز مسجات وتخسر فلوس عشان تنجّح واحد ..
زين هـ المشترك يدري عنّك ؟! يدري انك منجحه .. وشنو بتستفيد لو نجّحته ؟!
ولا تقول يرفع راس ديرتي .. يرفع راس ديرتك لما يغني مع باقي العرب ؟! ويفوز عليهم ؟! بـ أغاني ورقص ومصخره !
شهالمصخره ؟! انا ماشوف نفسنا مستفيدين من هالبرنامج ..
ولا أشوفه برنامج له معنى صراحه .. أساسا ً الفكرة مقتبسه من أمريكا ..
وماشالله على أمريكا .. كل شي فيه " فساد " منها .. كل هـ الأفكار منها ..
ليش نقلدهم ؟! ياجماعه ترى كل شي وصل حدّه .. ستار اكاديمي أمريكا ..
ياجماعه مو برنامج هذي دعوة للفساد!!
وشكله ستار أكاديمي " لبنان " بيصير نفسهم ؟ حمام سباحه ياجماعه ؟!
حمام سباحه وبنات وشباب يتسبحون مع بعض ؟! ويلعبون مع بعض ؟!
الشباب يمسكون بنت ويقطونها بالماي ويغرقونها على ابو انه ضحك !!
زين ياجماعه حنّا عرب ؟! حنا لنا عاداتنا وتقاليدنا ؟! بالعربي حنا " مسلمين " !!
شنو الفايدة من البرنامج بس بعرف ؟! توطية للراس ماترفعه أبد !
وبشنو يرفع راسنا فيه .. بـ طيحت حظ ! والاهتمام الزايد ماشالله بالبرنامج ..
وخاصة من البنات المراهقات .. لاتسأل بنت عمرها 12 سنة عن البرنامج ..
تقعد تقولك حتى السوالف الي تدور بين هالمشترك وهالمشتركه ..
ياجماعه مو برنامج ؟! وربي دعوة للفساد ؟! أي واحد يبي ينشهر ويطيح حظّة ويخربط يروح حق هالبرنامج ..
وماننسى للي صار حق بشار الشطي .. وصوفيا .. ومحمد عطية ..
ما شاء الله علاقات حب .. إلا طيحت حظ ومصخره مال امها داعي ..
ستار اكاديمي " 5 " فيه حمام سباحه .. طيب ..
وستار اكاديمي"6"ما ندري شنو راح يصير فيه!!
كل ماله والعرب يطيح حظهم أكثر وأكثر .. وهذا إلي مخلي العرب مالهم كلمة : )
إقتباس أفكار وتقليد بدون تفكير .. !!
ناطره تعليقاتكم على الموضوع,,
:
تحياتي
مواقع النشر (المفضلة)