بسم الله الرحمن الرحيم

قصيدة اليمة ٢٠١٤ , قصائد قويه ٢٠١٤

الله واكبـر غـربـة الايــام يا مـكـثـر لــددهــا.........

تتعب الرجل الشجاع وتخلف النفـس الرزينه

والـعـيـون اللـي تنوح ومـطـول فيها سـهـدها.........

ساري فيها الغــرام وباقي للـشـوق عـيـنـه

هـزت القلب الحـزيـن ولا صمدها مــن صمدها..........

واسدلت رمش المحاجر والظلام ارعب خدينه

ليلـة الظلما تخيـف وخـيـرهــا للـي رقــدهــا..........

يستهيف بها المزاج وجرحها يـنـزف وتينه

والحلوم اللي حلمنا مـاقـعـدنـا فـي نـصـدها..........

يشهد الله ما ستهنت ولا نبي النفـس المهينه

خيمه الحرمـان بنيت بــس مـن ثبــت وتـدهـا..........

لو تلوف بها العواصف ثـابــه تبقى حصينه

غابت الشمس بضياها واظلمت وابدت صددها..........

والنجوم لها مع الشمس الفضـاء وقفه ثمينه

فـي نـظـر عيني ظلام وطيبها يسبق حـقــدها..........

مؤمنه بان القدر يكتب لهـا زيـنــه وشـيـنـه

عــادة الـمـسـلم صبور وسجدته لا من سجدها..........

تثبت انه صـــامــد في كل حــزاتـــه وحينه

هـكـذا الـدنـيـا تـدور ولا ذكـر حـي حـمـدها..........

يستصيب بها المصاب وكـم قصــاويٍ تهينه

والـــــوداع اللي بلا رجعه صحيح أمرّ وأدها..........

والـــــوداع اللي بشوف العين هذيك الغبينه

حققوا فيها الـطـمـوح وخففوا عـنـهـا جلدها..........

ربما انها تــارد الـمارد وتنهل مـن معيـنـه

مال ذلـك العلم طاري والمـوارد مـن وردهـــا..........

ينهـل الــشـهد الزلال وينصرف والله يعينه

والـحــمـام اللي ينوح ومهجه الشادي بجدها..........

هــز مفجوع الضمير وتاق له واظهر كنينه

كــل مـاغـنـى بـصـوتـه عـذب النفس ولهدها..........

والنفــــوس همومها مثل الجبال المستبينه

لـو تفيق الــذاهـبــه من نومها صاحت جهدها..........

لأجل غاليها تسير ولـو تجـي عنـده رهـيـنه

للــوفـاء فيها مـرام وجـودهــا ينفي حسدها..........

يا صبـاح الخـير يا صبح تبسم مـن جبينه

وردة بين الـزهــور ونـودهــا يـطـرق جعدها..........

شاقها جــــــو الجنوب وفوقها هلت غشينه

من يطيق فـراقـهـا ليا صأار باريها قصـدها..........

كــــــود صبار على الشدات وضلوعه متينه

الـرجــال بـعـزهـا والخيل تفدى من وجــدها..........

والـبـحور امواجها ما تنحني لاعظم سفينه

مـاعلى الـدنـيـا ظمان ومن بغاها ما طــردها..........

ليه يالنفس الجـزوع وهيه يالنفس الفطـينه