السلام عليكم
هذي قصيدة مشاكاة كتبتها حق الشيخ خليفة بن زايد آل نهيان الله يحفظه و كل شيوخ الإمارات الله يطول بعمارهم...
هالقصيدة كتبتها فالوالد القايد بابا زايد الله يرحمه و يغمد روحه الينة ...قولوا آمين
أتمنى القصيدة تعيبكم...
يقول القصيد:
أبشكيلك شقا حالي و صد الفرح عـن لفـواد
و ابوصفلك حزن باقي على ليّـام مشقينـي
أبحكيلك و فضفضلك لجل هالدمع مـا ينقـاد
و احسسك ابمدى حبي لروحٍ تشقي سنينـي
عجيبة قصة الانسان يظن ان الفجر له عـاد
و يرسي في بحر هايج و يعلق بالشراعينـي
سمعت ان العزيز اللي جمعنا من عقب افراد
غدت روحه لذالعليا و صار الدمـع يكوينـي
ونيسي لا تعذبني بقـول ان القـدر لـي راد
ترا ربي بغاه يمّـه خـذا روحـه فذالحينـي
بكيت و لا لقيت اللي يداوي الجرح كالمعتـاد
و لا مقدرت عالدمعة و فرحي صار جافينـي
وقلبي؟! آآآه يا قلبي يا زايد ما قويـت بعـاد
ونا صغيرة كتبت اسمك و علّقته على جبيني
و كلٍّ يبكي و عينه حريقة ما تشوف اعيـاد
من الناطور للاشياخ و نجلـه و البساتينـي
ونا مبكي على زايد أنا أبكـي علـى الّعبـاد
زايد لو درى أبكي مسح هالدمع مـن عينـي
بغيت اموت..لا...وانسى حياتي و استهل بعاد
و أدفن عمري فقبرٍ ظليمٍ في مـدى سنينـي
و لكن! كلّنا زايـد بنكمـل سيـرة الأمجـاد
و نبني صرحنا عالي فـذاك النجـم بيبينـي
و سلامة قليبكم.....و اتريا ردودكم..
اختكم * جمرة
مواقع النشر (المفضلة)