عرفتك في بداياتي .. قلق شاعر.. و ضيقة بـال
تجي من صوب شطحات الخيال وتسكـن أعماقـي
من أول ليلةٍ شفتك .. عرفت ان السهر... مدهال
لسربٍ من هجوسٍ .. رفرفت .. بجنـاح خفاقـي
غـرام أول قصيـدة و أول الخطـوات والترحـال
على دربٍ ٍ مشيته ما معي غير.. أنت و .. أوراقي
يحدّك صوبي الليـل الحزيـن الصامـت الولـوال
وانا ارخي لك جناح الحرف وارفع لك ندى اشواقي
تحت جنح الظلام اشوف لي بـدر وجمـر وهـلال
أظنه وجهٍ ٍ أتعبني .. وأنا امشي له على سا قـي
ملا مح بنت شيخ ان مت عنها .. ما بقي رجـال
كثر ما اتبع غلاها .. ما وقفت وقلت وش با قـي
هي اول من ذرف دمع الوداع وصا فـح الرحـال
وهي آخر من بقي فالذاكرة .. و احتلّـت آ فاقـي
عليها من بني عمـي ملامـح ... جدّهـا الخيّـال
وعليها من بني خالي .. صهيل خيـول واشراقـي
تغطيهـا سمـاء نجـد العذيـه والغـلا والشـال
لها ذكرى تزف الشوق حتـى .. تمطـر أحداقـي
عسى من بهّر دلال الفـراق وصـب لـي فنجـال
يحاصره العطش والقيظ .. لا رحمة ولا سـا قـي
الشاعر جهز بن سيف العتيبي
مواقع النشر (المفضلة)