شــــيخ وزوجــته

[ولد الكلابيه]

السلام عليكم ورحمة الله وبركاته



اولا :- قبل كل شي نحب نعطيكم نبذه عن نسب قبيلة العدوان التي ينتمي منها الشاعر الشيخ (( نمر بن عدوان ))

عدوان وهو الحارث بن عمرو بن قيس عيلان بن مضر بن نزار بن معد بن عدنان، وسمي بعدوان لأنه اعتدى على أخيه فهم فقتله، وقيل فقأ عينه، هكذا قال النسابون الأولون. وقد غلب عليه ذلك فحل اسم عدوان محل الحارث وبه عُرف هو و بنوه.بن قيس عيلان بن مضر بن نزار بن معد بن عدنان وأمه جديلة بنت مدركة بن إلياس.

ثانيا :- نسرد لكم قصة زواج نمر من وضحى

125سنه ولازال الناس يتذكرون اقوى مرثية في الشعرالنبطي
واقوى مثل ورد فيها ( هذا بلا ابوك يعقاب ) وهذي السالفة :

مرثية نسبت لنمـــــر بن عــــــــــدوان

هوالشيخ نمربن عدوان..أمير((البلقاء))

من الشعراء اللذين صهرتهم المصائب وصبتهم في قالب الخيال المرير
وهزتهم العواصف القاسية من غيررحمة ولاهوادة ...

نمربن بن عدوان الاميرالشاعر...اللذي قتل زجته بلاعمد ولاقصد

وقصة القصيدة تبداء..إن الشيخ نمرقرر يتزوج.. وطلب من احدىقريباته تدله على بنت مزيونه
فقالت ياشيخ نمرمالك إلابنت الشيخ فلان والشيخ ماياخذالابنت شيوخ

المهم إن الشيخ نمر راح للشيخ المقصود..وخطب بنته

وكان الشيخ عنده بنت وكانت في غاية الجمال وهذي هي اللي يبيها الشيخ نمر وبنفس الوقت عنده بنت اخوه اليتيمه ولكنها ليست على قدرمن الجمال مثل بنت عمها
فقررالشيخ انه يعطي بنت اخوه للشيخ نمر
وتزوجهاالشيخ نمر وفي ليلة الدخله شافها وماعجبته
وكان اسمهاوضحى..حست وضحى انها ما عجبت الشيخ فقالت ياشيخ اسئلك بالله وش اللي صدك عني ان كنت ماتريدني ابيك تمهلني كم شهر عندك ولا تخليني من اول ليلة عشان الناس مايقولون الشيخ نمر هج عن حرمته من اول ليلة ويضنون بي الشين فقال لها نمر لك ما طلبتي ابشري ياوجه الخير ... المهم جا بعد فتره من زواجه وطلع للصيد وبعد غياب طويل في القنص والصيد حن لوضحى وانزل الله بقلب نمر حب لها غير عادي وصار يسج عن اخوياه اللي معه مرافقينه وهم ينشدونه علامك يا ابن عدوان مانت على بعضك قال اللي بقلبي خذانـــي يمه قال له واحد من ربعه المقربين تعال يانمر انسولف اشوي اخذه بعيد عن الربع وانشده علامك تتنهد ولا انت بيمنا وش اللي طرا لك قال قلبي ياصاحبي سج بي يم زينة الوصايف فهم عليه وقال له من بكره انعود الديره ترا حنا طولنا بغيابنا هذه المره قال نمر على بركة الله .. رجع نمر البيت ووضحى تنتظره وهي مزهبه اغراضها وخلاقينها عشان اول مايجي نمر من القنص هي تروح بيت اهلها عشان المده اللي اتفق معها ليلة العرس انتهت من خمسه ايام بس نمر كان في مقناصه سألها نمر وش اللي انتي حاطه بها الخلجان قالت اغراضي واهدومي قال لها ليه قالت المده اللي امهلتني اياها انتهت وانا الحين جاهزه عشان اروح يم اهلي قال لها نمر طيب المده انتهت من قبل خمسة ايام ليه مارحتي يم اهلك قالت عيب علي اترك البيت ورجال البيت غايب تبي تصير سالفه عند العرب يحكون فيها قال لها نمر تعالي يابنت الأجواد انتي مكانك بهالبت ولا عاد انك تفكرين تطلعين منه مادمت انا حي قالت وشلون وانت ماتريدني قال نمر اريدك يابعد كل ما املك ... المهم بدا نمر يحب وضحى ولا يحب انه يفارقها ابد وكسر كل العادات البدويه في معاملة المرأه وصار منقود عليه عند ربعة طريقة معاملة نمر لوضحى وصار حب الشيخ نمر لوضحى الي درجة الجنون
وعاشت معه عشرسنوات كلهاحب وسعاده وراحة بال
وكانت وضحى معوده الشيخ نمرانه اذا جا بالليل تربط الخيل وتدلك ظهره قبل ينام وفي ليله من الليالي نست تربط الخيل ..
المهم ان الشيخ قبل تدلكه..سئلها وقال ربطتي الخيل ياوضحى..؟؟
خافت انه يزعل لودرى انها ماربطته ..وقالت ايه ياشيخ ربطته
ونام الشيخ نمرعشان تدلكه ولكنها ماجت..وفجئه سمع صوت احد عند الخيل ..اخذسلاحه وراح يشوف..وكانت الدنيا ظلمى..المهم حس بحركه غريبه ورمى بالسلاح تجاه الشخص اللي عند الخيل
يوم راح يشوف من اللي عند الخيل إكتشف إنها حبيبة قلبه وضحى
قام يصيح جمبها ويقول وش جابك ياحرمه وش مطلعك..؟؟
قالت وضحى وهي تبتسم..ذبحتني يانمر..!!
قال الشيخ نمر:اناماذبحتس انتي اللي ذبحتيني....
وماتت وضحى..ومن يومها وهو يكتب القصائد المرثيه اللي تقطع القلب من شدة حزنه عليها..

وهذه احد مرثيات الشيخ نمر الله يغفرله ولجميع المسلمين :

البارحه يوم الخلايق نياما

بيحت من كثرالبكا كل مكنون

(( وباقي القصيده انتم تعرفونه لأنه سبق وان نقل هنا في منتدى الكلابيه ))



قيل إن نمر قبل وفاته بكم شهر كان جالس يون ويبكي على وضحى عند اشجره دايم يتردد عليها هو ووضحى ..وجاه ولده عقاب وقال

يابوي انت وش بك !!...قال نمر امك امك امك

قال يابوي امي ريحتها غنم...(يبغاه يسلى)

قال الشيخ نمر..هذا بلى ابوك ياعقاب

ومن هنا طلع هالمثل المشهور.....

[ولد الكلابيه]

ردووووووووووووووود

[غـزالـة نـجـد]

المعذر مكرر