ياصوت بنت(ن) هزني تالي الليـل
مير ان قلبـي دونهـا صـك بابـه
يابنت روحي جعل دربـك تساهيـل
خوفـي مـن الله لايسلـط عذابـه
يابنت انا مالـي ومـال البهاذيـل
يابنـت درب الغـي قلبـي يهابـه
صحيح مزاح(ن) واحـب المواويـل
لكـن اخـاف الله وارجـي ثوابــه
مانيب انا من ضمن ناس(ن) مهابيل
غرته نفسـه ليـن يفقـد صــوابـه
تنبهـي باقـي الليالـي المقابيـل
من قبـل لاينهشـك نـاب الذيابـه
ترى الخطا يذكره جيل(ن) بعد جيل
واللي مضى من عمرنـا ينحكابـه
وان كان طعم ملغـم(ن) للرجاجيـل
مــن روحـــك عـزالله انــه زلابــه
قولي لهـم هـذا يحـل المشاكيـل
ياويلكـــم ان كـان كشـر بنـابــه
على طريق الحق ممشاي ما ميـل
علم الردى يـاذا الـردي مالنايــه
اقولها وان كـان تبغـى التفاصيـل
ازبن سديد الـراي تسمـع جوابـه
*************
مواقع النشر (المفضلة)