السلام عليكم ورحمة الله وبركاته
كيفكم ؟
[align=right]بآريس - منتديات الزين ..[/align]
[align=justify]ياخي الشعب ما يتوب ؟ وش ذا نزل عليهم الفقر فجأة مع مكاين الخياطة !! الحين الحكومة تلعب في البترول الأسود والشعب يلعب في المكينة السودا !! .. يعني واحد رايح للسوق وبيشتري مكينة قيمتها 50 او ستين الف عندهـ فلوس وش يحدهـ طيب ؟!! ليش الشعب السعودي طماع !! .. انفضحنا مع الأسهم ,, وأخر شي جلطات وقلت ادب .. والحين المكاين ,, وبس خبر النصبة يوصل للي شروا وراقبوا المستشفيات لو ابي احلف إنهم على طول من مدينتهم إلى شهار على طول بدون اياب !!
والله صح عندنا في السعودية تلاعب من الموظفين في الحكومة ومخالفات وفواتير ورسوم واغراض وكل شي والواحد ما يلاحق على اغراض البيت .. لكننا والله إننا بخير والحمد لله .. الواحد ما يطالع فوق أحسن له .. خلونا في اشاعة المكينه ,, يعني بالله واحد يكذب هالكذبة وشعب كامل يصدقها ؟! ليش ما فيه دليل طيب ؟! ليش ما ينتظرون ويشوفون الشركة اللي تبي تشتري تعلن !! ولا خلاص سالفة فيها فلوس على طول اشتر ولا تشاور !! ..
تدرون الشعب عندنا يبيله دورة ف تخصص التسويق ,, عشان يفهمون كيف الواحد إذا بغى يبيع السلعة يكذب ,, ويحلف بالله لو تكاسر معه إنها خسارة في البيع ..لكن المقصود فيها إنها خسارة في الأرباح موب في راس المال .. التجار ما يخسرون ..
وفي هذا الوقت ومع هالإشاعة انا اقول للموظفين بالأسواق ما يحتاج ياخذون دورة في التسويق لأن الشعب أصلاً مغمض اي شي تقوله يصدق .. وقف بس عندك كلمة ماركة عند البنات .. يووووووووهـ تشتري القطعه لو تتسلف فلوس أهم شي الماركة !!ياناس حنى شعب نصاب .. في الأسواق والمجعات والعروس تشوف الواحد يدفع فلوس مالها نهاية ,, وفي الأخير يطلع خبر نصبة وكلنا حولة ندور الفلوس !!
قبل 4 سنوات .. قالوا إن فيه زكاة للملك فهد الظاهر مدري من .. وقسم بالله عندنا في المحكمة واقفين السيارات " جيوب موديلها نفس السنة اللي فيها الزكاة .. " والبشوت وريحة العطور والبخور .. والمشكلة إن كل واحد ما راح يجية الا شيء ما يتجاوز الفين ريال !! ..
اللي قهرني زيادهـ إن قناة العربية عرضت من الحراج اشكال السعوديين وهم يسومون المكاين .. والمذيع يتكلم جنبهم يقول كذبة ابريل !! .. وهم يصارخوون يلعن ام التناحة اللي كذا يصارخون كل واحد يسوم يبي يشتري !! .. يلعن ابو شعب كذا .. ويلعن ابو الفقر اللي مدري منين يطلع .. ويلعن ابو حكومة ما تمسك الشعب وتلعن خيرهـ وتقول فضحتنا بكرة ادخل اليوتوب احصل التعلقيات علينا تقول مجاعة افريقيا !! ..[/align]
وبس $222
مواقع النشر (المفضلة)