[frame="9 80"]في لحظة صمت
صوت الزلزلة
جرت البيوت
تلحق سراب اللا حياه
رمت الكتاب
البنت صابرة
أم الضفاير حبتين
داست علي سن القلم
تحضن مداه
لحظة رجوع الناس وكل الخلق
للبدء
والتكوين
الضعف مش في القدرة ع التنشين
ولا في الزحمة يوم حشر العباد
في الجنة او النار
الضعف 100 مليون سؤال
متحشرجين
في الحلق ويا الريق
وشوق الأم للابن الوليد
فاضل يا دوب
طلقة عن العام الجديد
وتفوت بيوت الخلق
فوق ضهر النشيد
تدبل سنين القهر ......
جوه الحلم والتجاعيد
ترتاح إيدين بكره اللي متعثرة
في خطوة حزنه
وسنينه العجاف
يرمي الشجر ع الأرض تينه
وزيتونه
ورمانه
يغسل كياك دم طوبه العجوز
في الفضا الواسع
كل الشهور في اعتمه تتأخر
ما يبانش من زهد البلاد
غير نفخة الحداد
وحلم البنت في فارس
يفض بكارة اليوم اللي معصوب
العنين
ما يبانش غير........
طهر البنات البكر
متعبي ف حليب الخوف
علي بكره اللي لسه مجاش
شايل جدايل شهر يونية
المنسي م التواريخ
وذكري(تشرين)المهيأ
لفك الرموز والتعاويذ
سمعت زئير الأرض
فارد خطوته
علي كل باب
كل البلاد
من غير ميلاد الفجر
جبانه
زعقت تلملم جرحها الساكن
في شريان الوطن
(..................)
يا سيد النفط المعبأ بالمحن
نفطك وهن
دمك رزاز من زفت رأسك
فاشربه
واركع وبوس
إيد اللي ما يسواش
في سوق النخاسين ...
فردة(.............)
وامسح دموعك بالسولار
أو بالدولار
قرشك وكرشك...
غصتين في الحلق
جازك وقارك
لو يضيع
تنشف عروقك م العطش
راجع صدي صوتها البريء
هلت عليك اللعنة
يا بنت المدا
الخوف بدا
راكبه الشوارع فوق عنيها المفتوحين
م القلعه للوراق
لباب سيدنا الحسين
رمسيس بيسأل كل عابر ...
ع السبيل
انت اللي هارسك
ولا مين
بيدوس علي (بوسنه) المعطر
فوق شفايف بالعبير ؟؟
لو في الصومال ...
فاحت عيون النفط
أو في المسجد الأقصي ...
الأسير
لو ( ربعميت ) مجروح يهودي
ع الحدود متبعترين
كان سيدك المعجون بزفت الأرض
هد الكون علي ........
علي راس العباد
...انت اللي ساكن
ولا مسكون بالظنون
....انت اللي عاشق
ولا معشوق في الهوي
أو من تكون ؟
أو من تكون ؟؟؟؟؟؟؟؟؟
عربي الملامح
ولا مخلوط النسب
سيفك وليلك وبيداءك ....غضب
ان كنت شاعر قول بقي
وافرد حروفك ع الملأ
اركب حصانك وامتطيه
شد اللجام.....
واغرس في أصدر الارض سيفك
وانطلق
شرف العروبه المرمي فوق ضهرك
زمن
هده التعب
يا فيلسوف الحكمة....
في هذا الزمان
ليه بس واقف ع البيبان
تشحت عدالة فجرك المصلوب
سنين وسنين
من إيد بتعشق فيك خضوعك
وانكسارك
وأنت اللي سيد
يا فيلسوف الحكمة...
في هذا الزمان
مش كل إيد
تتمد ليك
تقصد سلام
مش كل ايد...................تقصد سلام
اهداء الي
حنين الوجدان
والي كل عضو مشارك وكل مشرف وكل مدير بالمنتدي [/frame]
مواقع النشر (المفضلة)