السلام عليكم ورحمة الله وبركاته
مساء جميل على الغالين وصباح اروع من مساءهـ <<<<< ياويلي على التعبير
الصراحه من قوت فرحتي عليكم اليوم مدري من وين ابتدي ومن وين انتهي :) هواء يالأسلوب
نرجع للموضوع
بعــــــــيد عن الفلسفه
الصراحه انا فيه شي كثير يضايقني واشوووووف ما ادري الناس مثلي ملاحظه ولا
مايهتمون في الشي هذا اللي هو زواج البنت
الزواج معروف انه سنة الحياهـ وهو اكمال نصف الدين والزوجه هي النصف الأخر لرجل
لكن اللي مشغل بالي ومحيرني في بعض الأباء الله يهديهم
كأن البنت مالها اي قيمه عندهم او انها ناشبه في حلوقهم او انها بلوا من الله عليهم
يعني مثلا إذا جاء واحد وخطبها وهو مافيه خير زوجوها مثلا حباب داشر سايع مايصلي سربوت
كل
علوم الردا فيه اشـوف ان الشباب اللي مثل كذا والله اني اعرف ناس ياسبحان الخالق
ما ادري كيف تزوجوا لكن صارة غلطة ابوان البنات اللي زوجوهم الأشكال هذي
لكن مدري كيف يزوجون بناتهم مثل الأشكال هذي احس انه اكبر ظلم لبناتهم مثل الشي هذا
الزواج صح انه قسمه ونصيب وكل واحد وله رزقه في الحياهـ لكن الواحد مايزوج كل من جاء
وخطب بنته على طول لا الزواج عشرة عمر
هذي طول العمر ان الله وفقهم في بعض ماهيب جلسه طرب وتنتهي
لأن ماهوب كل رجال يسمى رجال الرجال العاقل ماهوب من ضيع صلاته ودينه و دشر ازوجه واسميه رجال
لايخسي الشكل هذا ماينتزوج ولا حتى لي الشرف اني اوقف معه او اني اروح معه اخطب له لين
يعقل ويعرف الطريق الصحيح ثم اوقف معه ذاك الوقت
لكن والله ان الناس معاد فيهم خير الشكل هذا من الريجيل في الوقت الأول كانوا يستنكرونه بينهم
حتى في العزايم محد يكلمه ولايحب يجلس معهم ولا يجي اصلن عند الناس ماله وجه يقابلهم
لكن الحين لا عادي الصاحي مع المجنون مافيه فرق بينهم لو انهم مايقربونه ولا يكلمونه
كان عرف انه على خطاء لكن الحين عادي داشر ولا عاقل مثل بعض من تقدم
زوجوهـ لكن الله يعين بس البنات على اللي يصير لها مثل الشي هذا
والدنيا معاد فيها خير والمشكله انهم يعانون الوقت هذا من كثر
الطلاق طيب ليش تستغرب وانت مزوج لك واحد منتهي لاتستغرب حتى لو ذبح بنتك
من قبل الشي هذا على بنـته يرضا للي بيصير لها لايتحسف ولا يستغرب اي شي
وفي نهاية الموضوع حبيت اني اقول لكم سالفة واعرف الرجال اللي صارت عليه القصه هذي
الصراحه ما اعرفها الحرمه لكن اعرف رجالها البنت تزوجت الله يستر عليها من الرجال اللي
اعرفه هو اعرفه في المدرسه واعرف اخوانه في الحي عندنا بعد ماتزوج هو راح
هو وحرمته في شهر العسل لماليزيا الحرمه لها اخت متزوجه بعد معها ورجالها يقرب
لرجال هذا من عيال عمه راحوا سواء المهم الرجال اللي اعرفه هو يحب السفريات قبل
الزواج وشبعان فلوس المهم الرجال ماهوب مضبوط الحرمه كل شوي تعلم اختاها وتشتكي
عندها تقول الرجال بيذبحني يجيها سكران ويخرب عليها مزاجها او انه يبيها تشرب معه
المهم البنت كل شوي تشكي على ختها وعلى امها قالوااصبري إذا رجعتوا لرياض تفاهمنا معه
لكن للآسف مارجعت ذبح حرمته طرحها من الدور الرابع مع الدريشه للآسف كان سكران
وماتت الله يرحمها والحين هو في السجن ما ادري اهلها يتنازلون ولا مايتنازلون عنه
والحمد لله على اللي صار لكن وش ذنب البنت صح كل شي مكتوب بس انا اتسبب في
وفاتها او نهايتها هذي مشكله بعينها والله لايبلانا بس الحمد لله على العافيه
ونعمة العقل
والحين عندي لكم سؤال بسيط وحبيت اني اقدمه لكم
إذا تقدم لك زوج مثل المواصفات هذي هل تقبلين الزواج منه او انت إذا تقدم لبنتك او اختك بتوافق
ولا توقف ضدهـ مع اختك ؟؟
ومع السلااااامه ان شاء الله نلقتي بكم في موضوع احسن من هذا
تحيتي
حـــــــــــيران
مواقع النشر (المفضلة)