[align=center]:::
العنوان ماله دخل بالموضوع ..
ولا له اي صله بلب مضموني..
لكن إنطلق قلمي بعد ما تبعثر وجداني..
وتقلبت بفراشي وعيا لا يجيني النــوم..
افكار تاخذني وتوديني ..
وتلف فيني مابين ناطحات من الحيره..
حيره تأيدني .. وحيره تقــــــــول بس ..
سحابه غايمه مليــــانه حــــجر ..
ماينعرف ؛؛الدوامه وين بتودي..!!
كنت ما أحب البر..
لكن الحين ..
ابي اركض بوسط البر لمدة خمس ساعات فقط ..
ابي هوى نظيف لطيف بعــــــــــــــيد عن الإزعاج..
بعيد عن نفاق الناس..
بعيد عن البلبله إلي لا تودي ولا تجيب..
وبعيد عن فلانه سوت وفلانه ما سوت ..
كل الكلام الي قبل مجرد بعــــــــثرات..
لكن..
موضوعي يتناول قضيه ولربما تكون فرديه..
قضيه وجدانيه مو اي قضيه ثانيه..
انا صايره امل واضـــــــــــــــطجر..
كل شي صار بالنسبه لي سخافات..
اليوم طلعت ورحت الاستراحه مع خالاتي وبنات خالاتي..
حسيت بملل ..
صمت ..
ركود سكن داخلي..
كل شي قلناه..
كل شي حكينا فيه ..
الجمعات صارت ممله ..
ولا النفس تغيرت..؟؟؟؟
ولا الناس يمكن الي تغيرو..
ابي اطلع اشوفهم..
لكن بوقتها اقول وش هالملل..
ليش الناس صارت تاكل بالغايب..
الصراحه ..
اغلب الناس كذا ..
ما ابالغ ..
ولا اتنحى للخيال..
واقع وحكيته..
::
ابي هذا الموضوع جماعي..
كل الأعضاء يحطون بصمه يعلموني فيها .. هل وصلكم الملل مثلي!!؟
ولا إنشغالي حسسني بهذا الشيء ..
حسيتو مره مالكم خلق تسولفون .. أو مــآ لكم خلق تتكلمون مع أحد!!!
::
اعتبرو الموضوع صفحه نشخبط عليها ما يحكيه الوجدآن..
لأن كل شخص يمر عليه مشاعر مالها موقع من الإعراب ..
خاصه مشاعر الملل ..
::
::[/align]
مواقع النشر (المفضلة)