صادوه -2- مع ( شمـ أنثى ــوخ )

[" ميلآد الهدى "]

صباح البسمه والفرفشه

::

أعزائي الاعضاء .. :24ar:
إمتداد لموضوعنا هنـ :24ar: ــا
نلتقي مره ثانية في موضوع جديد
ومقلب آخر من مقالبنا الحلوه مع ضيوفنا الكرام

بعد ماعشنا المقلب السابق مع المتألق [ وعد الهوى ]
وشفنا كيف فجر خونت وبكل جرأة
مصمم معروف له أسمه
وشفنا كيف حافظ وعد على هدوءه معها لـ آخر نفس ^^
رغم اتهامها المشين له بالسرقه
اليوم معنا ضيفه حلوه زي النسمه دمها احلا من العسل :24ar:
تملك حس فكاهي وروح دعابه لامثيل لها
لم فكرت اسوي المقلب فيها ..

كنت عارفه انو صعب تنطلي عليها الحيله
او تآخذ الموضوع جد ..
بحكم علاقتي القوية فيها :24ar:
واني احبها وهي تحبني وهـ بس < خارج النص
لكني عرفت إنو الحوار مع شخصية فكاهية زيها
هو بحد ذاته حلو ومكسب لنا في موضوعنا صح ؟

عن شعوري خلال المقلب

حواري معها كان ممتع لكني حسيت بالذنب نوعا ما
لأنها بذلت جهد في إنها تفهمني وترضيني
وكان بإمكانها تقول انا الي عندي قلته فهمتي والا بكيفك

كونوا معنا :*

[" ميلآد الهدى "]

شلونك شموخه ؟
مممم بصراحه ودي اسالك سؤال من فتره يعني وخايفه تفهميني غلط
وفكرت انسى بس ماقدرت لإني ما احب أشيل على حد بقلبي

[

وشو فتون ؟

كنت متاكد انو المسكنه اقرب باب لكِ

ليه كلامك معي يبين انك تغليني بقووه

وتصرفاتك معي تثبت العكس
كثير مواقف متشابهه حسيت انك كنتي تجامليني يوم تقولي احبك
يمكن بس ليش اني أنا احبك مضطره تجاملين يعني

مابغيتي الا شموخ تجامل

]

[

يوء يوء يوء وش ذا

فتون اقسم بالله اللي خلق سبع وحط سبع احبك واحترمك بدرجه ماتتصورينها حتى اسألي غزول

دايم اقول لها بالمسن
وأخ لو اني ماحذف محادثاتي كان صورتها لك
فتون لايكون زعلانه علي عقب يوم انتقدك بالتصميم
تدرين للحين يأنبني ضميري
بس انا صريحه حتى مع اللي احبهم
ياشينك بس

فتون فيه شي مزعلك ؟
وشو قوليه وش قلت وازعلك مني
بالعكس قسم فرحانه انك صارحتيني
يالبيه بس :24ar:
قولي فتون وافتحي قلبك
وقولي كل اللي بخاطرك
انتظرك im3

من كلامها بالسطور الاخيره حسيت إني بزره
مدري لاحظتو امعي او لا :*

لالالا مش عشان التصميم

وانا ماتزعلني الصراحه بالعكس
الي يزعلني انو الواحد يظهر لي شي والخافي بقلبه شي ثاني
طيب انتي يوم تغليني .. سالتي نفسك
هل تهتمين بتواجدي مثلاً
إن غبت تفتقديني والا ولا اجي ع بالك
مواضيعي تهتمين فيها ؟
لو انها منقوله والا مواضيع عاديه يمكن
بس انتي تشوفي كيف فتون تهتم وتتعب بكل موضوع تنزله
بس مع ذلك صرتي نفس غيرك تردون ع المواضيع العاديه وانا تطنشوني
ليه كل هذا كره او غيره مني

< ياليل النشبه

[[/

هنا مربط الفرس

تدرين فتون كثير هاوشوني على هالنقطه
احبهم ومع ذلك ماسأل عنهم
ومارد ع كل شي ينزلونه
فاتنه هذا عيب فيني وأعترف فيه
اقسم بالله افقدكم بس ماسأل
مدري ليه هالطبع فيني
والمواضيع مادخل غير اللي تصير بوجهي
ماكلف نفسي بالبحث
بس لو احد ينبهني حتى لو يحط لي روابط مواضيعه كلها والله ارد عليها
العيب اني ابي احد ينبهني ويحطني امام الأمر الواقع
تدرين عاد عشان بس تصدقيني اختي تنومت بالمستشفى 4 ايام مازرتها ولا كلمتها
الزياره قولي هين لي عذر
هي تنومت بمستشفى يبعد عننا ساعتين وخواتي راحوا لها مع ازواجهم
انا اخوي ماراح كان رحت معه
ولا حتى كلمتها جوال
قسم دخلت وطلعت ماكلمتها
هي اللي اتصلت فيني تهاوش
قلت انتي عارفه طبعي
لاعاد تشرهين
كل اهلي متعودين مني التطنيش
هاه صدقتيني
فتون بديت اغار منك هههههههههه
عاد ماعرف الغيره الا انا
اصلا دايم امدح فيك
روحي الالعاب فصفصيها وتعرفين

هذا انتوا عرفتوها لاعاد حد يشره عليها
وهـ بس :24ar:مايحتاج افصفص حاجه يابعدهم
عارفه معزتي بقلبك

بالنسبه للسؤال والاهتمام بقول اوكي وبمشيها

بس مواضيعي ... أما عاد ماتنتبهين لها :(
قولي لي كلام اصدقه تكفين
موضوعي كان طالع بالصفحه .. وجيتي انتي رديتي ع موضوع القلب وطلعتيه
قلت يمكن شوي وترد علي .. ماااش طلعتي وخليتي موضوعي :(
لا ولو بنقارن .. انا موضوعي تعبت عليه والادهى والأمر لكم يالاعضاء
تعبانه ومسويه 51 صوره رمزيه لعيونكم وبالنهايه الكل يقرأ ومايكلف على نفسه يقول مشكوره
بهالزين ماتلاقي تقدير من حد
الظاهر لازم ادور على مكان يناسبني

< اجل بتمشينها هااا تكفين عاد هههه
متاكده لواني قدام شموخ كان يمديها ...

<< يتبع

[" ميلآد الهدى "]

هنا صار الموضوع جد .. وابتدت شموخ تستوعب الحوار images11

وشو موضوعه
اقسم بالله يافاتنه مدري وش تتكلمين عنه
وموضوع القلب وشو
القلب منزل له مواضيع
فاتنه تراني افهي وبقوه
ارجع واقول اقسم بالله الموضوع اللي تتكلمين عنه مدري وشو ورحمة والدي اللي بالقبر
انا مفهيه ياناس يعني لوفي موضوع انتبهت له وبرد عليه لو ان فيه بعير واقف في باب الموضوع ماشفته لأن فكري استحضر الموضوع بس
فلذلك اصير ماشوف الا اللي بقلبي وشلون اشرح لك مدري
بس تسمعين بالمثل اللي يقول
مايشوف الا القلب
يعني مو معناته اللي يشوفه القلب يعني الشي اللي ينحب او الشخص الغالي لا
المشكله عجزت اوصل لك المعلومه
ع سبيل المثال انتي بتروحين ع الإداره في بالك بتكلمين المديره
دخلتي ع الإداره خلاص عينك ماتشوف غير المديره لأنك استحضرتيها ذهنيا ً في قلبك وعقلك حتى لو كانت الإداره مليانه معلمات ماتشوفينهم
ربي يطمس عليهم
عساك فهمتي ؟
بس لاتحبطين ولا شي فتون
وتراها غلطتك
حنا نعلم الغيب وندري عن كل المواضيع
المفروض المواضيع اللي زي كذا يتعب عليها ترسل روابطها جماعي عشان ندري
واللي يبي يرد يرد واللي مايبي بسلامته بالطقاق
فتون اي شي لك عطيني رابطه
قسم يشرفني اكون فيه
بس لاتزعلين ياشينك عاد
شكلي من اليوم ورايح ابسنتر بملفك وبحث آخر المشاركات
مو بعيده ارد على ردودك حتى im22
يله عاد اضحكي im3وعطيني ورده
عشان اعرف انك راضيه وماباخاطرك شي :19ar:

بذمتكم قد شفتوا فهاوه اكثر من هيك
فديت الفهاوه ياناس :24ar:

شموخ لا تقعدين تعصبين انا مالي بالهواش والصريخ
موضوعي وموضوع القلب بالخيمه اذا كنتِ فعلا ماتتذكرينهم :(
بس اياني وإياك تردي على موضوعي فاهمه
كيف اضحك واعطيكِ ورده وانا من جوا مجروحه
يعني تبيني اضحك على نفسي
اذا الي اغليهم هنا ماالاقي عندهم اهتمام وش لي بهالمكان
بالله قوليلي

< ولا زالت المسكنه مستمره

الخيمه متى فتحت ؟
تدرين مادريت انها فاتحه الا بنفس اليوم اللي رديت فيه
لايكون لها شهر بس im22
وذكرت موضوع القلب
بس موضوعك لا
دخلت الا اشوف الموضوع مرزوز ماشفت حوله شي ورديت
فتون اقول تيس وتقولين احلبيه
خلاص عاد صدقي
ترى بحط حرة موضوع الشباب فيك
هاه وش قلتي ترضين ولا احط الحره ؟
< واقفه وحاطه يدينه ع خصره وتهز < تخيلي الشكل فاتنه
ذاك اللي اذا حمقنا على احد وقفنا هالوقفه

حسيتها ودها تكفخني من جد

رديتي على موضوعي ؟؟؟
خلاص جنيتي عليه راح اكلم الإداره تحذفه
لاني مااقدر اطنشه ولا ارد على مشاركات الاعضاء

ولا اقدر ارد عليهم واطنشك
وبرضوا مااقدر ارد عليكِ
وانتِ راده مجامله لي من قلت لك
وبعدين اش قالوا لك أنا ملطشه ليكي
هي سايبة تحطي فيني حره موضوعك
انا اصلا كنت معزمه اطلع قبل
بس ظميان الله يهديه اجبرني اني اخذ اشراف مجالس
وأحترمت رغبتة وماقدرت ارفض
بس الحين قاعده افكر بالموضوع بجديه اكبر
لاتحرقي اعصابك ولاشي وانسي الموضوع كله
ولا تعصبي علي .. ع الاقل خلي صورتك الحلوه بخيالي زي ماهي

حتى نذكر بعض بخير

< ياصبر الأرض عليييك

فاتنه صرت احس ان هالرسائل مقلب
من جدك انتي
ماريت عليه مجامله وانتي تعرفيني المجامله عدوتي اللدوده
لكن رديت لأني فعلا ً شفته الحين بعد ماقلتي لي عليه
ولو شايفته قبل رديت
لأنه موضوع مميز غصب الواحد بيرد عليه
بس تعالي لابغيتي تطلعين علميني اطلع معك
بس ورى توك تردين
حسبتك نمتي

هنا أحترق دمي وحسيت ان الدعوه خربت

كل هذا وتقولي مقلب ؟؟؟
ثاريكِ مش مآخذه الموضوع جد ؟؟
أنا دمي محروق وإنتِ أعصابك ثلج
حسافه بس .. ماتوقعتها منك ياشموخ
خلاص انسي السالفه
ما اتحمل اكثر من كذا

< حاولت أزود العيار حبتين على إنو ماطوعني قلبي im3

احس عقلي مشتت
طب احلفي انه مو مقلب
فاتنه انا من اليوم احلف لك
حتى حلفت بوالديني وهم ميتين ومازلتي تعتبين علي :(

أنا هنا حسيت بشبه إنهيار
حسيت ماعاد فيني اقسو عليها اكثر
وقررت اعترف

خلونا نشوف آيش صار بعد الإعتراف im3

[" ميلآد الهدى "]

قولي آآآمين
الله يرحم والدينك ويجمعك فيهم بجنات النعيم :24ar:
يابعد عمري انتي ما أقدر اتعبك أكثر من كذا
علميني ليه احبك حب ماحبه بشر :24ar:

وليه انتي في حياتي شمسها وانتي القمر
وليه نكك لي وصل صحراي يملاه الزهر
اعذريني يالحبيبه أأأأه والله حبيبه
كنتِ نجمه من نجوم موضوع صادوه الي راح يعرض في شهر رمضان :*
سامحيني يقلبي ع المقلب

ههههههههههههههههه كنت حاسه

< من اليوم وهي بالرسائل
التهبت اصابعي زود على التهابها

طيب آيش الي مصبرك علي بس

[[

يابعد روحي انتي وقسم قلبي عورني

فديت أصابعك وكلك

اسفه حبيبتي يمكن جيتك بوقت موضوعك واشغلتك زياده
بس عشان ماباقي وقت على رمضان
وصار لي كم يوم دخلاتنا متعاكسه ومااشوفك

هنا إجابات شموخ عالأسئله الرسميه للمقلب :*

ماهو شعورك وإنت تعيش المقلب ؟
والله شعور انسان بدا يكره الحياة

استغربت الإسلوب من فتون
يعني ماحسيت الكلام يناسب لها
وإن التقييم والأشياء هذي تهمها

ماهو شعورك بعد ماعرفت إنو مقلب ؟
هو أنا شكيت بشيئين
ياإن السالفه مقلب
او فتون فيها حاله نفسيه
وفي كلا الحالتين شعور محبط
كل ماتذكر خرابيطي بالرسايل وأمثله ومديره ومستشفى ومدري وش اجلس القط بوجهي

هل ساورك شك بإنه مقلب ؟
بالأخير ايه وبقوه بعد

كلمه لصاحبة الموضوع .. وللأعضاء ؟
والله صاحبة الموضوع مايبي لها كلمه
يبي لها طراق يبرد كبدي فيها
... احس وانا اراسلها شوي الا اطلع لها مع الشاشه وأحلف لها بالمصحف
خص انه انبح حلقي وأنا اجيب لها مبررات ابيها تعذرني
ترجع هي تعيد لي بالسالفه
من كثر ماأنا اردد بالكلام وهي بعد تردد
بغيت اسجل صوتي بشريط وارسله لها كل مارسلت رساله
أما الأعضاء اقول لهم لاتدققون بالحيل بالخنبقه
تراني اراسلها وانا مشغوله ارد بموضوع الشباب
لذلك مدري وش انا اقول لها < اقول اسكتي بس im22
..
هين اوريك

::


خارج النص :5ar:

وغزال ورطيها
ارسلي لها قولي مدري ليه شموخ آخذه مني موقف وانا ماسويت لها شي قولي انا شكيت لك بحكم انك صديقتها ولك معزه عندها
وقولي لها بعد ابيك غزال تجسين النبض بطريقتك وتعرفين ليه شموخ زعلانه مني
..........................
تراني امس معلمتها برسالتك بس مادرت انه مقلب
بس قلت فاتنه ماخذه بخاطرها مني

[[

هههههههههاي مايمديك شموخه

غزول أول عضو أخذ مقلب بالزين وخلصنا منها images11

يعني يوم تعلميها هي عارفه بس ماقالت لاني موصيتها :5ar:

بس جد طلعت قدعه هالبنت وكلمتها كلمة رجال :24ar:

كنتم مع مقلب شموخ الدبه :24ar:
من كل قلبي أشكرها عالحوار الحلو
وأكرر إعتذار لها قدام الكل



وأنتظرونا مع الضيف القادم من صادوه
فجر مع نورمينا :24ar:

[merci]

im22im22im22im22

شموووخ im22
قسم بـ الله رحمتك im22
< عيونها تدمع من الضحك يوم قرت مثال المديرة والإدارة im22

فاتنة فجر..,
عوافي يافتيات ع ـالطرح + :25ar:


همسة لـ شموخه واللي يشوفها غيرها بـ أجلده
لاتحلفين بـ غير الله ترىآ مايجوز ويعتبر من الشرك :*