مــــواجــــع

[محمد الزويد]

حين يشتد برد الروح
يـلـوح الـوقـت مـودعـا
سلام الغياب عليكم .. وعليكم غياب السلام

.
.

[poem=font="Simplified Arabic,5,black,normal,normal" bkcolor="transparent" bkimage="" border="solid,4,darkred" type=2 line=0 align=center use=ex num="0,black"]
جوع قلبي لو تشكـّى ما أكل غير الـعـذاب= بذر حلمي مات ضامي و الهوايل تزرعه

الشكاوي عند ظالم مالها صـوتٍ يـجـاب= والتجارب ما تفيدك ان خلت من زوبـعـه

و المبادئ لـو تـهـاوت مـا بـقـى للعز بـاب= و المصايب ان تخاوت قـد تـجـي متجمعه

من لمس شمس المعزه موطنه فوق السحاب= و من غلب شهوات نفسه فـ / الشهامه تصنعه

ليت كل عاشق تمنى ما انجرح قلبه و خـاب= ولـيـت كل مـفـقـود يـقـدر فـاقـده يسترجعه

من رحلتي عن دياري في ذهاب ابلا اياب= افتقد عمري وجوده و احترق حلمي مـعـه

شاب في زهرة ربيعه مات في عمر الشباب= يوم غبتي عن عيوني ذاق عمري مصرعه

وش تقولي في حبيبٍ يرتجي حظن التراب = ما قدر يقضي حياته في عمر ما انتي معه

شـاهـدٍ ماله هـويـه يـشـهـد اوجـاع الغياب= كان يشهد ضد حضوري و الدلايل مقنعه

غبت كلّي يوم غبتي و اللقا لـيـل اغتراب= وانكسر وجـه الحقيقه و اسـتـزال الأقنعه

اتركيني وسـط نـاري أحترق بين اللهاب= واذكريني قلب سـافــر دون يـاخـذ أمتعه

ولو طرى لك مع هيامك حرف يتوسد كتاب = امسحي ألـحـان فـكـره لأن مـا بـه مـنـفـعـه

واحذري طيش الهوى لو مدمعه شد الركاب= وان سهـرتي .. لا تنامي بين دمعه مـوجـعـه

وان تظني تـاج عشقي لـبـسـك أحلى الثياب= ما نصفتي من تمنى قـصـر عـزك يـرفـعـه

لك طريقك / لي طريقي / واللقا كله صعاب= دام غـيـري نـال قربك .. لـيـه دربك أتـبـعـه

هالمواجع لك هـدايـا و لا ابي منك جـواب= وان بـغـيـتـي تذبحيني ارسلي لي زوبـعـه

عـاشـق ٍ محكوك قلبه كيف يقوى هالعتاب= وش يفيده ان مسحتي من عيونه مـدمـعـه[/poem]

[الحوراء بنت نجد]

الشاعر محمد الزويد


كلمات تعانق الخيال--- وهنا تجسد الخيال مخمورآ بالواقع


الذي تلتف حوله أحلام شاعرنا---


فكان الشفق مرسومآ على محيا البوح ليكون لنا متعة التأمل


عبر طيف الكلمات التي تنتشي المشاعر بها حبآ عانق الهمس


المتوشح بالعذوبة والخيلاء في صفحات البوح الشجيه--



محمد الزويد-- شاعر الأحساس ومذكي النبض لهمسه رونقه العذي


ولروحه نشوة عذيه تجذب محبيه---


صح لسانك يامحمد --هكذا تبدع وتتألق بهذا الحضور المخملي في


بهو البوح هنا وهناك--



الحوراء بنت نجد

[عماش الرقعي]

اتركيني وسط نـاري أحتـرق بيـن اللهاب
واذكريني قلـب سافـر دون ياخـذ أمتعـه

ولو طرى لك مع هيامك حرف يتوسد كتـاب
امسحي ألحـان فكـره لأن مـا بـه منفعـه

واحذري طيش الهوى لو مدمعه شد الركـاب
وان سهرتي .. لا تنامي بين دمعـه موجعـه

وان تظني تاج عشقي لبسك أحلـى الثيـاب
ما نصفتي من تمنـى قصـر عـزك يرفعـه


صح السااانك

ياهيكل

وبيض الله وجهك


وياهلابك

[عماش الرقعي]

اتركيني وسط نـاري أحتـرق بيـن اللهاب
واذكريني قلـب سافـر دون ياخـذ أمتعـه

ولو طرى لك مع هيامك حرف يتوسد كتـاب
امسحي ألحـان فكـره لأن مـا بـه منفعـه

واحذري طيش الهوى لو مدمعه شد الركـاب
وان سهرتي .. لا تنامي بين دمعـه موجعـه

وان تظني تاج عشقي لبسك أحلـى الثيـاب
ما نصفتي من تمنـى قصـر عـزك يرفعـه

صح السااااااااانك


جزله من راس جزل


له حضوره
وياهلابك

[ذرب المعاني]

الشاعر الرائع

محمد الزويد

الله الله عليك

قصيده جزله من شاعر جزل

صح السانك

وننتظر جديدك