عندما كنت صغير ..
السلالام عليكم ورحمه الله ..
( لقد ذهبنا في الاجازه الى البحر وذهبنا الى البر كما ذهبنا الى الملاهي حيث رئينا السيكل الكبير والكفر يلي يدور حول نفسه بالكهرب والهندي جالس بالغرفه يلعب كمبيوتر ويحرك الكفر الكبير .. كما انه اكلنا برست مع الثووم )
ياخي الموضوع بصراحه انه انا للحين بكبري ذا حاقد على جدتي وجدي لله يرحمه !!
والسبب انه ايام كننت بالمتوسط يقولون لي بالمدرسه يابو راس كبير واحيانا علشان مازعل عليهم يقولون لي (بابا فرحااان ) او ( الخزنه )* والسبب انه راسي كبير وجسمي صغير !!
بس ولله مب ذنبي انه راسي كبير وقتها .. تدرون عاد لاسباب كثيره هي يلي تسبب الكبر بالرااس ( لعنه الله على ذا الراس )*
فتعقدت بصراحه من مسلسل بابا فرحان !! بس ابد الموقف يلي صار ماثر في حياتي ..بس ترى حتى هالكلام ماله داعي بالمووضوع الاسااسي .. بس هذه من باب العلم بالشيء ..
الموضوع الاسااسي ...هو
" لجدتي الله يذكرها بالخير ( للحين اذكره )
في احدى الليالي ( العصر ) وبينما الجو بارد لدرجه انه ماعاد تحس بخشمك من البرد
وجدتي جالسه ومعها صديزتها ( عمره ) وبناتها الاربع مريم .. وفاطمه ..وخديجه ..و جوليان !!
وانا عاد كنت بزر صغير .. وكان يسمحون لي ادخل عندهم وهم يحتسون القهوه والشاي ويقطرون في ذا الفصفص
وبما اني بريء وصغير .. دخلت عليهم ركض وانا طاير ومسوي اني (خفيف ظل ) ( وان الولد ماتسمع فيه جدته)ووخذت اركض من باب الصالوون لين وصت عن الحريم وقداام جدتي بالضبط ..
جلست
ويالتني ماجلست !!
(طوووط ! ) غازات يعني ..
( لاتزعلون علينا هذه شي طبيعي في الانساان وهذه غازات سامه بالجسم لازم يتخلص منها الانساان )
وغير كذا اني كنت صغير على ماذكر كنت وقتها بثاني باولى ابتدائي !!
عاد جدتي قدامي ..
وانا وراسي الكبير حسيت بالاحرااج الجديد .. واحس ان اذاني حمررت ..
وماشوووف الا ذيك الشوووته على وجهي ( للمعلوميه فقط جدتي اعتقد انها تلعب قتال شوارع بالسطووح ولاتعلم احد يقال لها تمررن في صمت )*
وقالت لي ( قممم لعنه الله عليك يالمخيسس يالمعفن )*
المشكله مب هناا !!
المشكله في بنات عمره !!
اللحين وش بيقولوون عني !! وخصووصاا" جولياان وش اسوي ياربيه طبعا من الاحراج ماقدرت لا تلفت لايمين ولايسار
واخذت طريقي بالعوده من نفس الطريق يلي كنت اركض فيه وانا داخلن عليهم بالصاله !! واصيح وابكي !!
ومن بعدها ماصرت اشووف جولياا ولاعاد ودي اشوف جدتي وتعقدت نفسيا"
( بس الحمدلله مادمنت مخدرات )
<<---- متاثر بالمسلسلات الكويتيه !!
المهم ..
بعد هالموقف .. عدت الايام واللياالي والسنوواات وانتقلنا للعيش في منطقه ثانيه ...
ويوم وصلت للمتووسطه وقرر شنبي يطلع بوجهي !!
(اللحين طبعا" كبرت وصار عندي سيكل ومززبرقه )
ولاتسئلوني عن كلمه ( مززبرق )
وكنت اربع وعشرين ساعه امسسح الشااارع والحواري بالسيكل العجيب
وعلى اذان المغرب ..رجعت للبيت وادخل واشووف ( زبيريات عند باب بيتناا وعبايااات )*
وقلت ياولد عادي ادخل وخلك جريء وش بيصير يعني لو دخلت على الحريم وقررت افك الباب وعند المدخل
اشوف ذاك الغززززززززززززال الشاارد قداامي
ياللهول !! وش ذاا
وهي في خجل واستحياء غطت وجهها وضحكت لي ابتساامه كذا حسيت اني علياان بطاش ماطاش وقتهاا ..
ومن ذاك الوقت وهي بخيالي ودايم اتذكر الموقف
وبعد ماطلعوا الحريم من عندناا رحت عند ميمتي وقلت لهااا ..
وهذه نص الحوار يلي صار
انا :- ياميمتي من الحريم يلي كانوا عندتس ؟
ميمتي :- تذكر ايام كنا في ابها
انا :- ايه اذكر الله لايعودهاا
ميمتي:- انت مافيك خير اصلا" وش يلي لله لايعودها ..
انا :- المهم طيب للحين من الحريم ؟
ميمتي:- هذه عمره وبناتهاا.
انا :- ..................
<------ مصدووم
قلت لها طيب ياميمتي انا شفت وحده عند الباب لابسه كذا وكذاا من هي !؟
قالت لي هذه جولياان بنتهاا اخر العنقوود مشالله عليهاااااا كلها ملح وزيييييييين وقبله !!
طبعا" في هذه اللحظه حسيت ان اطرافي بارده وقلبي يطربق بسررعه ..
واقول في داخل الحناايا ..
بيني وبين نفسي يعني ..
يالله ( للحين وش بتقول علي .. هذه ابوو ....!! )*
عاد مايحتاج اقول لكم وش هي ابو .. ....
وقررت من بعد ذاك اليووم قرااارت كانت لها الدور الكبير بحياتي ...
وانا بدوري بنقلها لكم لعل وعسى يكون لها الاثر في حياتكم وتغير لكم مجرى التاريخ بحياتكم
اول شي .. اذا عندكم حريم في البيت لاتدخل ولاتقترب من هذه الامااكن لانه عيب ومايصير !!
ثاني شي .. لاتاكل شي ماتعرف وش هو مصدره لانه يقربع في البطن .. واهم شي الصحه ..
ثالث شي .. غض بصرك ..
رابع شي ..لاتجلس على النت كثير ( والدليل انه قطعت قصتي ماودي اطول عليكم واضيع وقتكم بكلالام فاضي)
وشكرا" ...
مواقع النشر (المفضلة)