[poem=font="Simplified Arabic,6,red,bold,italic" bkcolor="red" bkimage="backgrounds/40.gif" border="groove,2,red" type=2 line=0 align=center use=ex num="0,black"]
يوم همست لي وهي ولهه ... ومبحوحة=قالت احبك ... وسال الكحل من داني
قلت ألبكا "لا"... وقالت حيل مجروحة=والله ياوقتي عقب فرقاك وراني
جيتك خفوقٍ نثر لك سره ... وبوحه=فداك روحي ... وأبوي ... وجملة اخواني
إسال حمام الوله ... مانحت أنا نوحه...؟!=واسئل بعد غرفتي ... وأركان جدراني
كتبت " عبدالكريم " بظاهر اللوحة=وخطيتها في قلم روجي وبالواني
وإن كان ودك تناظر بنت مذبوحة ...!!=ناظر فديتك أنا عندك ...وهاذاني
ادري انا اللي بنيت الهجر وصروحه=ومحقوقةٍ لك من ارجولي إلى آذاني
تقدر تسامح...؟! وقلت اكيد مسموحه=ثم فركت كفها في كفها الثاني ...!!
قالت اموت بنفس صدرك ومنضوحة...!!=قلت الله اللي بريحة ثغرك احياني ...!!
يابعد قلب المولع ... يا هنا روحه=ياغيم قلبي ... ومطر جوفي ... وودياني ...!!
لك في حنايا الصدر مجلس ... ولك دوحة=حبك نشعني من إبهامي ... لشرياني
والله ينا فحت من جمر الهوى فوحة=لين انشوى خافقي من حر ظلعاني
يا برد جمر الهوى في حضن مملوحة=أشرب قراح الغلا واللاش يفداني
مربوعةٍ ... راوية ... بيضاء ودحدوحة=أسج بين الهدب وإن ضعت تلقاني
تشوحني بالهوى شوحة ورى شوحة=وإن قلت ابا أهلك غلا ... تقول تفداني
ماكنت أعرف الغلا ... والعشق ... وجروحه=ولا عرفت الهوى لين انه أبكاني
وأحس روحي بعد مثله هوت روحه=و اظمأه واروى ... وهو يظمأ ويرواني
أغلى ثواني حياتي ... ساعة مزوحة=وإلا تشيطن عليّ أطيح ممداني
بيبان قلبه من الاشواق مفتوحه=وانا تكسر من الاشواق بيباني
ياحلو روجه تقول شفاه "مجروحة"=وعطره ... وساعة يديه جنان بجناني
زيدي عذابي ... وظلمك لي ... ومبيوحة=الله يبيحك وانا حقي وما جاني
لذة عذابك غديرٍ طاب لحلوحة=هو لذة عروق قلبي ... ولذة لساني
إن جت على المدح إي والله ممدوحة=ممدوحة=سارت مع الناس لجل عيونك الحاني
العشق لولاك مدري ويش مصلوحة=واللي عشق غيرك أعمى قلب ... وأعياني
كن الخدود بحمار التوت ملفوحة=يا شمس عمري ... ويا وردي وبستاني[/poem]
( ل عبدالكريم المهنا )
مواقع النشر (المفضلة)