لا تلمس الجرح خل الجرح وأسبابه
الله يخليك ما فيني يكفيني
حتى حبيبي زمان الحب ما جابه
كان آخر إنسان متصور يجافيني
يكفيني إنه ترك لي شي أشقابه
دفتر قصيد وقلم مسجون بيديني
************************
حاولت في قلبي أقول بنساك
وأعيش دنيا في حياتي جديدة
أثر الغلا ما تعجبة غير دنياك
والقلب غيرك ما سكن في وريده
أشتقت لعيونك وصوتك ونجواك
أشتقت لظروفك لو هي عنيدة
حبك شربتة كيف ما أقدر أظماك
حبك عرفتة كيف ما أحتاج أعيده
**************************************
إن عاش راسي و أسعفتني سنيني
لروي ظمأ قلبي بقربك و اهنيه ..
و لو يزرعون ألغام بينك و بيني
نذر علي لأمشي لك الدرب و أطويه ..
و أشيل روحي فوق راحة يميني
و أبيع عمري لأجل شوفتك و اشريه ..
******************************
قبل اعرفه كان فجري لونه أشبه بالظلام
ومن عرفته والليالي لونها ماله شبيه
إن تكلم قال قلبي اااه ياحلو الكلام ينتهي
حكيه ينتهي حكيه وأنا اجلس انتظر شي يحكيه
لمسته ياهي حنونة يلمس الطفل ينام
مره جاء يلمس يديني وضاعت علومه بأيديه
ضحكته عزفه موسيقي رايق
وجوده تمام وما احد يدور سببها
السبب دايم وجيه
مشيته إيقاع هادي حاله بحال الحمام
قلبه ابيض من نهاره طيبته منه صح هو يمشي لحاله لكن
يسبب زحام
ماهو ذنبه وش يسوى كل هالعالم تبيه
بعد كل اللي ذكرته اللي مثلي هو يلام؟
وش أسوي القلب شافه وقال يا ويلي عليه
****************************************
تبي تعرف غلاك وش قد؟؟أنا أسألك وجاوبني بجد!
هي الســمــا تـنـتـهـي بــحــد؟؟
أو الأرض تـنـتـهـي بــســد؟؟
أو الـرمــل تـلـقـالـه عــد؟؟
لا لـقـيـت جـواب أو رد
وقــتـــــهــا...
بـتـعـرف غــلاك وش قـــد....
*********************************
حب يغيب وصاحبه ما بعد غاب
وحب يدوم وصاحبه في غيابه
وحب يذوب خافقً ما بعد ذاب
وحب يداوي صاحبه من عذابه
وحب حياته كلها لوم وعتاب
وحب حقيقي ما يضرك عتابه
وحب بلا معنى وحب بلا أسباب
يبدأ غريب وينتهي في غرابه
***********************
مواقع النشر (المفضلة)