** حدود السما **
اعلم ان لكل نفسٍ شموخ وكبرياء ولكل قلمٍ انفةٍ واِباء...
فمن منا لايرى نفسه فوق عنان السماء
ومن منا لايتباهى بذلك بما يملك
من حروفٍ وقوافي اذا كان هذا مايجيده في الحياه
حروف وكلمات واحساس نفس
ترى انها ترتقي الى حدودٍ ومساحات عاليه ...
لتنظم لكم عقدٍ يليق بشرف النظر من اعينكم وحضوركم
نفسٍ شامخه و عزةٍ باقيه ...
بقلمي المتواضع
فأقبلوها مني كما هي .....
[poem=font="Simplified Arabic,6,burlywood,normal,normal" bkcolor="black" bkimage="" border="double,4,white" type=2 line=0 align=center use=sp num="0,black"]
النفس عندي على حدود السما ترقا =تتعب يدين العواذل ماتولاها
اطرق حروف القوافي وابدع الطرقا =واشيل قافٍ تعلا فوق مرقاها
ياكبر فرق العرب عن بعضهم فرقا =احدٍ تعزك حروفه يوم تقراها
واحدٍ تعود على الهرجات والقرقا =ماعَد نفسه عزيزه يوم دناها
الطيب بحرٍ نغوصه والسما زرقا =ماهين انا خطوتي ماافَرح اعداها
ادري سرقت الكرى من عينهم سرقا =واشعلت نارٍ تنصت من تنصاها
والعاذل اللي يبيها يحترق حرقا =والله مايهتني والحق مبداها
العز في روقنا والزود في برقا =ثوبٍ كساها واشوف الثوب يزهاها
الطيب ساسٍ لنا عرقٍ ورى عرقا =ربي يديمه علينا لين نفناها
ملثمه[/poem]
رد مع اقتباس
مواقع النشر (المفضلة)