قالوا غيابك طال !! وين انت عنا
قالوا غيابك طال!! وين أنت عنّا
قلت السموحه ظرف وقتي عصاني
جريّت أنا من قاسي الوقت ونّا
ونة عزيزٍ ضاق فيه الزماني
قلبي عليه الجرح ياما تغنّى
وصرخت صرخه من صميم المحاني
على الذي بالهجر فيني تجنّا
حسبي عليه اليوم سبع وثماني
كنّه غريب منتحي عن وطنّا
ما كنّه اللي في حياتي هواني
لكن دامه راح جعله تهنّى
جعله يحقق بعدي أغلى الأماني
دامه في بعدي كفّه اليوم حنّا
بأنساه يومه في حياتي نساني
مابيه يذكر كيف وشلون كنّا
مادام قلبي عن غرامه نهاني
السن ضدّه في المعاديل سنّا
واللي يخون العهد ماله أماني
كانه رخيص يشوف حنّا ثمنّا
غالي ولا أحدن ياصله بالبناني
ترى الذي بين المخاليق دنّا
يعيش طول العمر للراس داني
لا خانته دنياه لا يقول خنّا
ماخانه إلا طبعه اللي أناني
لا يكثر الهوجاس ويزيد ظنّا
لا مابغيت إلا الذي هو يباني
خلوّه يرحل يغترب عن وطنّا
مابيه ما أبي شوفته بالعياني
رد مع اقتباس
[/img]
مواقع النشر (المفضلة)