وقصيدة العوني التي اشعلت شمر
[align=center]بعد مقتل الامير عبد العزيز بن متعب ال رشيد تنازع ال رشيد على امارة حائل وشمر فاستولى محمد بن طلال ال رشيد على حكم حائل بعد ما فر ابن عمه عبد الله بن متعب ال رشيد الى ابن سعود خوفا من ابن عمه محمد بن طلال ان يقتله وفي ظل تنزاع ابناء العمومه على الحكم غضبت قبيلة شمر على محمد بن طلال ال رشيد فرحلت قبيلة شمر الى بادية العراق تاركة منطقة حائل في ظل تلك الاحداث قام الملك عبدالعزيز ال سعود بارسال فيصل بن سلطان الدويش على راس جيشه الكبير لمحاربة ابن رشيد فحاصر مدينة حائل فارسل ابن رشيد قصيدة كتبها محمد العوني يستفزع قبيلة شمر وعند سماع قبيلة شمر هذه القصيدة وهم في بادية العراق جاءوا يبكون كبيرهم وصغيرهم لفك الحصار عن مدينة حائل فقطعوا المسافة التي بين بادية العراق ومدينة حائل من ثلاثة شهور الى عشرة ايام وفعلت هذه القصيدة ما لاتفعله السيوف حيث أثرت في قبيلة شمر فانتصروا وانهزم الدويش وجيشه امام ابن رشيد ، قال العوني مخاطبا قبيلة شمر على لسان ابن رشيد قصيدة أبكتني عند قراءتها:[/align]
[poem=font="Simplified Arabic,4,black,normal,normal" bkcolor="transparent" bkimage="" border="groove,4,darkred" type=2 line=0 align=center use=ex num="0,black"]
عـزي لقلـبٍ كــل مــا طــرف اللـيـل
علـيـه صـــارن الـدقـايـق جـلايــل
واعتاظ عن طيـب الكـرى بالتعاليـل
بـافـكـار واذكـــار وقـــول وقـايــل
والعيـن كـن ابموقهـا يــدرج المـيـل
عيت تطيق النـوم مـن فـور جايـل
على بني عمـي اسنـادي عـن الميـل
نطـاحـة الكـايـد اكـبــار الحـمـايـل
اقـفـوا كـمـا مــزنٍ ثقـيـل المخـايـيـل
من زاعج الغربي حدر لـه شعايـل
شمـر مقابيـس المنـايـا هــل الخـيـل
عصمـان الاريـا مقحميـن الدبـايـل
يـا دار ويـن أهـل المهـار المشاويـل
اهـل الـنـزول الـلـي تـعـز النـزايـل
بكيتهـم يـوم ارتـكـى فـوقـي الشـيـل
وذكرتهـم يـو اقبـل الـضـد صـايـل
وصـاح الصيـاح وطوحـن الهلاهيـل
وهلت ادمـوع معكرشـات الجدايـل
وقلت ابشرن مـا دام بالعمـر تمهيـل
مـا دام مـا رزت عليـنـا النضـايـل
لا تبكـيـن الـوحـدة قِـــل الرجـاجـيـل
مــا دام عـيـن الله علـيـنـا تـخـايـل
وظهرت أنا باسم العصاة المشاكيـل
لـو هــم قلـيـل يـدركـون الجمـايـل
هــم حاصـلـي لا كملـنّـا المحاصـيـل
غوش الجبل خزني غلامين حايـل
باعوا عزيـز العمـر دون المضاليـل
وحمـوا حمـاهـا مقدمـيـن الفعـايـل
قالوا عليهم قلت يزجوا اهـل الخيـل
وقهرتهـم غصـب ووردوا غـلايـل
واذنـيـت هـجـنٍ يـقـربـن المـحـاويـل
هــوج هجاهـيـج اهـجـاف نحـايـل
عليـكـم يـطــرب قـلــوب المـراسـيـل
خفـقـات رفـقـات صـــلاب جـلايــل
قلايـص عـوص صعـاصـع شمالـيـل
من سلسلة نسل السبـاق السلايـل
الصبـح مــدن كنـهـن جـولـة الـريـل
رفيحٍ علت من فوقها ارجال حايل
وصبح اربعٍ تلفـي نـزول كمـا الليـل
شمّـر إلـيـا عــدت فــروع القبـايـل
أدنــى بـالادنـى خبـروهـم بتفـصـيـل
لا تسفهـون اصفـارهـم والجمـايـل
ولازم إلـيـا شـافـوا اركــاب مقابـيـل
تلزمهم النشدات عـن سكـن حايـل
قولـوا لهـم يـا مقبلـيـن عـلـى خـيـل
نـجـد واهـلـهـا يطـلـبـون الاوايـــل
جونا هل العارض جموع كما الليـل
يـبـغـون دار هـابـهـا كـــل عــايــل
وجرى لمنا يومٍ يـا طـب بـه الشيـل
يطيـح مـا تشنـى عليهـا الرحـايـل
واضفـا علـى عكـاش مـثـل الهـمـال
يليـا طـول مـا حنـا لهـم بـالاوايـل
ويـن الطنايـا ؟ ويـن شرابـة الهـيـل
وين الرجـال اللـي تشيـل الثقايـل؟
وين السيوف اللي نعـدل بهـا الميـل
وين الرماح اللي ترد كـل عايـل ؟
ويـن النشامـا والعصـاة المفالـيـل ؟
وجميع من ضربـه تضيـع الدلايـل
نشرب بهـم صافـي القـراح الشهـال
يلوننزل بهم غصب على كل طايل
تذكرتهـم يـوم ارتـدم فـوقـي الشـيـل
ونخيتهـم يـوم اقبـل الضـد صايـل
غلـبـا تــرى بلدانـكـم لبـسـت النـيـل
تنخى الرجال المكرميـن الاصايـل
تنخـى اهـل العـادة كــرام الاسابـيـل
يوم التعـازي والدخـن لـه صلايـل
قلته وانا معكـم علـى العـدل والميـل
لـعــل مـــا نـعـتـاظ عـنـكـم بـدايــل
تمـت وصـلـوا عــد وبــل المخايـيـل
عـلـى نـبـي الـحـق مــا زال زايــل
[/poem]
مواقع النشر (المفضلة)