للبنوتات فقط.. لااشوف تمساح يوطوط عندي ..

[][ الحيــــــــــران ][]

عندي دروس خطيره لا تفوتكن يا بنات .. شوفن اللي

مقهوره, واللي تبي تنتقم , واللي

تبي ترفع ضغط التمساح تتبع خطوات المقيدة

هالخطوات والله يقويكن...........


*** عند التلفزيون ***

لا صارت فيه مباراه , والاخ متحمس اقطعي هالحماس وشلون؟! انا اقولك .. شوفي اذا

صار مبقق عويناته وماهو يم احد يعني لو تجيبين صاروخ تفجرينه قدامه مالتفت لك

اعرفي انه منسجم , هنا بس تقومين بشغلتس.. وتسوين نفستس بنت سنعه وروحي

جيبي قطعة قماش وبخاخ للتنظيف واوقفي عند التلفزيون وامسحي الشاشه ولا

تعطينه فرصه يشوف زين ,

لا قال: ابعدي. قولي مانيب فاضيتلك بنظف وامسح ، وبعدين روحي جيبي المكنسه

واكنسي المكان اللي هو فيه وحاولي من لحظه للحظه تكنسين قدام التلفزيون وغطي

عليه.. ولا يهمتس احد.. واذا قال: ابعدي لاصنتس على دميجتس بالكاس قولي معصي

بيجون ضيوف . . العبي عليه حتى لو مو جايكم احد , والا سوي نفسك جالسه وتذكرتي

ان الكيك بالفرن احترق ناقزي لين توصلين للفيش وامصعيه برجولتس ولا تلتفتين

وراتس ..


*** عند النوم ***

لا صار التمساح يشخر.. نكدي عليه نومه وشلون؟! دخلي عليه بزارينكم على بزارين

جيرانكم وصكي الباب عليهم وخليهم يلعبون بغرفته ويناقزون على راسه .. تخبرين

اطفالنا احباب الله خخخخخخخ

والا تعالي وهو في سابع نومه وارجفيه ذيك الرجفه اللي يفز مايدري عن نفسه الا وهو

جالس وبكل برود قوليله نبي نروح للسوق

<======= يمديكم على هالبرود؟ خخخخخخ


*** مع الشله ***

ذي ما يبيلها جهد ولا تعب, اذا شفتيه جالس هو وأخوياه طلعي رسك من باب الشارع

وقوليله فلااان أمي تبيك لو يصلون عليك بنفس اليوم ترى مالي دخل <<<< وانتي الصادقة

اذا قدرو يجمعونك فكري بالصلاة تفكيرها ارهابي ههههههههههههههههههههه

*** اذا المزاج صفر ***

اذا شفتيه ماله خلق ومو رايق ومقفله معه لا تخافين بالعكس هذي فرصتك تنتقمين

منه يعني تحرشي فيه خلي دمك ثقيييييييييل بالمزح بس انتبهي في هاللحظه راقبي

حركات يده لان ممكن يصك أي شيء قدامه بوجهك ولازم تصيرين مجهزه مفتاح الغرفه..

ماتدرين السالفه يا غالب يا مغلوب خخخخخخخخ

المهم.. اضحكي على شكله والا على جلسته والا على لبسه .. هو بيقول ترى مانيب

رايق وضفي وجهك, انتي لا تسكتين قوليله واذا ماضفيت وجهي وش بيصير عاد هو

بيقوم ويوريك وش بيصير على سنع انتي في هالوقت اقضبي اول درجتين توصلك

لغرفتك وطلي عليه من فوق وقوليله ههههههههههههاااااي اهم شيء رفعة ضغطك

وقومتك من جلستك

<===== يلعن ام المبزره

عادي .. عادي ولا صرتي بزر وش فيها اهم شيء تحقيق الغايه اللي هي (( تفجير

الامبير )) خخخخخخخخخ


*** وقت الطقاق ***

لا جاء يوم وبراسك حرش وتبين تطاقين انتي والتمساح لازم تجهزين نفسك من كل

ناحيه:

1/ اللبس: لازم تلبسين ترنق خخخخخخخخخ علشان يسهل الركض والمطامر وتفركين

من يده بسهوله

2/ الشوشه لازم تلمينها وتسوين حفله براسك ذاك اليوم تحطين انواع الشباصات

والمغاطات وانتبهي ولا خصله تنزل منك, وياليت يكون ذاك اليوم حاطه براسك حناء <<< وااااااااع قطع بغيت اكنسل الموضوع كله بسبة هالكلمة

علشان مايتجرأ ويلمس شعرك <==== ابن أمه يجيب مثل هالتفكير

3/ مفتاح الغرفه ولميه الاحتياط واجب

4/ جمعي لك كم زبيريه وخليها على جمب

اذا بدت المعركه حطي راسك براسه ولا تبينين له انتس خايفه وبققي عويناتس فيه

وقوليله وش براسك عاد هو هنا بيقولك هذا اللي براسي طراااااااااااخ الا ومخمس

مصفي طبلونه , لا تستسلمين عطيه بوقس على عيونه الثنتين علشان مايشوف الدرب

وحطي رجلك ومن عند الدرابزين طلي عليه وقوليله ان كان فيك خير قابلني هو

بيستشيط وبيجي التمساح يقابك مايدري انتس اذكى منه , هالحين جاء دور الزبيريات

اللي جمعتيها وبدووون رحمه .. واضربي فيه ليييين تضربين

الارض من تحته . وعلى طووووووووول لغرفتس اللي مجهزتن مفتاحها من قبل واقفلي

عليك.. ويادار مادخلك شر بس نصيحه اقعدي يومين لايشوفك ولا تشوفينه لانه يبي

ينتقم لكرامته وبيوريك حق الله فيك

وبسسسس.. هذا اللي اتذكره اذا فيه اساليب جديده ماراح ابخل عليكن يا حلووووات...

واتمنى تطبقين هالتعليمات وهذا وجهي ان تحداك أي تمساح على وجهه الارض

خخخخخخخخخخخخ ومالي دخل

لو طلعلك صعرور والا طلع بعيونك الوان الطيف والا ماسلم فيك ضلع


عااد ماادري اللي تبي تسوي هالطرق وتتبعها ..<<<تتشهد قبل ماتسوي اي شئ
















خخخخخخخخخخخخخخخخخخخخخخخخخخخخخخخخخخخخخخخخخخخخخ








منقوووووووووووووول



تحيتي العطرة
الحيران

[ريان الشمري]

im22 <<<< اول موطوط




هههههههههههههههههههههههههههههههه





((((( وقوليله فلااان أمي تبيك لو يصلون عليك بنفس اليوم ترى مالي دخل))))




im22






يعطيــــــــــك العافيـة اخوي الحيران..






وتحياتي لك .....

[اخر حبيب]

ثاني موطوط


هههههههههههههههههههههههه


يعطيك العافيه اخوي

[][ الحيــــــــــران ][]

يعطيكم ربي العافيه اخوي ريان وخوي اخر حبيب

الحيران

[][دمعه يتيمه][]

هههههههههههههههههههههه
ودى اسووى كذا بس المشكله حنا منتهاوش الابالمطعم مايمدينى افرك .....
بجرب انا ماراح اقوولك مانى بجربه بس لو جانى شي .... انت السبب انت وافكارك.....
مشكوور اخووى ع احساسك فينا .....خطط تخلى السحالى تاخذ حقها هع هع هع هع .....


اختكـ..][دمعه يتيمه ][