لحظة الفرقى ..!
اليـوم صـوتي يناسب لحـظة الفرقـا
كانـك تبينـا نتـفارق .. خلّهـا الليـله
من ينتظـره الشقـى .. لو ينتظـر يشقـى
دام الشقـا ينتظـرني .. ليـه مااجـي لـه ؟!
ياقلـبي المنتظـر .. مكـتوب لـك تبقـى ..
محـروم حـتى من اللي كنـت تشكي له
خـل المراكـب تســير ..و ودّع الغرقـا
في مـوادع الحمْـل .. راحة من هو يشيلـه
اللـي يـدّور عـذر لفـراقـي .. بيلقـى
يامـن نويـت المفـارق .. قبـل تمشـي لـه ..
أرحـل من احلامـي اللـي قلت لـك ترقى
ومن روحـي اللي ماعاد اعـرف من هي له !!
ومن دفتـرك .. وأرتبـاك خطوطـه الزرقـا ..
ومـن كل ضحكـه , ودمعـه .. في تفاصيلـه
أرحـل .. و خـذ ذكرياتـك معـك .. لاتبقـى
ساعـدني أرجـع لنفسي كان لـك حيلـه
علمتـك الوصـل .. علمــني على الفرقـا
محـتـاج لي قلـب .. يشبـه قلبـك .. اللـيلـه
فهد المساعد :24ar:
http://www.youtube.com/watch?v=5h106...embedded#at=16
رد مع اقتباس
مواقع النشر (المفضلة)