يكرم وجه أبو القاسـم
اللي تودع ضناهـا العـام مبتسمـه
قالت عساه الذهاب إن مارجع داسـم
ماعلمتنا عن الموقف متـى حسمـه
لاانتظروا أصحابه اللي ربهم قاسـم
السالفة طولـت والنـاس منقسمـة
يالله بنصرٍ عزيز وموقـفٍ حاسـم
لا والله إلا غدينـا وجبـة دسـمـه
مادامها وصلت الدعوى لأبوالقاسـم
يكرم عن الحالمين بوصفه ورسمـه
تخسى الرسومات واللعنة على الراسم
اللي تجرت يدينـه عرفـوا باسمـه
هي مابعد ذاقت الميسم مـن الواسـم
وش يامر الشيخ فيه إن غابت البسمة
والله مايصبـح الا والثغـر باسـم
إن ثار مليار والجاني وجب وسمـه
كلٍ مصيره مع أهل الخير متقاسـم
وإن لانت الريح نسمه في قفا نسمـه
يكرم ويكرم ويكرم وجه أبو القاسـم
لشاعر ناصر القحطانى
مواقع النشر (المفضلة)