مع السلامه مالنا غير فرقاك
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
مع السلامه مالنا غير فرقاك =والله مالي في موادعك قدره
الله يسمّح درب مثلك وشرواك =والقلب خله عند الايام عذره
أن ماقدر يصبر تسليه ذكراك=لوكان في بعض التفاصيل قبره
وان جادة الاحلام فينا وشفناك =هي عبرةٍ تقفي على درب عبره
أقفت تنشد عابرٍ عن مطاياك =اللي لها بين الزمانين هجره
تاقت وطاحت مالقت في زواياك =الا حنينٍ شلّع القلب جذره
قلبٍ يفيق وينشد الصبح وش جاك =واثرك ناوي من ورى العام هجره
تبي الحقيقه جعل ماجاك يفداك =الرجل مايجبر على فج صدره
أما تجي برضاك والا تركناك =أرحل وانا ادري مابقى غير شعره
بين الوداع وبين شوفت محياك =والقلب ماهو سلعةٍ وسط كبره
تبي تسلابي على جرف دنياك =صخرٍ تساويني على حد صخره
ماني صغير امك ولا من رعاياك =لو شفت دمعي ينسكب وقت غدره
هذيك عبرة شايبٍ عاف ممشاك =من جاه يشكي ضنوته قال بصره
خلوه يسرح بين ذولا وذولاك =وان مت خلوني على باب قصره
وخطو على التابوت هذي ضحاياك =وعساه يقنع بارك الله نصره
وان شافو دموعك على حلق شباك =ماهي محنّه واغلب الضن فطره
أدخل على اللي بدعك في شفاياك =الرجل وش قدره ليا فج صدره
مع السلامه مانبي غير فرقاك =دام انت مقفي مالنا فيك قدره [/poem]
رد مع اقتباس
مواقع النشر (المفضلة)