قصيده في الامير عبدالله بن عبد العزيز
[frame="1 80"][align=center]قصيده في صااااحب السمو الملكي الامير عبدالله بن عبدالعزيز ال سعود
تقول القصيده :
لحظة غضب فيها الغضب كنه أسهوم
وزاد الغضب بين الضلوع أزدحامـه
وملزوم أعبر وأكتب الشعر ملـزوم
شاعر ولي غيـره وعـزة كرامـه
شاعر بحكـام الوطـن يفتخـر دوم
وبموطنـه حتـى تقـوم القيـامـه
جعلك يا بو متعب من الشر معصوم
واعز رب الكـون راسـك وأدامـه
مهزوم من ينوي لك الشـر مهـزوم
البـر خلفـه والبحـر مـن أمامـه
أمر على أمرك يصرخ الشعب ويقوم
الشعـب واحـد وقفتـه والتحامـه
أمر يا بو متعـب تريّـح ومخـدوم
حـب المنايـا زاد فينـا غـرامـه
فيك العزم ونزود من عزمك اعزوم
وصلابة الراي وشمـوخ الزعامـه
وعلى النقا ساعة لقا القـوم بالقـوم
ما هيب وصمـة عـار ولا ملامـه
الغدر والله وصمـة العـار واللـوم
لا شاد له منـزل ولا عـز هامـه
وراس الذي تحسب له الفرس والروم
محدن تجـرا يـا معمـر وسامـه
حنا الرجال اللي نسوم العـدا سـوم
ونطوي طوابير العـدا طـي خامـه
والا انت لا معطي ولا نته بمحـروم
واصل الهلامه طول عمـره هلامـه
جنون فكرك عاشت أوهـام وحلـوم
جبان فـي حلمـه يحـس ابقرامـه
مبداك الارهـاب وتطلعـك مفهـوم
مالك مـدا كنـك عـروق الثمامـه
تعيس عمرك مـن طفولتـك لليـوم
سبّب خلل شخصك وقـو انفصامـه
تعيس فيك العقـل والحـس معـدوم
واكبر خلل شخصك تناقض كلامـه
تبت يداك ومثـل شـرواك مخـزوم
والعيـن ملطومـه وفالخـد شامـه
وتوك صحيت وفقت من غفوة النـوم
بعد هجير الشمـس كـف الغمامـه
أبدعت يا معمر ولـك دور معلـوم
دور الغبي فـي مسرحيـة درامـه
صحيح كاتبها كتب نـص مرسـوم
وعلى فم المدفـع جعلـك العلامـه
في ليبيا تذبح لنـا الحيـل والكـوم
ترسم لنـا الضحكـات والابتسامـه
وغايتك معروفه وخنجـرك مسمـوم
من حدها قله يـا مصعـب مرامـه
والرجل فينا عـن مقابلـك محشـوم
والله ما تسـوا طلقـةٍ مـن حزامـه
هيـا تهيـا لـك مصيـرٍ ومحتـوم
وجهك مثـل ليلـك شديـدٍ ظلامـه
خطاك ما يغفـر وموقفـك محسـوم
مانت بكفو للحكـم تقبـض زمامـه
حكمك نهاية عهـد فاشـل ومشئـوم
حكـمٍ بـلا مبـدأ ولا لـه دعامـه
شعبك بحكمك منهك الروح مظلـوم
يا ما عطينـاك الفـرص يالهلامـه
نرفعك ثـم اطيـح ونجيـك وتقـوم
ومن وسط جرف اطيح لك في عدامه
شعبك سنينٍ يشكي الجـوع محـروم
وطال انهيـار الاقتصـاد وعدامـه
محصور بر وجو ما تقـدر اتحـوم
حتى فزع لك من خسرت احترامـه
سنين وانت بفزعـة ايديـه مدعـوم
لكن لئيـم وصغـت معنـى اللئامـه
تنسج خطط بالحقد والراس منجـوم
وتغط راسـك مثـل راس النعامـه
يصعب عليك الفعل يا ماكـر البـوم
جنب طريق اللي صعيـبٍ خصامـه
هـذاك عبـدالله ذرا كـل مضيـوم
ابن الإمـام اللـي زهتـه الإمامـه
وكل الشمال ابحب مـولاي مغـروم
وكل الحجاز ونجد واقصـى تهامـه
يحيا ولي العهـد والـراس مزمـوم
اللي وصـل بالمجـد ذروة سنامـه
اللي بفعلـه تختلـف روس وعلـوم
وخشم عليه اعرام يفـرك اعرامـه
واليا انعمست وضقت والبال مهمـوم
ذكرك يابـو متعـبً يبعـد هيامـه
واحس بالي لا كتـب فيـك ملهـوم
وشعري ما زادك قـدر ولا شهامـه
حتى ولو صغتـه امنظـم ومحكـوم
انت الذي يـا ميـر ترفـع مقامـه
ومهما يفيّض خافقـي كـل مكتـوم
يعجز قصيدي فيك ياصـل ختامـه
وراس الذي تحسب له الفرس والروم
محدن تجـرا يـا معمـر وسامـه
[/align][/frame]
رد مع اقتباس
مواقع النشر (المفضلة)