حلا مادري وش اسمه بس لذيذ
بسم الله الرحمن الرحيم
السلام عليكم ورحمة الله وبركاته
بناااااااااااات وشلونكم هاه كيف المطبخ معاكم
<<<<<<يدري ان الشغل كله على روس الشغالات الله يرحم حالهن
المهم انا جبت لكم طريقة حلا طعمه موب صاحي
قبل يومين رحت عند اختي اتقهوى المغرب<<<<عزوبي ويدور قهوة المغرب بكل مكان
المهم لفت نظري صحن بوه حلا مير تقوطر سعابيلي لان شكله مهبووووووول
وطبعا اكلته كله من غير مادري ونسيبي يناظرن بعين شكله يقول وش ذا المشفوح
بس ماعلي منه يقولك كل شي استحي فيه الا الاكل لاتستحي ابد ابد
المهم قبل ماطلع طلبت من اختي المقادير
قعدت تضحك علي هههههههههههاي
ناوي تحوس البيت انت وخشتك تعال كل يوم وانا اسويلك
قلت لااااا يابنت الحلال هذا واحد من الشباب معنا بالاستراحه توه متزوج ويحب الحلا
وزوجته مسكينه ماتعرف شي وودي اعطيه المقادير يعطيهن زوجته المهم اني صرفت الموضوع وجبت المقادير
المقادير ياقلب العنا مقادير وش ذنبي انا<<<<خش جو
كيك امريكانا بالشوكلاته - بسكوت اوريو بني واسود - 3 قشطه - دريم ويب - صحن<<مالها دخل
<<<<<<<<ان شاءالله اني مانسيت شي
الحلا عباره عن اربع طبقات نشرحها بالتفصيل الممل:
الطبقه الولى : (السفلى)
يقطع كيك امريكانا ويصف في الصحن
الطبقه الثانيه:
نقوم بخلط ظرفين دريم ويب مع علبتين قشطه مع بسكوت اوريو اسود بعد تكسيره الا ارباع
ثم نضع الطبق او الصحن في الثلاجه حتى يتماسك الخليط
الطبقه الثالثه:
نخلط ظرف دريم ويب + علبة قشطه ونصبها فوق الطبقه الثانيه بعد تماسكها
الطبقه الرابعه:
نسويها على طول بعد الطبقه الثالثه
نقوم بصف قطع بسكوت اوريو بعد ازالة الحشوه الداخليه فوق الخليط وبطريقه متناسقه
بحيث نضع بسكوت اسود وجنبه بسكوت بني ونترك مسافه قليله بينهم
طبعا انتم صفوا البسكوت على حسب ذوقكم وعلى حسب الشكل اللي تبونه
ويوضع بالثلاجه ليقدم لي بعد المغرب علشان اذوقه
ههههههههههههههههاي
معليش نسيت اصور الحلا وماتذكرت الا بعد ماخلص
ههههههههههههههاي
مالها داعي اصوره فاضي صح
يالله جربوه وعلموني كيف طعمه
برب
المشاركة الأصلية كتبت بواسطة أرو
مواقع النشر (المفضلة)