[align=center]
مرحبااااااااااااا
تخيلي عزيزتي..... أنكم طالعين من عزيمه أو عرس.. أنت وأم زوجك وخواته....
طبعا زوجك اللي بيوديكم للبيت والمشوار طويل شوي ... أوكي
وانتم ماسكين الطريق إلا أم زوجك ( احنا نسميها ((عمه)) وفي روايه يسمونها ((خاله)) المهم عمتك ذيك الساعه منفتحه نفسها للسوالييييف ومبسوووووطه لأنها توها مقعده راسها بكم بيالة شاهي
وتبدا تسوووووولف على ولدهااا............. ..................
والله ياعرسهم يهبببل ما شالله عليهم... ومهنا شي ماحطوه حلويات اشكاااال والواااان و الموااااالح ماينشبع منهاا ابددددد
والعشاء عجزت أشبع منه!!.... حاطين شي يعرف وشي مايعرف
والاكلات الشعبيه (اهم شي في الموضوع) مااااخلو شي ما حطوه مدري بس ماشالله من اللي مسوي هذا كلللله الله يحرسهم باسمه.....
المهم.......... .
وهي ماسكتهم مدح وشرخ........... ..
مادريتي إلا يوم فرت الموجه على المعازيم وبدت تسولف و تقوووول............. ...........
ياملح ذوليك البنيات اللي قامن يرقص ملح وقبله وجرم (يعني جسم) كل وحدتن تقول أنا القمرررر....ماش الله الله لايضرهن....
أقول يافلااااانه...( تنادي وحده من بناتها) وش رايك بذيك البنيه أم أحمر اللي مغير ترقص وتناقز وش رايتس فيها ؟؟ نخطبها لفلان (واحد من عيالها)
كل هذا وانت تسمعين و زوجك فاتح كشرته يتسمع للسواليف مستاااانس
وتجاوب بنتها (المسئوله) أي والله يمه لاتفوتنا تكفون اسألي عنها شوفي منهي بنته ووين تدرس....!!!
وتبدا السواليف بين الأم وبناتها عن فلانه وفلانه وذيك أحلى لاذيك أحلى.... لا ذيك جسمها مخصر ولها (.......) _______ وكلاااااام طويل عريييييض مايقال قدام رجال بأي حال من الأحوال
بالله وش ردة فعلك في هالموقف؟؟؟؟؟؟؟؟ ؟؟؟؟؟
وش بتسوييييييييييي ن ووش بتقووولين وبأيش بتحسيييييييييين؟؟؟؟
واي وحده متزوجه أو غير متزوجه (تتخيل أنها متزوجه) ترد رجااااااااااء أبغا اشوف وش بتسوون
الله الله بالردود [/align]
مواقع النشر (المفضلة)