[align=center]

قرأت رائعة من روائع الملتاع رحمه الله

واحببت أن أسّطرها لكم اتمنى أن تحوز على رضاكم







..

الولع شين ياراع الولع لاتــكود
روحك اللي تقود المجد ويقودها
ماتخيّرت حب الخيل ورث الجدود
حيّ ورث يرد النفــس لجــدودهــا
ماتقــل قبــلك العــليا عليــها ردود
وماتقل عقبك البيضى على حدودها
قالوا انك عشقت الخيل والخيل خود
عشقها يستبيح الــروح ويـكـــودهــا
مهـرتـك في تعجـرفها تحـدى الحـسود
لوله ألفــيـن عـيــن ماحــوى زودهــا
لـو يفـرّق حلاهــا لـلغــوانــي يــزود
يرهى الما على كل الدلــي وجــودهــا
فلوة الشمس ترفة وين عنها الصدود
حــي مــاهــا ومـجنـاها ومــولودهــا
سرجها الريح ويديــها سراســيب نود
ونار قرم(ن) معــارفـها مـن وقـودهــا
وخصرها للغـواني مثل خصر العـنـود
وجـيـدهــا جيـد جـادل ليــّن عــودهــا
ســنـدريلا العــوادي مالها بــالـوجود
كـفــو إلا انت ســيــدها وحـســودهــا
كــنهـا من غـلاهــا بالــمـحاني تــرود
تصطفق في ضلوع(ن)تبرق رعودها
كن عينك لها سـيـده ورمشك حشـود
لا انثنـت شفـت قـلبـك زم بعــضودها
منوة اللي يبي طــرد السهل والـنفــود
فـارس(ن) تحتميــه النــاس ويـذودها
ركضها واذكر الله ركض ريم(ن) شرود
مخطر(ن) في حوافــرها على خــدودها
كنهــا تــدري انــك فــي هــواهــا ودود
فــلوة(ن) تقـل طفــلة حــلو جحــودها
اذكــر اللـه عــن عيــون الحســود
ومن حــدود البيــاض لمنتهي سودها


[/align]