إذا المرجله لبسة شماغ وعقال
قل للعذاري يلبسن العمايم
ماعاد يفرق زول حرمــه ورجال
دام الفعايل تشبه البعض دايم
المرجله ماهيب كلمه وتنقال
وتروح ماراحت هبوب النسايم
وإلا خشونة صوت أو رفع الأثقال
أو رزة صدور أو فعل الزلايم
ولاهي بعد مفتاح موتر وجوال
ولا ردى لسان هرجة شتايم
المرجل شيمه عن القيل والقال
رفيع نفس(ن) حر بالجو حايم
المرجله عقلٍ وزن وزنه جبال
ودون العقل وش فرقنا والبهايم
يامسندي لو مال الوقت مال
ياولد أبويه ياعظيم العزايم
يامعرب الجدين من العم والخال
يانخوة المفزوع وقت الهزايم
المرجله ياخوي هي طولة البال
هي العزم هي الصبر فالظلايم
فيها الكرم عزه ودله وفنجال
فيها الكرامه عن ردى الطبع شايم
والدين لامنه خذا القلب منزال
مشى طريق الحق وابليس نايم
ومن لا عرف ربه في طيب الحال
لابد وقت الضيق بالهم هايم
حتى صلاتك مع جماعات ورجال
في خيرها ياخوي نعم الغنايم
ولامن نصف ليلك قم صفي البال
ياعظم أجرك بين ساجد وقايم
ولامن ربي رفع له كل الأعمال
حسن الذكر لاقالوا فلان صايم
وخلك شريف القصد ياطيب الفال
سوء المقاصد فالبيوت الهدايم
واحذر تبيع النفس في دب الأنذال
وتتبع خوي ابليس راع النمايم
النفس خيل لك إذا كنت خيال
ومن لاقوى نفسه قوته الهزايم
ولاصرت ماتدري لويش أنت رجال
والله خسارهـ فيك ذبح التمايم
منقوله لشاعررررررررهــــ
نوف بنت شطيط العتــــــــــــيبي
مواقع النشر (المفضلة)