نزلت شركة ( اديداس ) جواتي للجري- وانتم بكرامه - ازين من جواتي سندريلا ، ويقولون أن هالجواتي ذكية وتبرد التسبد ، وباشرح لكم وش مزايا هالجواتي
وماشاء الله هالجواتي اعلنوا عنهارسيماً في إمارة ( دبي ) الله لا يحرمنا من هالدبي .
و مزايا هالجواتي الجديده انها تحس بمستوى الضغط المطلوب لراحة الرِجِل ، وتعرف انت تجري على عشب أو رمل أو اسفلت أو طعس او تلاحق جرابيع او ( شارع الحوامل ) وتقوم الجواتي بتعديل وضعيتها لين توصل للمستوى المطلوب لامتصاص الضغط ، ويعدل وضعه بواسطة سلك طويل يتحكم به محرك صغيّر في اسفل وسط الرجل ويدور بسرعة 6 الآف دورة بالدقيقة ، يعني اسرع من مروحة الهليكوبتر .ويقولون انهم حاطين به جهاز استشعار يسوي خمسة ملايين عملية حسابية بالثانية ( حشا لابس لاب توب برجلك ) .
السؤال اللي يسدح نفسه : هل تقدر هالجواتي تزين رجلين لاعبينا بحيث انهم يسجلون اقوال .. ترانا مقبلين على كأس العالم ، وإلا بتصير مثل مشروع حسينوه بدرب الزلق كلها جواتي يسر ؟
ما اقول الا الله يرحم زمان اول ، ما لقاها الا عيال اليوم جوات بحساسات وحنا جواتينا تجيب لنا حساسيه . ذيك اللي تطلع اصابعنا من كثر ما نشوت ( بقوه) وبرواية اخرى ( بوز ).
تــ ــقــ ــديــ ــري وإحــ ــتــ ــرامــ ــي الــ ــكــ ــبــ ــيــ ــر
لــ ــلــ ــجــ ــمــ ــيــ ــع
أخــ ــ ــ ــ ــوكــ ــم
الــ ــمــ ــحــ ــامــ ــي
مواقع النشر (المفضلة)