مذكرات زاحفة
--------------------------------------------------------------------------------
مذكرات زاحفــــــــــــــــــــــــــــــــــــة
--------------------------------------------------------------------------------
بعد فطور دسم دقيت فيه لين دمعت عيوني
وشربت ( غضارة ) توت ، بعدها حسيت اني دخت
وان جاني شيء فرّ راسي وقمت اشوف ابوي اثنين وامي تمر من هناااااااااااااااااك وتروح المطبخ وش حليلها .
كني سكرانه او فيني بلاااااااااااااااااااااااااااا.
تثاوبت وفتحت اثمي بقوه لدرجه ان الوالد شاف السمبوسه ببطني
فقال تراها تضرك وانا ابوك لا تكثرين
قلت له من حرّ ما اونس يبه
عاجبك حالنا نتسدح يا البنات بهالبيوت والشباب يطامرون بهالشوارع
وسوق العرس واقف
العرض كثيررر
والطلب قليل << متازمه حالتها
احس ان اللي جانا مثل اللي جاء امريكا 1931 الكساد العظيم
يوم تقطن البضايع ولا احد شراها
ظنك يبه نبي نقطّن ؟ ويطلع بخدودي شيء خضر وبتجيني الفطريات وانا ما اعرست وبترموني بال**اله مثل الخبز.
قال : لا يا بنيتي الله كريم .. ادعي ربك ان يرزقك بابن الحلال اللي يسعدك .
اندمجت مع الوالد بالسواليف وحسيت اني امون عليه او انه احد صديقاتي فقلت :
تصدق عاد يا ابو محمد ، ولا يغازلونا ، ولا يعطونا وجه على كثر طلعاتي للسوق
قاهريني هالبنات اللي يقولون يضايقونا الشباب بالشوارع
وينهم وينهم خلوهم يضايقونا <<< قلتها بصرخه وانفعال وانا احرك رقبتي .
الوالد حليم قال : بسم الله عليك يا بنيتي تبين نقرأ عليك ؟؟ يحسبني انهبلت.
قلت له : اسفه يبه بس لا تلومني احتياجات طبيعيه <<< عائله غربيه منفتحين بهالسوالف.
واطلع غرفتي وانسدح على السرير بدون مخده ما ادري عن عمري
واجلس افكر وافكر في حال اللي قبلنا
واتذكر قيس وليلى ، وعنتر وعبلاء
واقعد اسولف على نفسي واقول :
ذيك الايام العرس سهل ، الوحده تقدر ترزز عند البير ويجي الفارس ونشربه مويه وعلى طول يروح يخطبنا
عنتر لو تقولين له مافيه مويه قال اوكي باروح لاقرب بقاله وعادي لان عينه مليانه وولد حموله ومحترم.
ما يقعد يقول لك خلي نطلع بالسياره
او نتعشى بمطعم الريف الايطالي
او بالركن اللبناني
وبالاخير يمكن يصير اشياء نروح فيها ونلقى صورنا على كل بلوتووث
ولو تقولين لا ما ابي اطلع معك ، فضح بك بين الله وخلقه ونشر رقمك واسمك بالنت وبكل مكان
وش ذا الاخلاق عند بعض الشباب
وقعدت اتخيل واتمنى اتمنى الله يرزقني لو خال مثل عنتر >>> عنون شوفي الطموح ,, موب انا وياك مانتزوج الا سفير والا وزير .. عزالله قطنا ببيوت اهلينا ..
بس يكون بشجاعته وقوته
يعني اذا مشى معي بشارع التحليه ( فقع وجيه كل العرابجه هناك )>>> ياخي اشك انها ولد الا شوي .. من جد تفكير شوارع ..
وقررت اني اتزوج عنتر لو باحلام اليقظه وخلوا اللي ما نقدر نطوله بالواقع نطوله بالاحلام
تمغطت وغمضت عيوني ولبست شلحه ورديه لزوم الاحلام الورديه .
وطفيت اللمبه وشغلت شمعه ورحت اخذت بخاخ علشان ابخ بالغرفه تصير ريحتها زينه
بخيت وبخيت بعدين اكتشفت اني ابخ فليت ذبان ما شفته من الظلماء بغيت اموت وبديت اكحكح لين فتحت الدرايش
بعدين خلقت اجواء ويوم راحت الريحه وابخ ريحة ( خوخ ) <<<< ذوق بنت راعي بقاله .
قلت في نفسي لو هالحين يجي يا بنت عنتر عندك فيذا وتعرسين عليه وش بيصير حالك
يعني عنتر بيجي بكراتينه باحلامي الورديه وبادخله بحياتنا الحديثه وباشوف وش ممكن يصير.
غمضت عيوني وبديت اتخيل ..
جرس بيتنا طنق طنق ؟
الشغاله : مين ؟
عنتر : انت الجاريه ؟
الشغاله : ما فيه معلوم كلام بابا فيه هادا نفر ممكن طرار في رمزااااان .
طلع ابوي ويلقى ذاك الخال اللي على خيل
خاف ابوي يحسب ان اخوي صادم سيارة امير وجاي الخوي حقه يطقنا .
قال ابوي : سم طال عمرك ؟
قال عنتر : اتسمح لي بالدخول ؟
قال ابوي : تفضل وخلاه بالمجلس وشغل له الدش ؟
جاء الوالد ولقاه فاقن ثمه ويقز في هيفاء وهبي
قال عنتر : ابنت من هذي؟ <<<< جاي يخطبني وهوّن .
قال الوالد ذي بنت وهبي بس تراها داشره ما عليك منها ويقلب ابوي ويحط شيخ يحدث يبي يضيع الموضوع
لانه داري ان عنتر جاي يخطبني ؟
قال عنتر : يا اباااا ( ست الـ 666 ) جئت لاطلب يد ابنتك ؟ فماذا انت قائل ؟
قال الوالد الساعه المباركه نلقى ازين منك يا عنتر ؟ ولد حموله وراعي فزعات
ما فيك الا ريحة ( الصنان ) وهذي سهله ، نشتري لك مزيل الرائحه ريكسونا وتزين امورك .
واثناء الحديث والوالد قاعد يمدح بعنتر . طقوا الجيران يقولون : قولوا للي عندكم يوخر الخيل حقه مسكر على سيارة ابونا .
الوالد من الربكه عطى اخوي المفاتيح قال اخوي يقولون الخيل مهوب السياره .
قال اخوي بينه وبين نفسه ( ما تعود ابوي على مواضيع الخطبه ولا صدق على الله مرتبك ).
قال الوالد لاخوي : رح انت وفك رباط الخيل واربطه بالباب حقنا .
راح اخوي .
قال عنتر طالما انك موافق فمتى سيكون العرس ؟
قال ابوي : نبي ننبكم قال عنتر : ماذا ؟ ستغزوننا ؟ قال الوالد : لا ياخوي نعلمكم .
طلع عنتر يبي لع**ة سودانيين عندنا بالحارة ساكن عندهم عنتر يحسبونه سوداني ضايعه اقامته .
لقى اخوي قاعد يأجر خيله الدوره بعشره ريال على عيال الحارة .
انهبل عنتر قال : اين حصاني ؟
قال اخوي : شوي دوره وبيجي ؟
ناظر الساعه عنتر وقال : ياخي مواعد ناس رجاء لا تأخروني
شوي الا جاء الخيل .. مسك عنتر البزر اللي على الخيل وسطره كم طراق وشاته وقال : هذا اللي باقي بزارين يركبون خيلي
جاء عنتر في يوم الزواج المحدد من ابوي وكان لابس بشت وعمامة حقت الاولين
وكنه سوداني .
قالوا المعازيم اللي جالسين جنب الوالد في الصالة .. وراكم يا ابو محمد مناسبين سودانيين؟
قال الوالد : ذا عنتر ؟ لا يسمعكم يقوم يلعن ابو كوثركم هالحين ؟
قلطوا على العشى ؟
قام عنتر واكل نص خروف؟ شديد بعلي ووراه شغل معارك وحروب ومطاعن .
كان ملبق خيله من جهة الحريم
قال اخوي قرب سيارتك يا عنتر .
ما درا اخوي الا هالبشت يهفهف وانا انتظر عند الباب ما دريت الا لقطني وهو مسرع
لقيت نفسي مفوحشه وراه .
وانطلق لا يوقف عند اشارات ولا يهدي بتقاطعات كنه مفحط
ولا وقف بنا الا عند برج المملكة
كنا ماخذين غرفه هناك
انهبل عنتر من هالعماره ورفع راسه وقال يعنني مثقف : من بنى هذه البناء؟ فرعون ؟
قلت فرعون يقشك اسكت لا تفضحنا ذي حقت الشيوخ لا يجي راعيها ويخليهم يمسحون فيك القزاز حقها .
دخلنا وصلنا الريسبشن قالوا عطنا دفتر العائله
قلت له ما معه دفتر عائله بس معنا عقد نكاح وهذا اقامته ضايعه
وش اسوي لازم اقنعهم انه سوداني ؟
طلعنا الغرفه ؟
جلسه رايقه قلت له : رح تروش يا عنتر .
قال : ولماذا ؟
قلت : والله بلشه ؟ وش اقول له ريحتك شعر خيل وصنان ؟ اخاف يذبحني .
قلت له : لا بس خل نحلل الغرفه ونستخدم صوابينهم .
يوم تروح ويطلع ويلقاني لابسه قميص ورده ومرسوم عليه قلب كبير <<< قاعده المح له .
جلسنا نسولف انا وياه .. هو بوادي وانا بوادي .
انا اسولف عن الجامعه وهو يسولف عن المعارك وكم قتل ؟
قلت ما يهم .. اهم شيء الوحده تجيب عيال ويصير لها خلفه باللي هي به .
شوي إلا دق بيجر عنتر ؟ <<<<< قديم معه بيجر .
ناظر البيجر وقال : خير اللهم اقعلوه خير ..
دق على اللي دق عليه ..
قال له : ترى فيه معركه ( بعين الجواء ) بالقصيم ونبي فزعتك يا عنتر ، عرابجه متلاقطين وبعضهم استفزع بعنتر.
فز من على السرير وقال : اليك عني يا فتاة .. فوالله ما يستفزع بي ابناء علي إلا وجئتهم كالريح ؟
قلت له : ياخي اعقل وخل عنك شغل العرابجه وخل نشوف شغلنا الاهم
ما دريت الا دفني وراح ابن الكلب .
واشوفه من الدريشه ماسك خط القصيم والسيارت تمر من عنده وتضرب له بواري واللي يسبه
واللي يمر ويتفل عليه
واللي يقول يا حماااااااااااااااااااار <<< تكرمون . فشلني الله يفشله .
ما نمت ذيك الليله جلست بالفندق صاحيه طول الليل قلت يمكن يرجع اثر الرجال مطربق
طربق طربق طربق طربق طربق ****************> خط القصيم ****************>> طربق طربق
طااااااااااااااااااااااااااااااااخ اآآآآآآآآآآآآآآآآآآآآآآآآآآآآآآآآآآآآآآآآه <<<< صوت راس عنتر صدم بقلابي واقف.
واللي شافوا الحادث قالوا الخطأ عليه ميه بالميه لان ما ولع النور
وعنتر كان مسكر فمه وإلا تسان بانت سنونه وبرضه بيصير الخطأ عليه 100% لانه مسرع الله ياخذ عمره.
ضفيت عفشي من الفندق وقلت يا فرحه ما تمت
حتى بليلة عرسي اغتال القدر حبيبي حتى في احلامي
ولا انكتب لي اني اذوقه <<<<<< الحب
ولا بالحلم
لكن نقول : الله يرزقنا بالجنه .
انتهت المذكرات ...
منقول
مواقع النشر (المفضلة)