[align=center]السلام عليكم ورحمة الله وبركاته
هذا موظف استعلامات مقفله معه والمزاج متعكر
وطبعا مضطر انه يداوم وتسلطت عليه هالمكالمات اللي مال امه داعي
وهذي اول مكالمه
والمتصل صوت ناعم
الموظف:استعلامات الدليل فلان الفلاني السلام عليكم
البنت:لو سمحت بيتزاء هت بس الله يخليك لاتعطيني
رقم فرع النسيم ترى انتم دايم تعطوني اياه
الموظف:اي فرع تبين
البنت:تدري ليش ما ابي فرع النسيم يا اخي دايم
يجيبون البيتزاء بارده وشكله استغفر الله تقل خبز تميس(تقص قصة حياته البنت هع هع)
الموظف حاجر ضحكته:طيب خوذي فرع العليا
البنت:طيب وراك حاجرن ضحكتك اضحك اخوي ترى الضحك ببلاش(طاحت به هع هع)
الموظف:اختي خوذي الرقم وشاكرين لاتصالك
البنت:وجع يوجعك وراك مانن علينا بالهرج لاتصير انت
راعي بيتزاء هت وحنا ماندري خل الرقم عندك ماابيه طوط...طوط...طوط(يازين نفستس يا اختي )
المكالمه الثانيه اللي داق شايب(ابلش به عاد )
الموظف:فلان الفلاني السلام عليكم
الشايب:لو سمحت عبدالله فهد سعد
الموظف:وين ساكن اخوي؟؟
الشايب:هنيا قريب لمنا
الموظف:وانت وين ساكن؟؟
الشايب:هو هو وش هالسؤال وين يعني اكيد بجنب جيراننا(ايقاله حايف الاجابه هع هع)
الموظف:وانا وش دران جيرانكم وين ساكنين
الشايب:اقول طس ببليس بس والله ماعندك ماعند جدتي طوط...طوط...طوط
المكالمه الثالثه اللي متصل صوت ناعم
الموظف:فلان الفلاني السلام عليكم
البنت:عيوني
الموظف:بلا هالكلام وش تبن انتي داقه(لازم الثقل تعرفون المكالمه مسجله )
البنت:ابي محل عيوني للعدسات
الموظف:ايوه محل عيوني
البنت:لا مو عيونك عيوني انا
الموظف: خوذي الرقم
المكالمه الرابعه اللي متصل بزر(عاد هذي اللي ماتنترقع )
الموظف:فلان الفلاني السلام عليكم
البزر:لو سمحت ابي رقم هذا وش اسمه وش اسمه ايه ابي رقم حمود بادي فرج
الموظف:خذ رقمه
البزر:اصبر ابي رقم ثاني بعد ابي رقم هذا وش اسمه ياربيه
وش اسمه وش اسمه ايه ابي رقم مانع فالح سعيد
الموظف:خذ رقمه
البزر:اصبر ابي رقم ثالث بعد(مايعطى وجه )
الموظف:اتصل مره ثانيه لانه ممنوع اعطيك اكثر من رقم بمكالمه وحده
البزر:مانن علي بعد هيه انت ترى المكالمه
مهب ببلاش تراي داق بريالي كيفي اسوي به اللي ابي طوط...طوط...طوط
المكالمه الخامسه اللي داق صوت ناعم
الموظف:فلان الفلاني السلام عليكم
البنت:عوافي
الموظف:الله يعافيك
البنت:لا اخوي ابي مطعم عوافي(ضاع وجهه )
الموظف:طيب خوذي رقمه
المكالمه السادسه اللي داقه عجوز(هلا هلا )
الموظف:فلان الفلاني السلام عليكم
العجوز:عطنا رقم بنيتي حصيصه
الموظف:وش حصيصه
العجوز:اقطع واخس وينطق اسم بنتي بعد قليل الادب
الموظف:وين ساكنه؟؟
العجوز:ببيت رجله وين ساكنه بعد
الموظف:وش اسم رجله؟؟
العجوز:مساعد النذل
الموظف:وش مساعد؟؟
العجوز:ماتبين اوصف لك بيتهم بعد ياقليل الادب
الشرهه مهب عليك الشرهه علي انا اللي اهارج سفهاء طوط...طوط...طوط
المكالمه السابعه اللي داق شاب صحيح شكله
الموظف:فلان الفلاني السلام عليكم
الشاب: لو سمحت مستشفى الولاده لامراض العيون
بس بسرعه الله يخليك(ومستعجل بعد )
الموظف:مو مسجل عندنا(بلش مايدري وش يجاوب im22 )
وصبخ الموظف بالتليفون وقال ابوكم لابو هالوظيفه
وهذا وجهي ان عتبت هالباب مرتن ثانيه(الله يلوم اللي يلومك )[/align]
مواقع النشر (المفضلة)