,’
السلام عليكم ..
تسيف الحآل ..؟؟
عآد ترىا هالموضوع أول روايه انزلها من كتابتي هنا يعني سوو لي تخفيضآت
../
}{.. بُوٍبْيٍ وٍالقِرٍطَآسْ ..}{
في ليلة من ليالي الــرياض المشمسه وبينمآ كان
المطر يداعب خدي <~ أعرف أعبر صح
أتيت للمنزل ومعي عسكريم ابو نص وبينمآ كنت أبلعه إذ بي ارىا خشة أخي لازقتٌ
في عسكريمي المائع " ياهيك اللغه يابلا "
وقال : هذا وش ..؟؟ <~ مسوي نفسه بريء ومسكين مايعرف وش !
قلت له بخبث : هذا شي حلوو مرره .. بس مالك أمل تآخذ منه إلا بطريقة وحده ..
وهو ينقز ويقول : وش تكفىا علمني
رديت عليه : إنك تروح لم غرفة أبوي العزيز وتسرق
مفتاح الددسن منه واعطيك العسكريم ’
وإذ به يردف قآئلآ : ابشرر , كم عندنا خالد <~ أبووك ياشغل المصلحه يالمصري
وهو ينقز لم الغرفه ويجلس ربع ساعه وانا انتظره وادعي إن المهمه المستحيله ماتنكشف <~ أخص ياتوم كروز
وهو يجي و وجه يعطي ألوآن ..
قلت : خير ياابو وشووله لاطعني كل هالوقت , وبعدين وش بوه وجهك صاير كأنه علبة ألوآن ورع بالابتدآئي
رد : ياخووي شسووي بأبوك ذآ .. بغىا يكشفني وانا أنجضع تحت السرير إلا اشم لي ريحه ياعساك ماتشمها
انا : ووش ريحته ..!
هو : تصدق ياخالد .. إني شفت شرابات من عصر فرعون تحت السرير وحنّا طول هالايام ماحسينآ بها
انا : بلآ من وصآختكم ياكلآب <~ طبعآ هالكلام بقلبي ..
وأردفت قآئلآ : هآت المفتآح إخلص
وأخذت المفتآح وافتح بآب الشآرع <~ اكيد بتفتحه أجل بتسكره
وإذ بي أرىا صديقي الصدوق [ فخري ]
فخري هذا سلمكم الله .. أكبر دآشر في منفوحه ومآجآورهآ
من محيطآت وصحرآوآت " أهم شي صحرآوآت "
بس هدآيته على يدي إن شاء الله <~ إهدي نفسك بالاول
نرجع حق محور حديثنآ " فيس محمد الصيرفي "
واقول له : حيآ الله صديقي فخري
وهو يرد : اخلص وش تبي
رديت عليه : خير ياابو وش في أخلاقك صآررت تجآريه ..
وهو يرد بكل حزن : بلآ من شيٍ شفته
وانا أرد والفضول شغال ب مخيخي الايسر " لأن مخيخي الايمن جالس يتكلم " : ليه ووش شايف فضفض لي ..
هو : تذكر كلبي " بوبي " [ أكرمكم الله ]
انا : ايه أذكره وش بوه
هو : وانا طالع امس البارحه <~ حدد يا امس يالبارحه .. رحت ل بوفية عبد الصمد اللي بآخر الشارع وبوبي يمشي معي
وانا مااشي وماااشي وماااشي ومآآآشي " تخبرون البوفيه بآخر الشارع لآزم يطوّل وهو مآشي " ..
ولما وصلت دخلت <~ أكيد بتدخل أجل بتطلع
وأطلب طلبي المعتآد اللي هو .. اثنين بيض بالطحينيه و واحد فول بالمآيونيز .. وبينمآ انا انتظر طلبي على أحر من الثلج ,
وإذ بي اسمع صوت زقزقه وتصفير وانا احسبوه من بطني
وانا التفت إلا يطلع الصوت .. صوت بررريك سياره وإذ بي أرىا المنظر البشع المأساوي , شوية شباب مستهترين
كآنوا يستعرضون قدآم ورآعين يلعبون كوره وهم يخشون عرض
ع خشة بوبي ويدعسونه .. يعني ل هالدرجه وصل الاستهتآر
بحيآة الناس يؤ أقصد الكلاب أعزكم الله ..
وانا جالس اكتب بوه قصيده رثاء ياخالد ..
وانا ارد وانا فاقن خشتي : طيب اذا انا دعسوني .. بتكتب فيني رثاء ..!
وهو يرد : من المجنون اللي بايعن عمره يدعسك .. انت لو يدعسونك تدري وش يصير ..
رديت : وش !!
قال : تنفجر السياره وانت تطلع مثل الجحش " وانتم بكرآمه " مافيك بلآ ياجحش
قلت بنظره بريئه : الله يسآمحك ..
وأردفت : أركب خلنا نروح نستعرض بالسياره عند الشباب ..
وهو يرد : الله من زين السياره , كلها ددسن 84 غماره وحده ,
ولها شبك وفيها عنز فيها إسهال
رديت : إركب لاتجيك الزبيريه تمشي 280 سم بالساعه <~ نو كومنت
ونروح لم بوفيه عبدالصمد .. أبغى اشوف آثآر الجريمه .. يمكن أعرف شي عن المُجرم <~ أووخص ياكونآن ولا شارلوك هولمز
ونروح ونسأل الهندي اللي بالبوفيه عن الحآدث الشنيع ,
وهو يقول : سوف هآدآ صديق آنآ في سوف هو يزي سوي فحّط إعمل سيم سيم كيدآ [ أنننن أننننن أوووووح ] <~ يوصف طريقة التفحيط
بئدين يزي سوي إدئس هآدآ كلب حيلو مسكين ..
وهو يرد فخري عليه : لاتقول عن كلبي حلو لا أدعسك يآلـ ....
انا : يآولد هو مآيقصد شي بس إسكت ريثمآ ينتهي من الكلام <~ أبووك ياللغه
الهندي : اوويه سوي إسكت ريسما انا خلص كلام .. سئوودي آخر زمن ..
انا : أقول لاتتحلطم كأنك عجوز مآخذين عشآهآ
الهندي : طيب طيب " معها هزة رآس " , هو في وقف خمسه دقيقه يسوف كلب بعدين يقول [ يالله إفررك لايمسكنآ فخرري <~ معروف الكلب عند كل سرآبيت الحاره ]
انا : طيب خلاص ضف وجهك ..
ونطلع لم مكان الحآدث ونشوف دم بوبي .. ويقعد يصيح فخري
وقال : يحرم عليّ الفنجآل وعلوم الرجال إن مآجبت ثارك يابوبي <~ مدري ليه حسيت إني بديرة غليص !
رديت : قم بس لا أفقع وجهك .. ولاتكثر من المسلسلات التآريخيه مرتن ثآنيه
ولقينآ قرطآس طآيح عند الدم .. ومآعرفنآ هالقرطآس . قرطآس إيش
قلت : ياولد شف هالقرطآس تتوقع قرطآس إيش ..!
فخري : يمكن قرطآس باور هآورس <~ روح نآم أبرك لك
انا : لا لا ما أظن بس أبآخذه وارسله لـ مختبآرتنآ في الحآير أغديهم يلقون شيٍ يسوىا يآمآل الماحي
وركبنا أم عزيّز " الددسن لبىا مكينتهآ " ورحنا لم المختبر اللي بالحآير .. ونقآبل الدكتور في علم القرآطيس والزباله [ حسنين فتح الباب ]
دخلت ع المختبر وأقابل ذيك السكرتيره اللي تطيح الطير من الارض <~ قآم يضيّع من الخقه im22
وانا أظبط القذله واسكر الزراير وادور عطر مالقيت إلا معطر جو [ بريحة الصنوبر ] وتعطرت منه <~ ع الاقل أهون من ريحتك :5ar:
واجيها واسوي نفسي وكوول ..
أنا : صبآح النور ياسرور .. يؤ أقصد صبآح النور والسرور <~ للحين الخقه مأثره عليه المسيكين
هي : أهلين .. صبآح الخير يآوجه الخير <~ هي قالتها من هنا وانا انبرش من هنا
انا : " هآآ " <~ ووجهي يقوطر سعابيل
هي : إيش فييك عسىا مآشر ..
انا : الشر مايجيك يابعد طوايف فخري وبوبي يآجعلتس مآتروحين مرآحه
هي : ليه , وين رآح بوبي .. سيآحه ولا إيش ..؟؟ <~ كلن على همه سرىا
انا : إيه رآيح يصيّف بجنيف <~ لو تعرف الصدز كان تسحب ع أوومي اللي جآبتني :5ar:
انا بعد : طيب مُمكن لو سمحتي نقابل الدختر [ حسنين فتح البإب ]
هي : طيب ثوآني آخذ لكم موعد معه ..
وبعد مالطعوا أوومنا بالرشبشن <~ ركزوا ع الرشبشن im22
دخلنا علىا الدختر [ حسنين فتح الباب ] الملقب بـ حسنين الاعور
ولما دخلت عليه جلست أنآظر إلا كأني جالس ب زباله " أكرمكم الله " بالمنفوحه ولا بالنظيم ,
تأكدت بقووه إن تخصصه زباله يازباله <~ طيب وش دخلهم تعصب عليهم
و وريته القرطآس كوود إنه يعرف هالقرطآس .. قرطآس إيش ومن له ..
كلّمه فخري ..
فخري : السلام عليكم , كيف حالك حصنيّين ..!
انا بصوت واطي : ياكلب ياإبن الكلب .. إسمه حسنين
فخري : طيب انا وش يدريني شايفني أمه !!
وهو يكمل .. : السلام عليكم , دختور حسنين .. " وبصوت خفيف : هآه كذا صح "
انا : إيه صح بس إخلص الله يلعنك من خوي
فخري : طيب طيب شغلك برىا يالكلب يال .. طوووط طااااط طيييط <~ تم حذفه من الرقابه مع تحيات خالد
وهو يكمل .. : حنّا سالفتنا سالفه يادختور , انا يادكتور عندي كلب ..
الدكتور نط وهو فاقن خشته : سبحان الله إزاي كلب ويبقىا عندو كلب .. حآقه غريبه واللهي ..
فخري : انا كلب أجل .. إييييه لاصارت حآجتك عند الكلب قل له ياحسنين
وقال فخري سالفته والدختور بغىا يصيح من تأثير البصل اللي أكله مع الفول :5ar:
ودق الدختور ع صدره وقال : ابشر بسعدك وانا ولد فتح الباب <~ مصري بدوي
و وريته القرطآس
وقال : بكرآ تمروني نفس هالوقت عشان تآخذون نتيجه التحاليل ..
ولما طلعنا قابلت السكرتيره ..
وانا أظبط أموري وكلش ..
وحنا طالعين من المختبر ..
قلت : فخري .. انا ابروح لـ دورة الميآه " وانتم بكرآمه " وابرجع لك ..
قال : طيب
ولما رجعت له .. لقيت فخري مدعوس [ داعسته تريله محمّله بطيخ ]
وانا أظمه ع صدري وابكي .. وقعدت أردد قصيدة أمرؤ القيس اللي سرقها مني :-
قِفَا نَبْكِ مِنْ ذِكْرَى حَبِيبٍ ومَنْزِلِ
بِسِقْطِ اللِّوَى بَيْنَ الدَّخُولِ فَحَوْمَلِ
فَتُوْضِحَ فَالمِقْراةِ لَمْ يَعْفُ رَسْمُها
لِمَا نَسَجَتْهَا .. حسيت إن فيه أحد يشدني ويقوول [ خااالد خااالد ويهزني ]
خاااالد قووووم ..
وانا أفز من الفرررحه
واقول : الحمدلله حلم .. الحمدلله حلم وانا اللي أجلس أمطخ خشة أخوي من كثر الفررحه
واشغّل أغنية " أنا الشآكي " <~ قديم شوي
وأقعد أهز ومافي احد في بيتنآ مآ مطخت خشتوه من الفرحه ..
ورحت لـ فخري وجلست أمطخوه , حتىا بوبي جلست أمطخوه <~ أبووك يالفرحه
.. وتوووته تووته خلصت الحتووته ..
مآيستفآد من الموضوع :-
1/ لآتطلع للبوفيه ومعك بوبي ..
2/ انتبه من اللي يستعرضون لايدعسون بوبي
3/ إذا طلعت من المختبر التفت
يمين ويسار قبل تعبر الشارع <~ سبيس توون قناة شباب المستقبل
4/ حسنين إبن كلب وترآه أكبر نصآب لا أحد يروح له
5/ السكرتيره .. زحلقت لي ولا اتصلت : (
6/ ماهو كل حلم تحسبه صدز ولا صحيت تقوم ترقص
وتمطخ كل من تشوفه مثلي الله يخليني لنفسي !
7/ أتركهآ لكم انتم اكتبوا وش استفدتم غير مصالتي :5ar:
8/ للي يبغون يعرفون شكل السكرتيره .. بس أول شي إذكروا الله :24ar:
المقطه هنيتاً
كآن معكم من قلب الحدث ../ خآلد
همسه :- ترى الموضوع سدحته بأكثر من موقع بأسمآء مختلفه
فُـتكم بعآفيه :25ar:
وترىا القصه من نسج الخيال وكل اللي فيها { كذب × كذب }
مواقع النشر (المفضلة)