((((( غريــــــــ new ـــــبه )))))))

**~~محمــد القعيــقعي~~** · 13-12-2005, 04:48 PM

بسم الله الرحمن الرحيم

والسلام عليكم ورحمة الله وبركاته

(((( غريبه ))))

[poem=font="Simplified Arabic,5,skyblue,bold,normal" bkcolor="black" bkimage="" border="double,6,darkblue" type=2 line=1 align=center use=ex num="0,black"]
غريبه مابدر منه علامه ليه جافاني= وأنا اللي ميت بوصله وهي بالهجر تجزيني
خساره ماجرى بالأمس حسافه قول قيفاني = وأنا اللي فاكره مثلي بكت من شانها عيني
دموع الفرحه تغمرني بيوم فيه لاقاني = فرحت وقلت هو حظي تعدل أخر سنيني
ولكن ردها قاسي علي وحيل بكاني = وانا ناوي لها بالخير وهي بالصد تسقيني
صحيح ان الخطا وراد ياقلبي ليش تعصاني = وانا حالف اهجر الحب علامك ليه تشقيني
ياقلبي حبك الصادق غدى منبوذ بزماني = ترى المطلوب قول الكذب بتصديق الملاعيني
تبي تعشق مثل غيرك لزوم تعوّد لساني = لزوم تعلمه يكذب ويخدع بالموازيني
وأنا ماأسمح بهذااااا أبي اترك لها أوطاني = ترى هذا زمان الزيف وهو وقت الشياطيني
سلامي لماضي قفى سلام الله على أخواني = دروب المرجله والصدق تراها هي عنواني
لاني طالب الجنه وأبي من الرب غفراني = على الطاعه سعينا دوم وصلاتي ماتخليني
وهذا المختصر وأسمع كلامي فيه يافلاني = مدامك رافض المطلب أنا ماأجبرك فيني
فمان الله ودعني وداع ٍ فيه تنساني = أخاف جلوسنا عندك عن الأخطاء يعميني
وأسوي معصيه أو ذنب بفضل أفكار شيطاني = والاقي فعلتي صارت بوسط النار ترميني
لاجل هذا فمان الله مادامك ماتبي شاني = سموحه وأقبلي مني وداعي يانظر عيني
ولو غيرت بفكارك تعرفه زين عنواني = بصدقي جالس أنتظرك بحب الخير تلقيني
قبل لا أنهي أبياتي أبطلب وأكتب أحساني = وأصلي للنبي مليون وأكررهاااا ملايييني[/poem]

[poem=font="Andalus,6,skyblue,bold,normal" bkcolor="black" bkimage="" border="double,6,black" type=3 line=0 align=center use=ex num="0,black"]
الشاعر : محمد بن معيذف القعيقعي[/poem]

**المشتاقة** · 13-12-2005, 04:58 PM

قبل لا أنهي أبياتي أبطلب وأكتب أحسانـي
وأصلي للنبي مليون وأكررهـاااا ملاييينـي

صح لسانك اخوي

لاهنت

اشواقي::المشتاقة

**الحوراء بنت نجد** · 13-12-2005, 08:46 PM

الشاعر محمد القعقيعي

تبهرنا أيها الشاعر بهذا الحضور المتتالي بروائع

أينعت بكل مفاهيم الشعر وعذوبته ومعانيه القويه00

لك حضور مميز وفكر مستنير بهذه الموهبه التي يدرك

الجميع مداها--- عزفك رائع وحضورك يسعدنا--

مرحبآ بك في تواصلك المميز 0

تحيه00الحوراء--بنت نجد