......جزيل الشكر يا خاين .......
هذاك اللي لجل عينه تركتيني ورحلتي هناك
..................... رجعتي اليوم من عنده وقلبك شايل أحزانه
أما قلتي تحبينه ووحده في الهوى أعطاك
.............................. أمور ٍ حيل مختلفه مناجاته وألحانه
وقلتي أعشق فنونه وورد الصبح هو أهداك
................................. بأنواعه وأصنافه وأشكاله وألوانه
وقلتي صرت عبد ٍ له ولبغي وفي العمر ملاّك
.................... وطبع العبد مايخفى يموت في حب سلطانه
أجل جيتي رجعتي لي ودمعك م البكا أعماك
........................... رجعتي حامله ذنبك وألم تبغين غفرانه
جزيل الشكر ياخاين أنا ماعدت أتمناك
.......................... فلا تعرض علىّ حبك نسيت اليوم عنوانه
أنا حبيت ما أنكر حلمت أغطس بحر لفلاك
........................ رسمت إني أنا الغواص وإنتي كوكب الدانه
ولكن وش يفيد الما وراعي الكاس ما اسقاك
.............................وطير ٍ بالسما من يشتريه بغالي أثمانه
أنا الأول وهو الثاني عسى الثالث يهمه رضاك
........................طريقي صعب تمشينه كفايه الناس شمتانه
فأحسن لك تروحي بعيد وأحسن لي أنا بلياك
.............................وقلبك لايجي صوبي أبد ماريد إحسانه
تراني معلن التوبه أنا مابي طعون أشواك
................................أبا آتوب عن حبك ولا با كون ربانه
أنا مابيك ألعبك وألعب بالهوى وياك
.........................عزيز النفس مايرضى يعود لحب من خانه
بصورلك ولـ تقولي أنا بالعمد أبا أنساك
............................بترضيها علىّ أصبح سجين يحب سجّاlنه
رد مع اقتباس
مواقع النشر (المفضلة)