ّ قـ،ـنـبلـة إِحـ،ـسآآس ...!! ّ

[حــآتــم]

ّ
ّ


صبـَـآحكم بـ عذوبة الشِعر ..

من ما اعجبت به ..قصيده لـ أحمد الصانع

أتمنى ان تنال إعجابكم..
ّ
ّ


قول عادي .. بالي الليله طويل ..
شُوف لِك عذرٍ قديمٍ / وأقبِلَهـ !!

لا تحاتي ...
قلبي مِتعَوِّد يشيل :
( الجُروح ) اللي تجي له مُقبِلَهـ

" طيبتي " صارت مثل ( كف البخيل )
أيِّ شَي طايح .. تِشُوفـه ؟ تحمِلَهـ

و " عزِّتي " تقدر تِسَمِّيها : النخيل
لأني شامِخ .. والعواصف قاتِلَهـ

وعادي جداً .. إنِّي الليله ( عليل )
..الحزن : يحْسِبني واحد مِنْ هَلَهـ !!

ومو غريبه .. لو تِمَنِّيت الرحيل
البقاء أحيان , يعني .. البهذلَهـ !!

في غيابك .. ما لَهَا الضيقه مثيل ..!
وربِّي اللِّي .. ما يشاءه , يفعلَهـ

مِنْ يلاقي لـ دنيتي هذي بديل ..؟
خل يجيني أي شخص .. أبَدِّلَهــ

وعيب راسي لا بغى شي " مستحيل "
يوصله مو طيب .. غصبٍ يوصلَهـ

ليه راجع ؟!
ليه ذاكر ..؟ يـ الأصيل ..؟؟
إنت ضايق .. ؟!في خطأ بالمسألَهـ !!

وليه تبكي مِنْ كلامي يـ الدخيل ..؟
المشاعر .. ما لَهَا بقلبك صِلَهـ ؟!

و( البلا ) .. إن حَبْ رجالٍ " ثقيل "
ينسى مِن حُوله ويسْمَع ( مُذهلَه ) !!

مِن عرفتك .. ما بقى بـ اليَد .. حيل
ولو بكيفي ..؟ [ قلبي ] محدٍ يدخلَهـ

ومِن عرفتِك .. حظِّي العاثر يميل ..
أعترف لِكْ إنِّي ( عاجز ) أعدِلَهـ !!

فاقد الإحساس / ما يعطي القليل
وإن عطيته إحساس قلبك ؟ يقتِلَهــ !!

إيه بـ أرحل والطريق أدري .. طويل ..
مشكلهـ " قربك " .. وبُعدِك مشكلَهـ ..

وإن خذاني المُوت إترك قال وقيل ..
قول هـ الجُمله .. وخطاك محلِّلَه :

[ ربِّي إلهَم أهلهـ الصَبر الجَميل
وإرحمـه يا رب وإحسِن مدخلَه ]

ّ
ّ


فآآئـق احترآآمـي $222


ّ
ّ

[هنوف العتيبي]

الله الله ..
..

أحلا قصيده قريتها اليوم ...
..

ماشاء الله رووعـــه ..
..


تسلم يمينك يا حاتم ..
..
وعسا الله لا يحرمنا من هالذووق الراقي ..
..


دمت بكل ود

[مشاعل الزين]

رووووووعه ماقصر الصانع ابدع

ويسلموووو على النقل اخوي

ننتظرك بالجديد

كن بخير

مشاعل***

[وفيت وخانتني]

" طيبتي " صارت مثل ( كف البخيل )
أيِّ شَي طايح .. تِشُوفـه ؟ تحمِلَهـ

و " عزِّتي " تقدر تِسَمِّيها : النخيل
لأني شامِخ .. والعواصف قاتِلَهـ
...

الله عليك اخوي حاتم

نقل رائع

وهذا من ذوقك ولاهنت

وربي يعطيك العافيه

وتقبل مروري وتحياتي

[الأمـــاكن]

الله الله الله

ابدااع ووصف يخليك تدخل الجوو : )

صح لسان الشاعر المبدع الصانع

وتسلم يمناك حاتم

دمتَ