المشاركة الأصلية كتبت بواسطة ملك القوافي
[poem=font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
هذه القصيده قلتهافي وفات والدي رحمه الله ورحم جميع موتى المسلمين
{مـــــرثــــيــــــه}
البيت بعد اللي بنى البيت ما أبغـاه=مابه حلا راعيـه قوطـر أوراحـي
أقفـا عـن الدنياتـوفـا أوخــلاه=من شاف بيته زلزل الصوت ناحـي
هلت إعيونـه ذارف الدمـع ينعـاه=لو رحبوابه فيـه عـاف الملاحـي
اللـي يحبـه حيلتـه فيـه ببكـاه=يقول مالـي فـي مجيـه صلاحـي
يارب عاوني على الصبرمـا أقـواه=حيلي تـردى والمحايـل إشحاحـي
البيت بعـده كنـه الصقـع مـازاه=البيـن كثربـه رفيـف الجنـاحـي
البوم ينعـق فـي مذاريـه بنـداه=كنه خـلا خالـي قليـل المواحـي
ياليتهـم بعـده تواصـوا إبفرقـاه=اوخلوا ه تصفقبه هبـوب الرياحـي
حتى البلد بعـده تهاونـت هجـراه=وشعـاد لوقالـوا قليـلٍ نصـاحـي
من بعدأبويـه عايـفٍ كـل مقعـاه=طاح العمود أوخوّع البيـت طاحـي
يالله عسى مـزنٍ تزبـر إبمنشـاه=يمرنـا لطويـق نــوه رواحــي
يالله عساه إليا أرهش المزن في ماه=يسقي ثرى قبـرٍ إبذيـك النواحـي
قبـرٍ سكنبـه عودنـا واحــلالاه=حتى يـزوع المـاء زبارالبطاحـي
شبـلٍ قليلـه بالرجاجيـل حلـيـاه=بالرأي والحكمـه أوهـز الرماحـي
لكبـرت القالـه نهجنـا أونصينـاه=لوقفلهـا والبـاب عسـرٍ إلياحـي
فكة نشبهـا لأحتـرك هـون يلقـاه=لمن مسح وجهه أوشـد اللواحـي
كم قالـةٍ حلـه أوسـوى قضايـاه=أوبالجاه مايبخـل قبالـه سماحـي
أوبالبذل ما تقصرعن الطيب يمنـاه=ياماذبح للضيـف دمـث الفطاحـي
لوهـي مقانـي ذبحهـا ماتـغـالاه=قبـل التحيـه كـل شيـئٍ متاحـي
مع منسفٍ فـي ناجـز الرزيمـلاه=مامـرةٍ صـدد أبوجهـه أوشاحـي
الطيب لـه ورثـه قديمـه تـولاّه=من ورث جـدانٍ أوسـاع المناحـي
أبوه فـي فعـل المواجيـب ربّـاه=أوشبله تربّـا للمواجيـب صاحـي
راح العديـم اللـي إكبـارٍ هقايـاه=ماهـو إدْوينـيٍّ خنـوبٍ إسداحـي
مالـوم لـو إنّـا بكينـا أونعينـاه=من مثل أبويه منه زادت إجراحـي
لوتِرْجِعْ الميت على الحـي رجـواه=رجيت وأزعج بالطويلـه إصياحـي
وأكتب من القيفان بالطرس وأمـلاه=وألوم رجلـي لوقدمهـا إستراحـي
مرحوم ياللي مـا تناسيـت ذكـراه=حتى يقوم الميت ما أوْقف إنياحـي
ميرالقـدر محتـوم بالعمـر لجـاه=أوماقّدر الله كـان والخلـق ماحـي
ما باقـي ألاّ خالـق الكـون ببقـاه=والخلـق كلـه للفنـا مستبـاحـي
مايلام من تبكي على أبـوه عينـاه=هلت عليه الدمـع منهـا إسفاحـي
بكيت أبوي أوذقت هالحيـن فرقـاه=أومن خافي المكنون ماأخفيت باحي
أبكيه وأبكي من بكى فيـه وأنخـاه=ينعي رحيل الشيخ ليـل أوصباحـي
راح أوترحل وانتهى العمـر بفنـاه=عسى لـه الجنـه مقـامٍ إمراحـي
يمسي بها أويصبح مع الصحب نلقاه=الله يحلـه بالرضـا والسمـاحـي
أوصلاة ربـي عـدو بـلٍ نثرمـاه=علـى نبـيٍ جـاب خيرالفـلاحـي
{ ملك القوافي}
[/poem]
مواقع النشر (المفضلة)