كنـــا وصرنــا ,,, وليتنــــا ماصرنـــا ..<< ؟؟؟

**إبراهيـم بن سعود الدوسـري** · 13-09-2005, 06:45 AM

أمــور نسيناها او تناسينها او .... ؟؟؟

وهي
7
7

كنا نقول لاتقابلنا السلام عليكم ,,, والحين,,, هاااااي هاوز افرى ثنق

كنا نقول فمان الله والله يحفظك,,, والحين,,, نقول تشااااو وتيك كير

كنا نقول هلا حياك الله اقلط,,, والحين,,, نقول اتصل على قبل لا تجي

كنا نتفاخر عندنا جد وجدة بالبيت,,, و الحين,,, صار فيه دار للعجزه والمسنين

كنا نقول تفضلوا للعشاء انتم والأهل,,, والحين ,,, نقول ممنوع اصطحاب الأطفال

كنا نفطر ونتغدى ونتعشى جميع,,, والحين,,, زين اجتمعوا اثنين

كنا ناكل مرقوق وجريش,,, والحين,,, مكرونه اسبكتي أو بالباشميل

كان طموحنا ندرس في الجامعه وناخذ البكالريوس,,, والحين,,, طموحنا ندرس واذا جبنا الثانوية نقول خلاص طفشنا من الدراسة

كان طموحنا نصير طيارين ,,,والحين,,, طموحنا وظيفة توكل خبز

كنا نفرح اذا نزل البرد والمطر نشرب منه ونستعذب ,,,والحين,, نتناحش علشان ما تتوصخ ملابسنا

كنا نفرح اذا قالوا لنا قربت الاجازه ,,, والحين,,, نص عيالنا وبناتنا بإجازه على طول

أخـــوكـــم .. إبـــراهيـــم بـن ســعـــود الدوســــري

**راحيــــــــل** · 13-09-2005, 07:00 AM

[align=center]مراااحب

هلافيكـ اخوي ابراهيمـ $222

كنا أول نحس بفرحة العيد اللحين صار كنه يوم عادي

لان الزيارات قلت ماعاد هي مثل اول اللحين العيد صار للنوم بس im6

بصراحه هذا اكثر شيء حاز في نفسي

مشكور على موضوعكـ الحلوووو

يعطيك ربي الف عافيه

أختكـ://راحيــــــــل[/align]