بسم الله الرحمن الرحيم
يمكن اغلبكم قرأ العنوان وده يعرف
وش الموضوع وماراح اطول عليكم
حدث معاي اليوم بعد صلاة التراويح
رحت لاحدى الاسواق التجارية بالرياض
وكنت رايح اشتري اغراض للبيت ويوم
جيت عند بوابة المجمع قال لى لو سمحت
ممنوع الدخول عوائل قلت انا للحارس
انا ابدخل سوق كارفور ابى اشتري اغراض
للبيت ومابى ادخل المجمع قال الاوامر
عندي تقول ممنوع دخول العزاب والهيئة
موجودة داخل وراح تصير لي مشكلة
انا اذا دخلتك وماراح يخلونك بحال سبيلك
اذا دخلت انا يوم قال لى هالكلام قررت اني
امشى انتم اللحين تقولون وش فيه الموضوع شى
غريب عادي متعودين ممنوع الدخول للشباب
بس العجب كله وانا راجع مر من عندي شابيين
سوريين كاشخين واخذوا العربة ودخلوا على
طول ويوم شفتهم رجعت وقلت للحارس ليش
هذولي يدخلون وانا مادخل قال لى الاوامر
عندي تقول السعوديين قلت ياسلام يعني
الاجنبي ماهو رجال على اقل حنا سعووديين
عندنا عوائل وبيوت وعندنا مقاضي اما الاجانب
اغلبهم عزاب ويدخلون ويتمشون ولما كنت واقف
شفت الاجانب العزاب هذا داخل وهذا طالع وقلت انا
ماراح امشى لين ادخل واطلب لي الهيئة انا اكلمهم
واشوف وش هالنظام الاهانة لنا هذا اللي حط جميع
السعوديين مذنبيين وقال الحارس ماقدر اطلب الهيئة
ومااقدر ادخلك هذا اخر اللي عندي وبعدها مشيت
وانا مقهور والله وشرايكم انتم باللي صار معاي مايقهر والله؟؟
اتمنى ان تشاركوني بارائكم!!
تحياتي لكم
[glint]،،عديم الشوق،،[/glint]
مواقع النشر (المفضلة)