Mr.black.tnt مـخـطوف من ارهابيين ويبـغون فديه للـوطن قصـدي فـديه ملـيون ريال
هكا اليوم جالس بالحوش مثل العاده اتتن وانا بعز الانسجام مع الزقاره سمعت اصوات تنقز على جدار بيتنا طبعاً انا تغيبت ورا الجدار ابي اشوف وش السالفه (الا خايف)
المهم شفتهم اثنين اشكالهم مهي غريبه عن اشكال الارهابيين اللي بالصور
وسمعتهم يقولون :هذا بيت الفتى الفاسق انه يلقب نفسه MR.BLACK.TNT يا أبا الطحطاح
وسمعت ايضاًانه يجمع بعضاً من سرابيته في غالب الاحيان ويستمتعون بالقنوات الماجنه وانه ايضاً حاذف قناة السودان واليمن من رسيفره
انا سمعت الكلام هذا قلت افقع يا ولد الهجه
ما دريت الا الثنين فوق راسي وباخين علي بخاخ ما حسيت بنفسي الا بغرفه ومربط
واحد من الارهابيين : صحيت يافاسق انت واشكالك اللذين منعتوا المطر عنا
انا : وش قالولك يابو انا هوا
الارهابي: سنعلمك الادب
انا: حق اي سنه بس الله يخليك الادب حق الادبي صعب جب لي حق العلمي
الارهابي: تستهبل انت
انا:لا والله ما استهبل الا على فكره وين انا ؟؟
الارهابي:انت بالملاهي!
انا:صدق وبكم التذكره
دفففف <====صوت الكف
شكلك ماخذ الوضع باستهبال
يا ابوالطحطاح اتصل على اهله واطلب فديه بمليون ريال
(انا اقول بقلبي لو عند ابوي مليون ريال كان شفتن يا قرد بيتنا بالحوش اتتن كان معي جيب همر وماتشوفن الا بوسط الشانزليزيه افر فر)
ويتصل ابو الطحطاح على بيتنا وترد الوالده
ابوالطحطاح : معاكم مجموعه خطفت ولدكم ونبي فديه مليون ريال
امي: MR.BLACK.TNT بلا حركات نص كم ادري انك رايح تسربت مع اخوياك للبحرين وتبي هذي حجه عشان تغيب عن البيت (ياحياتي يا امي دايم ظالمتني)
ابوالطحطاح : اقول حنا جماعه نبي الفلوس ولا ذبحنا ولدكم
امي: لا الله يخليك نبي ندبر لك الفلوس طيب ينفع ذهب (يا قلبي يا امي قلبه حنون تبي تاخذ ذهبه وتعطيهم)
ابوطحطاح : لا نبي كاااااااش
^^^^^^^^^^^^^^^^^^^^^^^^^^^^^^^^^^^^^
امي راحت لبوي
امي: يا ابو MR.BLACK.TNT الحق على ولدك
ابوي:وش سوى بعد ها الهيس كيف انه مفشلنا باي قسم هو او بأي مركز هيئه ؟؟؟
امي : ياليت ياليت فيه جماعه ارهابيه مختطفته وتبي فديه مليون ريال
ابوي : قولي لهم اعطيهم مليون ويخلونه عندهم
وش رايكم بابوي :(
تقبلو تحياتي:23ar:
مواقع النشر (المفضلة)