.................................................. زمـ الحب ـان
زمـ الحب ـان "
قصيده رايعه واترككم معاها ولكم مني كل الود
زمان الحب سامحـني تـرى ما لـك علي حقـوق
حقوقـك من زمـن عمـري وداع بدون رجعـاني
زمان الحب أنا أهديتـك فـرح من دمعتي مسـروق
وأعطيـتك كل مـا أمـلك ولـوم النـاس يقفـاني
زمان الحب لي قصة عجـز عن وصفها المنطـوق
حمم بركان في صدري عجـز عن وصفها لسـاني
أنا حبـيت لـي عـذراء قدرهـا ساقـها لي سـوق
ملـكني حبـها الصـادق بدمـي وسـط شريـاني
زمان الحب صدقـني تعـاهـدنـا عهـد موثـوق
عهـد حب ٍ علـيه الله وأمانـه طـول الأزمـاني
تجـي في ليـلة الجمـعة على موعد لها مصـدوق
ولا أذكـر يوم واعدته وعد .. وأخلف ولا جـاني
تجيـني كنها شمـس ٍ على سطح البحـر من فـوق
تجي في شوقـها الدافـي وأنا للشـوق عطشـاني
أليـا جتـني وهدتـني بهـرج ٍ يكـسر الصنـدوق
سرحـت ولا وعيـت إلا إذا بـالصـوت نـاداني
وأليـا مني علـيه أبطـيت لاحت بالعـيون بـروق
ولامـنه لـمح زولـي نهـض بـالشـوق حيـاني
نسافر في سمـاء الهاجـس ونبني للهوى طـاروق
على صوت الحـنان أكتب قصـيدي حلو الألحـاني
على هـذا ثـلاث سنـين مرت يا زمـن برفـوق
نسيـنا الهـم والدنـيا ونسيـنا غـدرها الجـاني
ثـلاث سنـين مرتـاح ٍ بحـبٍ عايـش ٍ بوفـوق
حبيـبي مطـلق عنـانه وأنا لـه مطـلق عنـاني
وفي ليـلة أسى فيها غـدا ضوء القـمر مشنـوق
هي أقسى ليـلة بعـمري يـوم أن الوقت جـازاني
بـ ليـلة من شهر سـتة بحزة جـيت المعشـوق
تبـاطيـته بعـد عـمري تأخـر سـيد خـلاني ؟!
لفتـني وجهـها شاحب شعرها ما يضـمه طـوق
وحـلاوة خدهـا ذابـت حرقـها دمـع الأعيـاني
خفـق قلبي من النظرة ونفـظني وانقطع معـلوق
وصار الصـدر من جـوه تشـاعل فـيه نيـراني
تسـآل قـلبي المغرم عـلامك يا حسين الـذوق ؟
تكـلم يا بعـد عـمري ترانـي صرت حيـراني
عيونك لـيه ذبلانـه ؟ قبل ما هي بحـر للشـوق
قبل مـا نظـرة عيونـك تهز إحسـاس وجـداني
قبل ما هي وطـن كامـل وعالم مزدهر بالمـوق
قبل ما بغـربة أيـامي آلاقـي وسطـها أوطـاني
حرام الدمـع يملاهـا ويجـعل جفـنها محـروق
وهي تمـلى حيـاتـي بالفـرح لا جيـتها عـاني
نظـرت بعـيونها جـمره وقالت حبـنا مسيـوق
يسوقـه حظـّنا الخـايـب بوقـت ٍ عـنك وداني
أحسبك يا ......... سابـق ولكن قدرتـك مسبـوق
تصـير حكـمة الدنـيا قـدرهـا عنـك ينحـاني
عجزت أحكي من الصدمة غدت عبره بحلقي عـوق
وتفجر قـلبي الضـايق وثـار الصـدر بركـاني
وقفـت بموقـفي ساعـة أسير بعبـرتي مخنـوق
وأصارع واهـج اللوعـة وأقـاوم عارم أحـزاني
ولعـنت الوقت يوم أنه جعل درب الهوى مفـروق
وخـلاني أسـير الـدرب تايــه فـيه وحـداني
زمان الحب سامحـني ترانـي يا زمـن مخلـوق
أصير من الخطاء تايـب وأعـّود للخطـاء ثـاني
أبذكـرها وأبجعـلها عطـرٍ لي بنـفس منشـوق
وأحـبه أن تذكـرنـي وأحـبه لـو تـناسـاني
.. وسلامتكم ..
رد مع اقتباس
هلا والله با خواني الغالين
مواقع النشر (المفضلة)