صباح الخير
قصيده خرجت غصب عني
واتمنى انها خرجت في محلهااااااااااااااا
[poem=font="Simplified Arabic,5,blue,normal,normal" bkcolor="transparent" bkimage="" border="solid,4,gray" type=1 line=0 align=center use=ex num="0,black"]
هاضت هجوس العتيبي واسمعي يالاجوديه=ماعشقت الا العفيفه مارقيت الا الطوالي
جيت من داري لدارك لا عليك ولا عليه=جاحدٍ درب الحرام ودي بدرب الحلالي
جيت كلي لجل عينك يالهنوف الغشمريه=ولو يزود الحمل ما ضعفت به ظهور الجمالي
عيني للعليا تخايل ما تخايل فالرديه=والردى من عهد ابوي وجدي ما جاله مجالي
حي دارٍ تسكنه ياهيه ياالمجمول حيه=دار ابوك ودار جدك من طحاطيح الرجالي
الرجال اللي لهم فالوقت بصمه عالميه=اخذين الطيب كله من قديمات الليالي
وانتي يا مضرب مثال الزين مابين البريه=فيك يا صعب الجواب وفيك يا صعب السؤالي
لو بوصف اعجزت كل الحروف الابجديه=والعقل في صفها يعجز ويقرب للهبالي
لو بقول انك ملاك ولو بقول انك حوريه=ولو بقول ولو بقول ولو بحلق فالخيالي
ماكتبت مقدمه توفي جمالك يابدويه=العيون الناعسه ولا الحكي ولا الدلالي
العيون اللي هدبها يجعلك في مهميه=عين حرٍ شايفن صيده وحلق باعتجالي
والمحيا لا لمحته .. ضعفت عزومٍ قويه=يذبحك في مبسمه ياحي والله ذا الجمالي
وان مشى واقبل وجالك تبتلى باكبر بليه=تلبس شماغك ماتدري مبتلى فوق العقالي
وان تحكى قوم والله يالحون السامريه=قوم والله يا مواويلٍ على الطّرق الهلالي
وان تمايل بالخصر بتروح مع روحة طميه= خصرها فقر كبير وردفها يا هملالي
اعتقد ان القمرمن عقب شوفه هو سميه=لان ماله لا شبيهٍ فالبني شرق وشمالي
شفت غيره فالعذارى بس ما شفت الحليه=واحدٍ يودع رزين العقل عقبه في خبالي
قد سمعنا بالملوح يوم حب العامريه=واصبحو في عالم العشاق مضرب للمثالي
والمثال اليوم حبي مع هنوفٍ يوسفيه=حب خلاني عن العربان مشغولٍ وسالي
لو فحصتو دمي كله ما به الا بس خليه=اسمها فيها وصورتها وباق الدم خالي
حيّها صدفه تجمعنا بها فالفيصليه=لو كلٍ في طريقه ماشيٍ مالك ومالي
ما نضرب حبي وحبك كامثل بين البريه=وانتظر منك اتصال وتنتظر مني اتصالي
واسهر الليل امتوجع والليالي سرمديه=وتخايل في سمايه وارتجي صدق الخيالي
التقينا بالعيون وبالقلوب وبالحميه=وافترقنا بالمواجع والدموع وبتعالي
وجيت من داري لدارك شفق والنيه مطيه=ودي شوفك لان شوفك ينحسب من راس مالي
فالرياض اول لقانا ودي لو فالسالميه=نلتقي والقى اجابه لسؤال اللي في بالي
ليش قيس ابن الملوح يوم حب العامريه=اصبحو في عالم العشاق مضرب للمثالي؟[/poem]
مواقع النشر (المفضلة)