مسآء الخير .. :25ar:
...
......
انآ متزوجه وعندي اطفال ..عايشه حياه عاديه جدا ..
زوجي انسآن كويس ..
لكن اللى مو قآدره افهمه هو شخصيته ..
مرآت احس عنده انفصآم بالشخصيه ..بالبيت شخصيه مرحه ودمه خفيف ويضحكني كثير بكلامه وتعليقاته وتصرفاته ..
وبنفس الوقت يحترمني وما يغلط علي ابدااا ..
شخصيته الثآنيه مآ تطلع الا عند اهله ..لدرجه اني اكرهه او يمكن اكره هذي الشخصيه واكره تصرفآتهآ ..
يتريق علي عند اهله ويقلل من احترآمي ..لو احآكيه مآ يرد علي
حتى مرآت يطلع عيوبي لهم
طبعآ عشآن اتجاوز هالمشكله صرت لو اجتمعنآ عندهم اضل ساكته عشآن ما يتريق على كلامي عندهم ..
وافضل كثير اني ما اكون موجوده بنفس الجلسه لو هو جالس
.. ولما يطلع ارجع اجلس مع اهله ..يعني الهي نفسي باى شي عشان ما اجلس يا اما اروح لعيالي او اسوي شي بالمطبخ ..لين يطلع ..
حتى امه تتضايق من كلامه وتصير ترقع له لان شكلي ينرحم من جد ذيك الساعه ..
طبعآ ما انكر انه صارت بيننا مشاكل كثير على تصرفاته هذي ورده دايما اني انا حساسه وانه يمزح ومن هالحكي ..
فهمته اكثر من مره ان احترامه لي يخليهم هم يحترموني بعد ..وهيبتي من هيبته ..
مرات احسه يكرهني وكنه لقى فرصه عند اهله يفش غله ..مع اني والله مو مقصره معاه باى شي ..وما عمره اشتكى ..
ولو فعلا يكرهني ليش بالبيت ما يسوي هالحركات !!
انآ مستحيل اتريق عليه او اقلل من احترامه عند احد ..وما تعجبني الزوجه اللى تسب زوجها بالمجالس ..
وللاسف طلع زوجي يسوي هالحركه فيني وليته من وراى لآ قدامي
عارفه مشكلتي بسيطه مرره وقادره اتأقلم معاها واعيش حياتي ..بس دايما اسأل نفسي ليييييييييييش ؟؟!
ليش يسوي كذآ ..شفيهآ لو الرجآل احترم زوجته عند اهله ؟!
يعني لآزم يهينهآ ويطلعها ولا شي عندهم ..ولا ايش والله مو فاهمه ..
وكيف الطريقه اللي أتعآمل فيها معاه ؟؟
............................................ إنتهى ،
:25ar:
مواقع النشر (المفضلة)